بسم الله الرحمن الرحيم
أحبابي الكرام :.
يسعدني ويشرفني أن أقدم لكم ديوان وجدت فيه الشعر الحقيقي
الذي يطرب له المتلقي ويسهل عليه حفظه ..
هو الشاعر / نايف بن غزاي بن حليمه .. ( أمير القوافي ) .
هو فعلا أميرا حكم القوافي وأبدع فيها..
بيوت الشعر تخضع له طوعا ..
مهما كتبنا من المقدمات عن هذا الشاعر لن نوفيه حقه فهو أكبر من المقدمات ونترك لكم الحكم من خلال قرائتكم لقصائده ..
بدايه قصيده للدفاع عن ( محمد ) صلى الله عليه وسلم
ومقاطعة الدنمارك ..
نسـئـلـك يالله بأسـمـاك يالـحــق الكـريـــم = ياوكــيـل وياقــوي ويامـتـيـن وياقــديـــــر
ياسـلام ياقـــدٌوس يارحـمـن ويارحـيــــــم= يامعــز ويامـــذٌل وياسمـيع ويابصـيـــــــر
ياوهـاب ويارزاق ويافـتـاح وياعــلــيــــم =ياغــفـور وياغــفـار ويامـتـكــبـٌر ياكـبـيـر
يامهـيمن ياعـزيــز ويارؤوف وياحـلــيــم = ياشكــور يارشــيــد ياصـبــور يانـصـيـــر
يارقـيـب ويامـجـيـب وياحفـيـظ وياحـكيـم = يالـطـيــف ياقـهٌـــار وياجــبٌـار وياخـبـيـر
يامغـيث وياحسـيب وياجـليــل وياعـظـيـم = ياعـفـؤ ياتــواب انـت الأول والاخــيــــــر
احــفــظ الاســلام مـن كـل شيـطان رجـيم = احـفـظ محمد وعـرضه من عدوله حـقـيـر
واحفظ محمد نبيك من صغير ومن سقيـم = مـثـل حـفظ البـيت يوم ابرهه جاله يسـيـر
من خـنازيــر تبـجــح بالجـديــد وبالقـديـم =مـرة تجرح الـ عيسى ومرة تجرح بشيـر
ياإلاهـي اسخـط الظالـم وذوقـه الجحـيـــم =واسخـط الطاغـوت يالله واصله بالسعـيـر
وانـزل اللعــنه عـليهم كل ماهـب النسـيـم =مثــل ريح صرصر عاتـيه بئس المصـيـر
وين يـأمـة محمـد صحـوة العـقـل السليـم = انبـذو الفاسق لداره واوقـفو اجـر الأجيــر
قاطعــوه وعاقـبــوه وسددولـه بالـصميـم = واضـربوه بعـقر داره حتى مايلقى شويــر
لويـــقـدم لأعتــذاره لا تـروفـو بـاللـئـيــم = ازجـروه وهددوه بسوء فعـل له خطــــيــر
يأهل التوحـيـد هـيا جاهـدو بليـل عـتـيــم = جاهدو لعرض الرسول اللي بنوره نستنيـر
ارفعـو للـحـق راية واكـسـبوا اجر ونعـيم = في دفـــاع عـن رســول جاء للامـة نذيـــر
واردع الظالم بطيشه حتى يمشي مستـقيم = كيف يسخرمن محمد في رسوم الكاركاتير
قاطع الدنمرك والنرويج واعوان الزعيــم = لوزعـل شيـراك مع بـوش واستفزع بليـر
وقـفـو بـوجـه الطغـاه وكـل يوم له خصيـم = وانزلو حوض المنايا واشربو عين الغدير
والصلاة مع السلام على رسول الله القويم = عدٌ من لبـى بـمـكـه قاصـد مـقـصـود خـير
قصيده في ملتقى الهيـــــلا *** عتيبة ..
