السلام عليكم ورحمة الله وبركاته
هذه قصه قديمه واتمنى ان تستحق الاعجاب.
مكان حيــــد الجنــــــازه/خميس مشيط (القاعه) من ديار آل ناهس من قبيلة شهران.
شكل حيـــــد الجنـــــــازه/ عباره عن صخره كبيره وملســــاء.
كنت في زياره لمدينة خميس مشيط لزواج أحد الزملاء من قبيلة شهران,وفي اليوم الثاني طاعنا في كشته انا وأبو زميلي ومجموعه من الشهارين,واثناء مسيرنا في الطريق توقفنا وأشروا على ذا الحيد وقالو إسمه حيد الجنازه ,إستغربت الحيد وذا الاسم عليه وسألتهم قلت ليش مسمينه حيد الجنازه, ضحك الشايب وقال هذا سلمك الله سالفته كان فيه إثنين إخوان أبوهم متوفي ,وامهم عجوز كبيره فالسن, قدر الله على هالعجوز وماتت فالليل, والذيابه ذاك الوقت كثيره لان منطقتنا جبليه مثل ماتشوف,المهم العيال قالوا نبي نحط امنا فوق ذا الحيد على شان ماتأكلها الذيابه وإذا أصبحنا إنزلها ونعلم الربع من شان العزا ويساعدونا على دفنها ويحضرون معنا, حطوا العيال امهم وراحو يرقدون, يوم اصبحوا وراحو ينزلون أمهم الا الذيابه قد أكلت وجهه الام ومعضضتها ومشوهتها, قالو يافضحنا من ربعنا رجالين وتأكل الذيابه امنا مالنا غير ندفنها ونجلى من القبيله. المهم دفنوها هاالعيال وجلو لقبيلة مطير وموجودين في قبيلة مطير لهالحين وعليهم العلم...
وسلامتكم
تقبلو تحياتي
أخوكم/ عقاب الحويماني
« آخـــر الـــمـــشـــاركــــات »
21-Jan-2007, 06:17 PM
قصة حيد الجنازه!!!!! تفضلوا!!!!!
العرض العادي
