الله يبارك ف/الجبال المضله.......(صباخ الخير ياشبل مرجحين الموازين)

[متعب المقاطي العتيبي]

سلام تسليم الوفاء للرياجيل=طرقي وكنه جالساً في محله
يالي كسبتوها على جرت الخيل=الله يبارك ف/الجبال المضله

[ماجد العصيمي]

يامرحبا ترحيبة البن والهيل=والطيب فالاجواد طبع وجبله
حنا حلاحيلن ذخاير حلاحيل=وانتم لكم فالوقت مذهب ومله

[متعب المقاطي العتيبي]

يامرحبا ياشبل .....

دام البقا والوقت هذا غرابيل=والدرب واضح والعوارف تدله
ماذمكم والدعب يفرق عن النيل=يالي تعاين ف/النجوم المطله

[ماجد العصيمي]

كل الحمول الجايره زمها شعيل=وايات دارن يانداوي وصله
مابه حمامن زاجلن للمراسيل=وانظام ( واصل ) شايفن فيه خله

[متعب المقاطي العتيبي]

ليتك تركب يالعتيبي درابيل=يمكن تشوف الي بوسط السجله
جتك الاباعر كلبوهن مباهيل=يالي تقول اصرارهن من يحله

[ماجد العصيمي]

آسف للتأخير لظروف العمل

الناس تعرف وش ورا بارد الحيل=لاحامين دارن ولامستحله
ان كان جت عندي لها ميسم الويل=مثل الشهاب اليا نزل من محله

[متعب المقاطي العتيبي]

فاحت دلالك يابديع التعاليل=وقنادها ياصاحي الفكر.. زله
ياشبل وشعلمك تنطحت للسيل=واكبود بعض الناس لجلك مغله

.
.
.
صح لسانك ياشبل والختام عندك

[عيد العازمي]

اسمحولي


اشارك معكم واطلع على الابداع الصباحي


نداوي - شبل


صحت قلوبكم والله

التوقيع

ليت الافكار مركب والهواجيس مينا=كان ماسج ريمه غير ركّاب ريمه!! العازمي

[متعب المقاطي العتيبي]

المشاركة الأصلية كتبت بواسطة العازمي

اسمحولي


اشارك معكم واطلع على الابداع الصباحي


نداوي - شبل


صحت قلوبكم والله

الابداع حضورك وصح بدنك ياطويل العمر

[عبدالمجيد النفيعي]

صح الله ألستنكم يالإثنين

ولا عاد تحرمنا يالنداوي من هالمشاركات

التوقيع

تذكر قول الرسول صلى الله عليه وسلم :-"المسلم من سلم المسلمون من لسانه ويده" أتشرف بزيارتكم لمتصفحي في شهر رمضان : مــهــاذيــب ، على هذا الرابط أضغط هنا