عــسى بكــور الوسـم يبدى تباشيـــر = يكسـى ربــوع المملكـة وبـل الامطــار
واليــا اعتلى نجــد العريبه على خيـر = يسكــن هـواه ويستقـر بأمــر الاقــدار
ياخــذ ثمان اليـال من دون تكــديــــر = علـى نفــود الســر مايـذكـر اضــــرار
يــردم خـيـالـه كـل ماقـرٌب عصــيـــر = تجهــر بـروقـه والسـمـاء كلها انـوار
يسقـي الديــار العامـره بالمقـاديـــــر = حتــى يـــذاع بكــل نشــرات الاخـبــار
ويضـف نبـته بالنـفـل والنــواويـــــر = متـشابــك ربـــل وخـــزامـى وصفـٌــار
وياللي لــفـيــت ديــار ربـع مناعـيــر = اقــلــط وتـلقـى حشمة الضيف والجـار
شـوف البيــوت الشامخــه كنها النيـر = تحجب شعاع الشمس في وقت الاسفار
مشــيـٌده ماشــيــٌدة للـمـعـــــاويــــــر = مـدهــال للضـيـفــان وعـيــال الاحـرار
ماشــيــدوهــا جامعـيــن الـدنـانـيــــر= تقـصــر حبـال الـلاش عن شبة النــار
في ملتقى الهيلا تـلــقى المباهـيـر= اول قـبــول الضــيـف مـن بـن وبـهــار
ويامرحــبا واهــلا هــلا بــكـل تقديـر = يكسـى حضـور الحفـل من كل الاقطار
بأبــنا القبايــل والشيـوخ المشاهــيـر = في مــزايـن العـتـبان وافـين الاشـبــار
اللابــه اللــي فعــلهـــم دايـمـا غـيـــر = يفــرق عـن فعـــول القـبايـل بالاشـوار
في مـلـتـقى العـتبـان جمـلـة تفـاكـيــر= سبعـة جـوايـز خصصت تحت الانظـار
افــكـار تـدرس بيـــن حـنكه وتطـويـر = نفخــر بفـكرتـهـا وتشـهــر بالاشعــار
لافـضـل قصايــد تنـكـتـب بالتعـابـيـــر = فالمصطفى اللي سيـرته عـبق الازهار
ومـؤسـس الدولـه اكعــام الجبابـيــــر = عبدالعزيــز الفيـصـلـي ســر واجـهـار
ومعـالجة موضـوع الارهاب تصويــر = وساس التلاحـم يشمل اكـبار واصغـار
وتكريم لاصغـر طفـل من غير تحقـيـر = يحـفـظ كــتاب الله عـلى كــل الاعـمـار
وتكريــم للي مجـتـهــد دون تـقـصـيـر = وتكـريـم للايـتـام مـن فعـل الاشــــرار
امجادنـا فـي سالـف الـوقــت ونـشـيـر = لاعـظـم كرامه تـنـذكر ضمن الاذكــار
ديـن وولاء واحـساس من دون تبرير = يشهــد بهـا التاريخ وتبيـح الاســرار
فــي مزاينــات البــوش مابـه معاذيــر = نكسـب جزالـتـها عـلى كـــــل الادوار
في كــل ميـدان تــشــوف المغــاتـيـــر = تحصــد جـوايــزهــا ولا تقـبل اعـذار
واليا ابتــلـش في وصفهـا كـل تقـريـر=تلقــى غـزايـزهــا مجاهــيــم اخــيـار
دايـــم عـن الطـالات مانــبـعــد السـيـر =هــذي كـسبـنـاهـا والاخـرى لهـا ثــار
فــي ظــــل قايـدنـــا حكـيــم التــدابيـر = الحاكــم العـادل لـــنـا الـوالـد البــــار
النـادر الحلحيــل وصفـه على الطـيــر = صقــر العــروبـه لاعـتـزا كل صقـار
وولــي عهــده لاعــجــز كـل تعـبـيـــر = يوفيـه حـقــه بالـوفـاء والفـكـر حار
له وصـف واحــد لايحـيـٌر ولايحـيــــر = سلطـان خيـر ومنزله ضمن الابـرار
ان قلــت مشعــل غــردن العـصـافـيــر = كــرم هـل الـذيـدان وازداده اسـعــار
ونايــف وزيــر الامـن قـاد المغـاويـــر = حـتى خـضــع لـه كـل هابـي وغـدار
واليــا ذكــــــر سلــمـان فـزو طوابـيـر = لاميـــر نجـد اللي على المعرفه سـار
والنعــــم في كـل القبايــل بتـــكــريـــر = كلـن يـروم المجـد ويدوس الاخطـار
وخــتامـهـا صلــو صــلاة بتــكبــيـــــر = عـداد ماينــزل مـن المــزن مـــدرار
على شفـيع الخلــق من كل تعـكـــــيــر = يوم الفجيعـه وقـت زوغات الابصار
قصيدة بعنوان ( بيوت الشعر ) .
