القاب قبائل ومشاهير وسيوف قبيلة عتيبه

[الجوراسي]

بحث رائع جدا

لاهنت يامنصور

[عيون الحر]

أشكرك أخوي
على جهدك والموضوع الرائع ولكن لي تعقيب
أذا سمحتولي
أولآ آخي الفاضل الغبيات
فهناك المئات من الفريس وهناك من مشاهير الفريس البارزين
منهم حمدان بن سلطان بن شعاف خيال الهدبا ويكاد
يكون هو الوحيد الذي لديه مرابط للخيل الاصايل وأسم خيله الهدب وهو الذي أقتلع الفرس الشهيره (جلموده)
من الفارس أبن ربيق وأهداها على ناصر بن نجم
وفي أحدى المعارك مع الحروب أستيسر ناهس الذويبي وماجد الغريب الذويبي وكثير من الحروب من بني عمر

وأقتلع الفرس الشهيره( العبيه )من الفارس الغفيه الحربي من الخضران من بني عمر وأستحذاه
شليل وأعطاها شليل..
أسم خيله (الهدب)وعزوته خيال الهدبا وأنا حمدان سيفه موجود لدي وبندقيته
ولا أعلم عن
اسمائهن وجدنهااا عند أبن مهنا رحمة الله عليه

وضعها أحد أحفاده يقول فيه الفارس رباح أبن مطلق الصانع
لوحت العزوه وجا حمدان....وأبن بارود تفرحبه مطيرة المعاطينا
ألى أخر القصيده...

ودحيم أبن بارود راعي الشعثا أسم أبله و الفارس خصيوي الردعي أخو سوده وأغفلتووو
عن الفارس الشهير عفاس بن محيا
(عقاب نجد) راعي الحردا
وهناك الكثير الكثير
تقبلووووو فائق ودي وأحترامي

[يوسف العازمي]

مشكوووور على المعلومات

ولاهنت على النقل

[مـــرعـــب نـــجد]

«®°·.¸.•°°·.¸¸.•°°·.¸.•°®»بسم الله الرحمن الرحيم
السلام عليكم ورحمة الله وبركاته
مع احترامي لك بس في بعض الاسماء ما ذكرتهم ياليت تذكر هم كلهم ولا تذكر احد
وشكرا«®°·.¸.•°°·.¸¸.•°°·.¸.•°®»

[زبن المجناء]

النويري

الله يعافيك على الجهد الرائع

تحياتي لك

وشكررررررررررررررررررررررررررررررررررررررررررررررر ررا

[عبدالله بن حجنه]

كفو والله كفووووو
ابدعت يا بن فهيد


بس شكلك نسيت

شبيب وشباب

وضيف الله بن طوقان

[عتيبي االزلفي]

الله لا يهينك بس انت ماذكرت

رداد البراء امير الجذعان

[الطارق]

بيض الله وجهك أخوي بن فهيــــــد ..

وعن جماعتنا الأســـــاعدة فهناك الكثير من الألقاب والعزاوي المشهـــــــورة واللي بعضها أشتهر عنـــــد قبائل الجزيرة العربية .. ومنها :




آلاد سعود

عزوة قبيلة الأساعدة

ومما قيل في هذه العزوة .. ماقاله الفارس مطلق الحداري بعد إحدى الغزوات مادحاً ربعه الاساعدة :

مارد لجرابه وهو نظيف=وأفعالنا يشهد بها الجحودي
يوم قفوا تفاهقت عطيّف =والنعم والله يا عيال سعودي

أهل صبحاء

من عزاوي قبيلة الأساعدة





خيـّـال الشوشلية

عزوة الحدارى .. وهي عزوة الفارس مطلق الحداري ، والشوشلية فرس قلعها فهيد الحداري والد مطلق من الظفير .. وهي من اشهر خيول الأساعدة .. ومما قيل فيها .. قول فهيد الحداري بعد إحدى غزواته :

حنا ترانا خيالة الشوشلية=نركب ولا نسند وهذا لنا كار

وماقاله شاعر قبيلة الأساعدة الكبير فيحان الزعتر عن أهل الشوشلية :

