الدواسر يزبنون زعيم العجمان { راكان بن حثلين}

[دوسر]

السلام عليكم ورحمة الله وبركاته
بسم الله الرحمن الرحيم
اللهم صل على محمد وعلى آله وصحبه أجمعين
تحيه عاطره لأعضاء منتدى الهيلا عتيبه الكرام.~

زعيم العجمان { راكان بن حثلين} يزبن على ال عمار الدواسر.~

سأورد بأختصار ماقاله راكان بن حثلين بعد ما زبن على الدواسر .~

راكان ابن حثلين يستجير بالدواسر




يقول راكان بن حثلين في حروبه مع ال سعود واستجارته بالدواسر وخصوصاً ال عمار :

يوم الزعيم لبس علينا زبونه=أحمل علينا كن له عندنا ثار
يوم القبايل والدول يتبعونه=نوى يجلينا وراء حد الأمصار
لعيون من بالميـل يجلـي عيونـه=إنفرق الطابور لو صار ما صـار
ذكرت أنا اللـي جارهـم يهملونـه=لاد زايـد سلمهـم هملـة الـجـار
نصيت اللي ما رضوا لي بالمهونـه=نصيـت أهـل السيـح لاد عمـار
لجاهـم المـطـرود يستقبلـونـه=ومن الخوف يامن عند وافين الأشبار
والضيف لامن زارهـم يكرمونـه= صياني تنقـل وعزايمهـم اكبـار
كم كبـش مـن الضـان يدفعونـه=ولا من الحشـوان قعـدان وبكـار
السيـح ديرتـهـم ويستاهلـونـه=لا من استوى بالحمل زينات الأثمار
وريـة عليـه البحـر يفجـرونـه=بين القبايل ما بنـي دونـه جـدار
كـم واحـدٍ مـن دونـه يعدلونـه=حماية الأمدار في الموقـف الحـار
حريبهـم منهـم تشـده اجنـونـه=لاسمع عزوتهم من المعركـة نـار
والجوخ فـي يـوم اللقـا يلبسونـه=وسلة سيوف الهند من صنع بيطـار
والجار ما يرضون عليـه بمهونـه=من بينهـم ينـزل ولاكنـه بجـار
كـم خايـعٍ مـطـرف ينزلـونـه=ويرعـون قطعـان الأزاف نـوار
وكـم عقيـدٍ عندهـا يصفقـونـه=مستجنبين الخيل من قـب ومهـار
وجميلهم مـا انسـاه لجـو يبونـه=ولانيـب بـرد المجـازات بـوار

ويقول راكان بن حثلين ايضاً في آل عمار :

يا راكبٍ من عندنا فوق مذعور=ومربع ني الحيا فـي سنامـه
ينشـر مـن الثقبـة مـع فجـة النـور=والعصـر بالأفـلاج يبـلـغ سـلامـه
سلم على آلعمار بالصوت مشهور=اللي حمو غـرس الفضـا مـع جهامـه
أهل سربةٍ لا دبرت كنها عـور=ولا قبلـت لكـن فيهـا زعامـة
وسلت سيوف الهند مع كل مستور=كم أبلج شقت فصايـل عظامـه

ويقول راكان في مدح الدواسر وتميزهم بحماية المستجير :

احسينيـه صهيبـيـه زايـديـه=وحامين من غير الجهام غروس
وبيوتهم تبنى على أعلى رفاعـه=ويجوبون علم الحف يوم ينـوس
واهل غروسٍ في الفضا مابنى لها=وكم عدلو من دونها من قـوس
وهم دواء للـداء لكمـل الـدواء=لاضاق راعي الهوش بالمبـوس
كم خايع في حيفـه ربعـوا بـه=ورعيانهم ماسكسكـوا للعـوس
كن جمعهم مـزن تعـزل ربابـه=واهل سربه مركازهـا كـردوس
يا زين جانبهم على اللي يزورهم=وللجـار ولاّ للحيـف نـجـوس
واهل سفرة تنده فـي كـل حـزه=وذباحـةٍ للفـاطـر العـنـوس
اعد ماشفتـه وانـا مـن قبيلـه=محزمين القنازع فـوق الـروس

هذا ماقاله أحد أشهر زعماء العجمان راكان بن حثلين بينما يأتى صغار السن ممن يجهل تاريخ القبيله ويتسائل هل الدواسر يزبنون الدخيل!!!
فلا أقول له إلا هذه الشواهد وكحل عيونك.~

والسلام مسك الختام.~

آخر تعديل دوسر يوم 03-Jun-2010 في 07:13 AM.