اليوم انا خاطري ماهوب مرتاحي قصيد للشاعر سعيد منيف العازمي العتيبي

[ابن جدعــان]

اليوم انا خاطري ماهوب مرتاحي=لو شفت بعض الجماعه داله[ن] باله
ومريت من عند باب اعقاب ومناحي=وأقول فالجيب جعل العفش قد شاله
وأنا ربطت الفراش وجبت مفتاحي=والجيب شغال والافكار شغاله
مدام مخي براسي والنظر صاحي=ابا انتل الجيب واعرف وين مقياله
وكانك تبي تعرفه ياعقاب فرواحي=نبا نسير لأبن هلال واعياله
نلقاه في مجلسه والعود فياحي=ويقلط اللي يجي،ويكرم اسباله
والا يوده لذود[ن] خلف ولقاحي=في وسق جيبه وراع السقس يبراله
اللي ليا جيت له قابلك بنصاحي=ورحب وقدم مع الترحيب فنجاله
ابوه هلال قد علمه الأ فلاحي=واهوه بعد علم اعياله على الطاله
والكل منهم لسد النوب نطاحي=أن راح في لازمه،والا بمنزاله
لا حل طاري لهم توج بالأمداحي=وودني اشوفهم لا لــه بعد لا لــه
لكن تحول المشاغل دون مرواحي=وكل[ن] مجرب،ويعرفها من اشغاله
وانا ليا ابطيت عنهم جايشي فاحي=ويفور دمه لا لاه يردد امثاله
ولو ما يغني الحروف من الغضب صاحي=والا نطل غترته زعلان واعقاله
ويا زين مسرحنا والصبح ما انباحي=اليا خلصنا من المجلاس وارجاله
ويعجبك مسراحنا والصبح منباحي=مع مهمهن مشتبك ضلعان ورماله
وطبيت في خبة[ن] من دون الاسياحي=في وادي[ن]فيه قيف وجيت بظلاله
والجيب يعجبك سجه عقب مسراحي=اليا عطا جو دار[ن] يطرد لا له
مافيه غير الخوي والطير وسلاحي=قرم[ن] لضرب الدروب معرب[ن] خاله
تاثق منه لن قعد ويسد لن راحي=ماهوب خبل[ن]معك فالجيب تشتاله
انقلت وشلون حالك قال مرتاحي=وان رحت ما قال وينه راح في حاله
وان شفت برق[ن] على هاك الدير لاحي=ربطت عفشي بوسق الجيب بحباله
ليا هب زين النسيم بعذب الأرياحي=زان التمشي معه فالبــر واعباله
او صدق الوسم يم السر وارماحي=والبدو كل[ن] يباه وشد برحاله
والبرق شفته على هاك الدير ضاحي=اسبوع سيله يسيل ويمطر اخياله
وريح النفل فيه ينعشني ليا فاحي=ونبت الخزاما طلع فالطعس واجباله
يا ما حلا في محام[ن] روض ممراحي=والنو سرا علاه وصب هجاله
شبة عرين الحطب قدام الاصباحي=وتبهيرصفر[ن] عذاب، بكيف يعبا له
وسوالف الغانمين اب جد وامزاحي=وكلن على ما يقول يحط معداله
اخير من ما يجيبه جرج قرداحي=واللي يتابع علومه رد ما قاله
والعبد دام الحياه يصير طماحي=وان مات يجزاه رب البيت بأعماله

[الطير]

اخير من ما يجيبه جرج قرداحي=واللي يتابع علومه رد ما قاله
والعبد دام الحياه يصير طماحي=وان مات يجزاه رب البيت بأعماله

سلمت يمينك يابن جدعان على القصيده الجميله

صح لسانك ولسان الشاعر

[الدهاسي]

لاهنت ياابن جدعان

وتسلم يمينك

يعطيك العافيه

[ابن جدعــان]

اخوي الطير
الله يسلمك من النار وعذابها

وصح بدنك يا غالي

[ابن جدعــان]

وانت ان شاء الله سالم وغانم يالدهاسي

ولا شنت طال عمرك على الطاعه

[ابو عاتق]

يعطيك العافيه على نقلك الرائع

سلمت اناملك على هاالمجهود الطيب


تقبل تحيــــــاااتي



اخوك

ابو عاتق

[((الدلبحي))]

ابن جدعان
بيض الله وجهك
صراحه قصيده جزله بمعنى الكلمه صح السانك والسان الشاعر العازمي

تحياااااااااااتي

[وصل العطياني؟؟؟]

صح لسان الشاعر ..

وسلمت يمين الناقل ..



تحيااااااااتي

التوقيع

na111na@hotmail.com

[خالدالعصيمي]

سلمت يمين ابن جدعان

وصح اللسان ابن منيف

لك خالص تحياتي

[مروي العطاشا]

سلمت يمينك يابن جدعان على القصيده الجميله

صح لسانك ولسان الشاعر