الحدارا شبرهم وافي وعالي =اهل العادات وأهل الشوشلية

خيال الريشـــــاء

عباس الزعتر .. وهو الفارس اللي سموا عليه الدواسر اكثر من 40 ولد





خيال جبـــــلة

عزوة دغيليب بن خنيصر الفارس المشهور .. ومن أشهر ماقيل عن دغيليب بيت فيحان الرقاص الشهير :

وبن خنيصر في ضحى الكون بيـّاع=يهوي عليهم مثل طير النبابيل

وبيت لمنديل الفهيد الأسعدي :

لو نعتبر باللي جرى من دغيليب=من كثر ماداس الخطر والحرايب
منقشٍ جســـمه بكــثر الاصاويب=مامــات الا مكـمــل العمــر شايب

مثوثي على روس الفطر

لقب لمحمد بن عردان الاسعدي وهو من اشهــــر كرماء قبيلة الأساعدة ( وهو جد فخذ العرادات من القرضة من الاســـــاعدة )














الطـــارق

آخر تعديل الطارق يوم 19-Jun-2010 في 01:31 AM.

[راقي]

تشكر على جهدك وبيض الله وجهك

[ولدعساف]

زريب الجـذع " رداد البراء "

يقول بخيت العطاوي بعد محدار عتيبه لنجد :

عينت بن هادي عقب ليل الهوايل = زريب ساقه لين عداه الحصاه

ويقول الشيخ / تركي بن حميد عندما قُتل أخيه علوش وكان هو بالحج ولم يكون زريب وجماعته الجذعان حاضرين تلك المعركه :

لا واحسوفي يازريب وربعه = ياليتهم يوم اللقاء حاضرينها
راعِ حصانٍ بالمعارك مجرب = وشلفاً يوردها ويروي سنينها

حبـاب بن زريبه " خـيال العبيه "

ويقول بن رشيد :

ماعن النساء كرامه الي جابن حباب بن زريبه

غالب بن زريبه :

الذي أسر الدويش في أحد معارك الجذعان مع المطران .. ويقول أحد فرسان مطير واصفاً حاله بعد الهزيمه :

لاوالله اللي باد شرك نعالي=وانا مع العبله وراء عكليه
خذوا ركايبنا محتمين التالي=عقب طمعنا مشينا رجليه
ليا سلم حام الثبار التالي=واركابنا وسلاحنا عاريه

حمدان بن كهف " راع الجاهله " :

يقول حمدان بن كهف بعد معركة الجذعان مع بن رشيد الشمري وكانت قيادة الجذعان لحمدان .. سأتيكم بأبيات نظراً لطول القصيده :

لكن دمونا كما دمت السيل=سيل المضيق اللى يدم الزبارا
ردوا علينا عقب ماهم مجافيل=جونـا وجيـنا فوق قب المـــهارا
ودرنا على شمر بحدب المصاقيل=نذبح من الجوخ الحمر وانتبارا
تنشد السندي حياتة بعد ويل=راحـت عظامـة مثل نثر الدمارا

الفارس مجري بن قطران " راع العليا " ... هو الذي أخذ ثأر الأمير / جدي بن زريبه بقتله دواس الحربي ..

يقول سهل الكسر المرشدي :

يافاطري هجي هجيج مجري=قرمٍ على وسق النضا مانامي
قرمٍ على طرح العشاء مضري=عشاء جعار الدمخ بالخدامي
ياما انقطع في جرته من مري=وصل الحدود وجوه من قدامي

هذا ماحضرني والا فرسان الجذعان كٌثر .. دمتم بود !!

التوقيع

قال أبوبكر الصديق - رضي الله عنه - ( الموت أهون مما بعده، و أشدّ مما قبله ) حسبي الله ونعم الوكيل كتبت وقد أيقنت يوم كتابتي .. بأن يدي تفنى ويبقى كتابها فإن كتبت خيراً ستجزى بمثله .. وإن كتبت شرا عليها حسابها