مع هـبة النسمة وغــيمة مطــر ورعـــود = ومــزن تــرزٌم والمـطــر يسـبـق رعــوده
وبـرق يلـوٌح فـوق دار الكــرم والجـــــود =وسيــل بـهـآك البـيــــد يازيــن مــــردوده
وشوفت فياض الخبت تنسف من المردود = وجـرف السـيـول القاع تـرسـيـم لحــدوده
وريح الخزامي والنفـل يطـرب المـوعــود = وروض خضر تشرح صدور الملا وروده
وريـم الفلا بالـروض يمـشـي بلا مـــردود = مربٌع بوسـط الـروض والمارد عـــــدوده
وطيــر الحبـارى لامـجـفٌــل ولامـطـــــرود =وجـملة طيــور الصيــد ماقيــل مطـــروده
وصفت دلال صفــر والمدخـنـة والعــــــود = على جـال جمـر يـتهـب والغــضـى عـوده
وحـر لـه الصـقـار يـطـرب بـدون حــــدود = وبيت الشعر مـبـني والاطنــاب مـشــدوده
وشيــخ نشــا من طلعــته عاشــق للـــذود= يتابـع مـرابـعـهـا ويـتـبـع رضــــــــا ذوده
تحمـل صـواديف الدهـر من عنا وبــــرود =يـقاسـي سمـوم الوقـت ويقاسي بــــروده
تحصل عنده علوم قصايدها عليها شهـود = وتلاقي عـنده الحشمه وتقديـره وماجوده
ويتهجٌد بنصف الليل يسهر والعباد رقـود = يبي يكسب رضا ربه وغيره طاب مرقوده
حفظ جل الكتاب وطبق السنه بلا منقــــود = كسب قولت نعم من طلعته وافعاله شهوده
يجير المستجير اليا التجابه تايه مضهــود= وكـم من حرمة ثكلا ولدهـا اطلـق اقيــوده
تنومس به رجال للمراجل طالبيـن الــزود = وينعـم به على طيبه رجال تفـرح بـــزوده
قصيده مجاراة لقصيدة (السبائك ) لسمو الشيخ /محمد بن راشد ال مكتوم
سبـكـت السبائـك سبـك يالفارس الحلحـيـل= ويسمـا سمــوك بالنسـب بأسمـك إنمــاري
وتــسلـم سلـيـم إسـلام سالـم من التعـلــيـل= سليـم سمــو أسمـك سمــا بكـل الاقـطـاري
كـما السيـف يالمسلـول بالسـلـم والتهليــل= سلايــل سلـيــل سيـرته مسـك بالــطـــاري
تســل السـيـوف بسـاعـد يكسـر التـضليــل= وتسـطـو كـمـا سالـم بسـيـف وسهـم باري
وتقـسى مـع القاسـي بـنـفـس تقيس الميـل= وتسعـد ليـا ساعـدت مسـكـيـن ومــــداري
وتسعــد تعـيـس يسعــد بمـسـكـة الاكـليـــل= ويسعــد بكسـوٌه تسـتــر لجــسـمـه العـاري
وتســبـق مـسافـات السـبـق سارج للخـيـل= ورسـمـك رسـم رسٌــام لا رسم معـمـــاري
وتسـكـن آحساس النـاس ياسابـق هالجيـل= سكـنـت المساكـن تسكـن بسـر وإجهــاري
وسـرى سـاري للنـاس سـرٌه يبـي تحلـيـل = ســرى بالسبائـك للسـلـف يسئـل مجــاري
تسـلسـل بسٌـر وساد في سـاعة التسهيــل= نسـيـم سـرى ساري مع السحـر بأفـكـاري
وسمـا من يـفـسٌــر سٌر سحره مع التاويـل= يسـج ويسـوق الســاق في ساحـة البـاري
سمـيــه بالاسماء مايسمى سهـل وسهـيـل= يسمى سمــو أحسـاس سـامي بـه أوقـاري
وعـكـس الاسامي لوسما أنعـكس بالـكـيـل= مســا والمســا يـســمو مع همسة اعذاري
وسهــر سهـرتـه ساهــر ساري لــكـحـيـل = آسـامــر إحسـاس ســاد للـسـايـم الشــاري
وسـٌر المساء يكسى للاحسـاس بالتكميــل= يسامـر سهـيـل ومـبسـم يسـلب آنـظـــاري
