عااجل صدور شريط عن سيرة الامير تركي بن حميد العتيبي باشراف احفاده

[ابو عطا]

ياليت تفيدوني .

اين اجد هذا الشريط بالضبط ؟

[بني سعد بن بكر]

موجود في التسجيلات الإسلامية في الرياض والقصيم اشتريته قبل قرابة شهرين ...

وكذلك شريط الشاعر ملفي المورقي الرائع بحق ..

[العود الاخضر]

مشكور أخوي طلال عالنقل كما نشكر أحفاد الشيخ الاسطورة /تركي بن حميد

[طلال الروقي]

شكرا لجميع الأخوان
الشريط موجود في التسجيلات ا واذا كان خلص مالي دخل

[عبدالعزيز البرقاوي]

مشكوووووووور على الخبر

[بادي الشور]

لاعدمناك ياطلال

والشيخ تركي غني عن التعريف

[القادم بقوة]

اللي سألون عن الشريط أنا دورت عليه عندنا فالزلفي ولا حصلته
وقالوا ان الموزع ما يجيبه خلاص
لكن الحقوا


امس وانا راجع من الرياض
عند محطة خط القصيم ((سمنان))
فيه تسجيلات وحصلته عندهم
شريط الشيخ تركي بن حميد
وكذلك شريط ملفي المورقي

[العراب]

مساء الخير اخوي طلال بالنسبه للشريط تراه نازل في الاسواق صارله تقريبن ست شهور وبنزلون جزء ثاني

مشكور على الموضوع


والله لايهينك

[طلال الروقي]

الله يسلمكم كلكم
بس بصراحة أنا لقيت الشريط في التسجيلات بالصدفة!
واللي يباه يدوره خصوصا في التسجيلات الاسلامية اللي على الخط السريع وياليت اللي اصدروه يعيدون توزيع نسخ جديده منه لين بصراحة كلن ينشد عنه

[الخبير الروقي]

أنا سمعت الشريط ويقول عن تسمية تركي إن السبب هدية طاقية أو طربوش من واحد من الباشاوات في مجلس الشريف ( يعني إن والد الشيخ تركي له علاقة بالشريف ) وإذا كان الأمر كذلك ، وقد جاء في منائح الكرم في أخبار مكة والبيت الحرام قال السنجاري : في أحداث سنة 1114 هـ :
وكان مع الأشراف الجلوية من شيوخ العرب هنيدس شيخ الروقة وربعه ، وحسين بن سويدان وربعه وهو شيخ قبيلة مطير ..........
وكانت هذه الوقعة يوم الأحد سابع عشر ربيع الثاني
سؤالي من هو هنيدس ومن أي فروع روق ومتى كان شيخا للروقه ؟
وما هي علاقته بالشبخ تركي ؟