عز الرفيق اذا سمحت......

[متعب المقاطي العتيبي]

يالعتيبي زرعكم من بعد بكره تحصدونه=تحسبون ان المعارك مثل غفوات الحلامي
من يناضر ف\السماء ياصاحبي يتعب عيونه=تسجدون الفرض لاكن ماتعرفون الصيامي

[عز الرفيق]

هههههههههههههههههه



ياسلام ياسلام

يانداوي يانداوي علمكم لا تطولونه=لو تشبون الحرائق عودت برد وسلامي
افتحوا باب المعاني وحذروا لاتقفلونه=كان عندك علم وتعرف الحلال من الحرامي

[متعب المقاطي العتيبي]

لو نولعها حريقة تاكل الراس ومتونه=يارفيعين المقام ويا كبيرين الاسامي
والرسايل في بريدك ياعساكم ب\ المعونة=يامسريها توقع لاتهسون النضامي

[متعب المقاطي العتيبي]

لنا عودة بعد الصلاة بأذن الله

[عز الرفيق]

الله الله

استلم

ولعوها ون قدرتوا خصمكم لاترحمونه=ياكبيرين الاسامي يارفيعين المقامي
الدروب طوال لكن ليلها لا ترقدونه= يامعجنت الكلام ويامصففت الكلامي

[متعب المقاطي العتيبي]

بعد هاذي يارفيق العز نعطيكم نمونه=من كلاماً يتعب الشعار ياراع المسامي
بنشدك عن سيف حده في هيال وفي مرونه=لو تشيله ضيع اسمه يامعربت الكلامي

[عز الرفيق]

استلم

بعد هاذي علمنا ياصحابنا لا تجحدونه=يامخيلت البروق اللي تكاشف شرق شامي
واحليل الصاحب اللي لا بدع تطرب لحونه=مار عنده مشكله تحت اللحم فوق العظامي

[متعب المقاطي العتيبي]

المشاركة الأصلية كتبت بواسطة عز الرفيق

استلم

بعد هاذي علمنا ياصحابنا لا تجحدونه=يامخيلت البروق اللي تكاشف شرق شامي
واحليل الصاحب اللي لا بدع تطرب لحونه=مار عنده مشكله تحت اللحم فوق العظامي

مانلوم الشاعر الي يقصر الفنجال دونه=حيث يمناة الشريفه ماتورد ب\ الحسامي
تمسحون الهرج والا يالعتيبي تكتبونه=المشاكل عندكم من فوق مشذوب السنامي

صح لسانك وفرصه سعيده والجايات اكثر انشأ الله

نختمها بصلاه على النبي صلى الله عليه وسلم

[حسن إبراهيم الدجيماء]

ياسلام ياسلام ,,

أبدعتم يالقروم ,,

صحت الالسن والقلوب ,,

واللهم صلي على محمد وال محمد ,,

لاهنتم ..!!!

[متعب المقاطي العتيبي]

المشاركة الأصلية كتبت بواسطة الدجيماء

ياسلام ياسلام ,,

أبدعتم يالقروم ,,

صحت الالسن والقلوب ,,

واللهم صلي على محمد وال محمد ,,

لاهنتم ..!!!

صح بدنك ومن قال مايهون