سـلـب ســاعـة البسـمـة بسهـم يهـد الحيل= وسـلـب السـبـايــا سٌـر مسـنـون لاقــداري
وستــر بستـر السـاتــر السامــي الجـليــل= يســود السـتــر لإحسـاس سامـر وسهٌاري
وسـحـر سـطـع وسط السماء ساطـع دليـل= ينسـنس نسـيـم ســيٌـر السحـب بأمـطـاري
يسـيـٌر سـحاب بالسـمــا ينـسـكـب ويسـيل= يسيـٌـل سـواقـي يـسـقـي بسـيـلــه الجـاري
يـسـولــف بـه السـامر ويسـلابـه العـلــيـل= ســوالـف ويســردها تـســجٌــل بـتـذكــاري
نسـوق الرسايـل سوق سحب تسيل بسيـل= نسـجٌل رسالـه تسـعــد السـامـــع الـقــاري
وسلـيـت نـفــس السيـف في سنة التنزيـل= آســـوم السبائـك ساهــر آعـسـف إمـهاريَ
(( الملتقى الثقافي الادبي الاول لقبيلة عتيبه بدولة الكويت))
من دار ابو متعــــب إكعــــام الجبابيــــر= الحاكـــــم العـــادل كريـــم الفصايـــل
سقــت القـدم بالعـز في حـزة عصيــــر= للعـــزوه اللـي ترتـكـي لكــل مايــــل
احمــل تحيـــات وســـلام وتعــــابـيـــــر = ممــزوج بالعـنـبـر وعـطـر الرسايــل
جيــت افتخــر وإلي الفخــر دون تبـرير = باسـم القبيـلـه جيــت والشـــك زايــل
من نجــد اباشـركـم ورود ونواويـــــــر = باســـــم الفـخــوذ وباسـم كـل العوايل
وباسـم الرجـال اللـي تهـــز الطوابـيـــر = سلايــــل اللـــي يــوم دور الفعــايـــل
في ملتــقى العتـبـان فكـره وتطــويـــــر = جمـــع الثـقــــافـه والادب والحـصايل
بدار الصبــاح اخـوان مريـم هـل الخيـر = ال الصبــاح مـكـمـــليـن الجـمـايـــــل
والشيــخ ابـوناصــر حكـيــم التدابـيـــر = شيــــخ كريــم ولايحــب السهـايـــــل
جمــع على الطـــاعـه وعـز وتقـديـــــر = يفــخـر به الطيب من اقصاء القبايـل
وشلـــون مانفـخـر وحـنا المـنـاعيـــــر =عتيـبـه الهـيـــــلا بقــول وفعـــايــــــل
للابــه اللـــي ماتهـــاب المـخـاسيـــــر = لاثــارت الهـيـجــــــا وشبـت فتـايـــل
للابــه اللـي تلـطــم الخـشــم ويصـيــر = اعــدل من السيــــف الحدب بالمثايـل
اللابــه اللي عـطرو الجـــو تعـطـيــــــر = بالعـــــود الازرق والـدسـم والدلايــل
اللابـــه اللــي مـتــرو نجــد تـمـتــيــــر = يشهـــد لهــم عــــــود بهـاك النثايــل
ويشهـد لهم سنجار والهضب والنـيـــر = وتشهـد لهـــم بالفعــل خيـل اصايـــل
ويشهــد لهـم مجــد ثبــت دون تغـيـيـر = ماهـــوب تاريــــــخ يبـــدل بـدايــــــل
وهايـــب المـولى تـفــوق التـقــاريـــــر = شـــان عـظـــيـــم من عظيم الجزايـل
والنعـــم في باقـي القبايـــل بتكـريــــــر =كـلــن علـى فعـلــه وللطـيـــب طايــل
وختامـهــا صلــو صــلاة بتكبـيـــــــــــر = عــــداد طفــل صــاح والـدمع سايـــل
على نبـــي بعـثــتـــــه بالتـبـاشـــيــــــر = وخــوالــه العتـبـــان وافـي الخصايـل
قصيده بعنوان ( كلمة بدو ) ..
