قصيدتي في حفل زواج سعود العضياني

[ابن صنهوت]

هذه قصيده تشرفت بالقائها يوم الجمعه الماضي في حفل زواج اخي سعود عيد محمد العضياني في قاعة السلطان بمدينة الرياض اسأل الله له التوفيق

يا مرحبا باسم الرجال المسمين=اهل الكرم واهل الوفا والحميه
يا مرحبا عند الرجال الوفيين=الاد عاضي مسرجين العبيه
يا مرحبا عند الرجال الشجيعين=حماية العطفه ضحى كل هيه
يا مرحبا ما قرنسن الشياهين=وما هل من غر المزون ابرديه
وعد الحجيج اللي بمكه ملبين=وما نسنس النسناس صبح وعشيه
اهلا هلا باللي من البعد لافين=واللي قريب والقريب وخويه
انيابة عن ملحقين المخلين=اقولها وادق معها تحيه
في حفل اخوي اللي عرفته على الزين=يا حي والله هالاسم والهويه
سعود عيد ويرجحن الموازين=نسل الحرار الندر الصيرميه
حر على الطاله يرف الجناحين=تارد حباله للعدود الرويه
الجد ابن هزاع ريف المجيعين=هداج تيما ما نقصته دليه
امردد بينه وبين المشاعين=عرب الجدود ومن بيوت نقيه
ويا سعود يا نسل القروم السلاطين=عسى حياتك بالسعاده هنيه
مبروك حفلك يا عشير الميامين=يا كاسب الطاله زبون الونيه

وسلامتكم

[عايض جزاء العصيمي]

صح لساااااااااااااااااااانك

تقبل مروري

[ابو ضيف الله]

صح لسانك يا بن صنهوت مدد بلا عدد على القصيدة الرائعة

والف مبروك لسعود العضياني وززقه الله الحياة السعيدة والذرية الصالحة

التوقيع

قال الشافعي رحمه الله: أركان الرجولة أربع: الديانة والأمانة والصيانة والرزانة. قال الخليل ابن أحمد: التواني إضاعة, والحزم بضاعة, والإنصاف راحة, واللجاجة وقاحة. اللهم أنصر من نصر الدين وأخذل من خذل الدين

[ابن صنهوت]

المشاركة الأصلية كتبت بواسطة عايض جزاء العصيمي

صح لساااااااااااااااااااانك

تقبل مروري

صح بدنك لاهنت على المرور

[ابن صنهوت]

المشاركة الأصلية كتبت بواسطة ابو ضيف الله

صح لسانك يا بن صنهوت مدد بلا عدد على القصيدة الرائعة

والف مبروك لسعود العضياني وززقه الله الحياة السعيدة والذرية الصالحة

هلا يابو ضيف الله صح بدنك لاهنت على المرور نورت المتصفح

[عزارم]

صح لسانك ياطيب

[سلطان نايف العضياني]

يامال الشحم يابن صنهوت صح لسانك
وينك ماعاد ألك شوفات فالمنتدى عسى ماشر؟

[ابن صنهوت]

المشاركة الأصلية كتبت بواسطة عزارم

صح لسانك ياطيب

عزارم صح بدنك ولاهنت على المرور

[ابن صنهوت]

المشاركة الأصلية كتبت بواسطة سلطان نايف العضياني

يامال الشحم يابن صنهوت صح لسانك
وينك ماعاد ألك شوفات فالمنتدى عسى ماشر؟

مرحبتين يابو نايف نورت المتصفح وصح بدنك !! موجودين بس ضروف العمل والحياه تحدنا عن هوانا

[فايز بن سرحان الثبيتي]

ياسلاااام


بيض الله وجهك يابن صنهوت وصح لسانك ولاشك ان الاد عاضي يستاهلون كل علم زين

التوقيع

إذا شئت أن تحيا سليما من الأذى=وحظك موفور وعرضك صين لسانك لا تذكر به عورة امرىء=فكلك عورات وللناس السن وعينك إن أبدت إليك معايبا = فصنهاوقل يا عين للناس أعين وعاشر بمعروف وسامح من اعتدى=وفارق ولكن بالتى هى أحسن