في ذمتي ما عاد باقي رياجيل.!!!

[وصل العطياني؟؟؟]

ســلام علاكم

هذي طبوعي كل ما عسعس الليل=أصلّـح الدلـة وأجـر اللحونـي
بريـةٍ موزونـة البـنّ والهـيـل=والماء بوزن وحيّ هاك الوزونـي
منهـا تكيّفنـي ثلاثـة فناجـيـل=وأرتاح ويطير السهر من عيونـي
وأراجع الذكرى وأجـرّ المواويـل=والذكريـات بكـلّ شكـلٍ ولونـي
البعض منها يشرح الصدر بالحيل=والبعض لا والله يجـدد طعونـي
وأرجع وأفكّر في الليال المقابيـل=لعل وقتـي مـا يخيّـب ظنونـي
وأدخل على الله من حياة الغرابيـل=حيث إن همّي ما تشيلـه متونـي
كنّك مفصّل فوقي الهـمّ تفصيـل=لين إلتبسني مثل لبـس الجنونـي
حالي كما حال القلوب المشاغيـل=اللي من أطرف شـيء يتأثّرونـي
لو يشتكون الغبن والجور والميـل=للغيظ وسط صدورهـم يكتمونـي
فكّرت الا الموضوع يحتاج تحليـل=وفنّ الدراسة واحـدٍ مـن فنونـي
عرفت وش عكّر مزاج المشاكيـل=يوم إنهم مـن وقتهـم يشتكونـي
أول سبب: نقالـة القـال والقيـل=الطغمة اللـي جعلهـم يذهبونـي
قلوبهـم بالحقـد سـودٍ مغاليـل=ومن طبعهم بالمشكلة يفرحونـي
وثاني سبب: ناسٍ على مثل ما قيل=لا يقطعـون الشّـر ولا ينفعونـي
والله ما يرفع ضغطك إلا المهابيـل=العالم اللي في النحـر ينشبونـي
وثالث سبب: ناسٍ سوات المخاييل=على سلوم الطّيب ما يحرصونـي
خلّو سلوم أجدادهم رغو مع سيـل=وفي عالم التقليد جو يركضونـي
طشّوا عمايمهم ولبسـوا بناطيـل=والموس فال أشنابهـم والدقونـي
وأرقابهم ما سلمت من السلاسيـل=تطبّعوا بطبـوع هيـم البطونـي
في ذمتي ماعـاد باقـي رياجيـل=إلا القليـل وجعلهـم يثبتـونـي
صفّة بعد صفّة وجيلٍ بعـد جيـل=كلٍ من اللي قبله أنقص وأدونـي
هذي هي الأسباب من دون تفصيل=شرحت روس أقلام بس أعذرونـي
واللي يبي تفصيل بالحيل بالحيـل=يقـدر يكلمنـي علـى تيلفونـي

تحيااااااتي

التوقيع

na111na@hotmail.com

[الطير]

تسلم تسلم تسلم

اخوي وصل العطياني

بيض الله وجهك اشهد انك ابدعت فيها

حتى وصف الرياجيل فيها اشهد انك فصلتهم تفصيل

{{{^: صح السانك :^}}}

بس اخوي وصل انا ابي زود تفصيل

رقم ؟؟؟؟ ما اعرفه

[الوليد الاسعدي]

واللي يبي تفصيل بالحيل بالحيـل
يقـدر يكلمنـي علـى تيلفونـي

صح لسانك يارجل !!!!!

التوقيع

و أنا عتيبي من سلالة هـوازن *** ربعي عوايدها الفخر من جدودها ما نوشي الفتنه ولا نحرث الردى *** ولا نهاب اليا تسامت وقودها ان ميل الميزان من قوم يمنا *** صبرنا لها لوكان كبرت لهودها وان ميل الميزان منا على العدا *** نروي من السم السقطري كبودها

[((الدلبحي))]

الاخ العزيز
وصل
تسلم وصح السانك قصيده جزله
ولاهيب غريبه من واحد مثلك يقدم ماهو جزل
تقبل تحياتي

[الــوآفــي]

والله ما يرفع ضغطك إلا المهابيـل
العالم اللي في النحـر ينشبونـي

يااااااا كثرهم الله يذهبهم

صح لسانك وشكرا لك

التوقيع

ليا جاء طاري الهيــــــلا يفز القلب فزة شوق ألبوم صور مدونه مميزه

[داهية عتيبة]

صح لسانك مليووون أخوي وصل




رائع ومبدع كما عودتنا



لا عدمناك ونتطلع لجديدك




تحياتي ..

[بن بادي]

هات تلفونك يا وصل !!

صح لسانك

بيض الله وجهك يا ابيض الوجه

جزاله وقوة في المعنى

الله يعطيك العافية .. لا هنت يالعطياني

بن بادي

[الدلبحي]

تسلم يا وصل وصح السااانك

[عضياني نت]

صح السانك ياوصل

[مروي العطاشا]

صح الله السانك ياشاعرنا العزيز وصل العطياني
تقبل تحياتي