الشريف باسل الله لايضرك

[محمد ابن رووق]

المشاركة الأصلية كتبت بواسطة نافع

الله لايضرباسل الشريف شاعر وواثق من نفسه ومستواه ما هبط بس متهمين ان وراه فلوس ويبونه يدفع اكثر والشاعر ممدوح شاعر وواثق من نفسه ولكن الدعوى دفع فلوس وارجو ان لايحبط فهو لم يطلع شعرياَ طلع لنقص الدعم والله انه يستاهل الدعم هو وباسل فهم صغار سن كبار عقول الله يحميهم من عيون الحاسدين

لاهنت ابيض وجه

[محمد ابن رووق]

المشاركة الأصلية كتبت بواسطة قاسي العتيبي

تابع حلقة الاسبوع الماضي وتعرف
والأسابيع القادمة بتوضح لنا كل شي

تابعت وما عرفت قصدك لكن لاهنت على كل حال

[محمد ابن رووق]

المشاركة الأصلية كتبت بواسطة طلب الشيباني

والله ما عنده من الشعر ذره ليته يستريح ابرك له

رايك ويحترم رايك

[محمد ابن رووق]

المشاركة الأصلية كتبت بواسطة الجوراسي

مدري الناس وش صابها

هذا يمدح فلان عشان جري وهذاك يمدح فلان عشانه وسيم والاخر عشان سكبته ووووو


والشعر يااخوان اين هو اين هو اين هو

الجوارسي دايم انت راعي شطحات من جاب طاري وسيم


ثم عن الجرأة لك الي تبي تطلع على المسرح وانت بعمرك ذا تقول بيتين نظم خل محاورة حاضر بحاضر



ولاتطلب من شاعر مبتدي يصير مثل حبيب العازمي على طول

ارجع لبدايات حبيب واحكم ارجع لفلاح القرقاح في بداياته كان في محاورة بين صياف وحبيب والمعنى فوق راس القرقاح ولا درى والحين ند لكبار الشعار بل يعد من كبارهم


ارجع بداية تركي تجميع كلام



يشكر الرجل وهو في عمر 16 ويطلع ويصادم روس الشعار شي موب سهل


ارجع واقول شهادة كبار الشعراء تكفيه من كلام النقاد الي مايوزن البيت

[محمد ابن رووق]

المشاركة الأصلية كتبت بواسطة خالد سفر العتيبي

عزالله انه ماهو بسيط

حياك الله بالمرور

[عبد الله الحليفي]

آلية البرنامج لم يكون فيها الرد حاضر بحاضر

مرحلة ال48 وال24

كانوا كل واحد منهم يزين بدعته والآخريسوي عليها رد ولم يتجاوز كل طاروق ستة ابيات وهذا سهل حفظه في اسبوع وموجوده معهم في جوالاتهم ويراجعهونها وهم في مسرح البرنامج

وملاحظ ان كلهم يتعمدون ضياع الوقت في كل طاروق وهو لم يتجاوز بدع ورد وبدع ورد فقط


كلامي هذا مثبوت بثبوت

[عبد الله الحليفي]

حبيب العازمي لايقارن بغيره من الشعراء

لانه بدأ من مرحلة النجوميه واجحاف في حقه اذا يشبه بشعراء هذا الجيل

حبيب شاعر بدأ وهو مقابلة فحول محاوره ماهم بأي شعراء وجميعم قالوا انه بدأ من نقطة شاعر مبدع وليست نقطة شار مبديء

[قاسي العتيبي]

المشاركة الأصلية كتبت بواسطة عبد الله الحليفي

آلية البرنامج لم يكون فيها الرد حاضر بحاضر

مرحلة ال48 وال24

كانوا كل واحد منهم يزين بدعته والآخريسوي عليها رد ولم يتجاوز كل طاروق ستة ابيات وهذا سهل حفظه في اسبوع وموجوده معهم في جوالاتهم ويراجعهونها وهم في مسرح البرنامج

وملاحظ ان كلهم يتعمدون ضياع الوقت في كل طاروق وهو لم يتجاوز بدع ورد وبدع ورد فقط


كلامي هذا مثبوت بثبوت

كلامك هذا ياعبدالله هو اللي في بالي ومحمد ابن روق لم يفهم التلميح اللي وضحته له الآن يامحمد ابن روق فهمت القصد وألا باقي مافهمت

[قاسي العتيبي]

الله يبارك في الوتس آب والقروبات

[طلب الشيباني]

المشاركة الأصلية كتبت بواسطة عبد الله الحليفي

آلية البرنامج لم يكون فيها الرد حاضر بحاضر

مرحلة ال48 وال24

كانوا كل واحد منهم يزين بدعته والآخريسوي عليها رد ولم يتجاوز كل طاروق ستة ابيات وهذا سهل حفظه في اسبوع وموجوده معهم في جوالاتهم ويراجعهونها وهم في مسرح البرنامج

وملاحظ ان كلهم يتعمدون ضياع الوقت في كل طاروق وهو لم يتجاوز بدع ورد وبدع ورد فقط


كلامي هذا مثبوت بثبوت

هههههههههه القرعه امام الجميع والشاعر لا يعلم من الشاعر الذب سوف يتقابل معه والا اتو بافضل الابيات وانا كنت معا احد شعراء عتيبه بالبرنامج واعرف تماما ما يدور خلف الكواليس ..


اما من ناحية الشريف فما يمتلك من الشعر سوى اسمه واذا هي على الجرأه فهناك اطفال ارتجلو كلام امام قادة دول ولم نرى الاشاده بهم كما نراها بباسل هذا بالتويتر وبالمجالس يا للعجب ..