ياتايه أنشد من يفيـــدك من النــاس = ان كان تجهل بأصلنا والحضـاره
انته سقيم مالك آصــل ولاســــاس = ماينعــرف جـدك ولا له صـــداره
وكلمه ترددها على طول الارمــاس= تعنيبهـا تصغيـر مـدري حقــــاره
تجهل معانيها ماهيب هرج جــلاس = اصـل وفصـل بالطيب نجني ثمـــاره
تهـــزآ بها كلمة ( بدو) ترفع الـراس =تعني لنـا كـوكـب يـدور بمــداره
حنا (البدو) فينا الوفاء طبع واحساس= نوفـي مع الوافي ونحمي ديــاره
حنا (البــدو) عـز ومعـزه ونومـاس = فينا الولد يرقاء الصعاب بجداره
حنا الاصــل حنا التقــدم بلا قـيــاس = تلقــى مجـالسـنـا مجالس وقـاره
حنا هل التوحيــد لاضاقـت انفـــاس = نقسى على الظالم ويظلم نهـــاره
وحنا هل التاريـخ والعـلـم بقـيــاس = كــم سجـل التاريـخ عـالـم بـداره
وحنا هـل الكلمـه والاريـــاق يـبــــاس= نضرب بحـد السيـف الابتـر شطاره
وحـنا لــنا في كـل ميـدان قـرنـاس = ماكــر حـرار ولايـهـاب الخساره
وحنا هل الفزعات مع كل الاجناس = وحـنا هل الطـولات ياهل الزباره
قصيده مهداه للشاعر / نايف بن عرويل ..
تسلم يابن عرويل يانسل الاحـــرار=موقف شموخ ورد فعل بصرامــــــه
انا اشهد انك جبتها سر واجهــــــار=والكل يشهد لك بعز وشهامـــــــــه
الرجل له كلمه وفعل ومحضـــــــار=وله موقف يعرف ويرفع مقامـــــــه
دامك يابوفيصل حكيم بالاشــــــوار=صاطي وصارم تعتلي كل هامـــــه
خل الضعيف يتوب عن شبة النــــار=اللي على ربعه يجر الملامـــــــــه
اللي بنا بيته بلا سقف واســــــــوار=يصفق على وجهه بكف الندامـــــه
دامه على نفسه جلب وصمة العــار=نسى (صوير) ولابته وانهزامــــــــه
قصده نقا بالعكس خاين وغـــــــــدار =حنا هل الوقفات يوم الرغامـــــــــه
حنا عتيبه بالولاء نحــــــمي الـــــدار=يشهد لنا عبدالعزيز بكلامـــــــــــــه
نعطي الولاء لاهل الولاء جل واصرار=نارد حياض الموت دون الكرامـــــــه
ويفداك من يحضر ويسكت وينهــــار=يبي السلامه مير مامن سلامـــــــه
اللي مع الشعار ينظم للاشعـــــــار=مانومسك لوجاك يكرب حزامــــــــه
واختامهــا اقبل ال قافي والاعـــذار=وانا سندك ان جات شطة زعامـــــه
قيلت هذه القصيده بمناسبة اقامة سباق القدره والتحمل للخيول العربيه في مركز عروى0
اسمى ولاء لأغلى ملك..
أمجادنــا ورث من أكبار لإصغـــــار = وأحـد عمار المجــد وأحــد دمــاره
يامقـــدم الهـيـلا على مــــر الادوار= عــــز الفخـر فيكــم ومنكــم عماره
بأسم الحضور وبأسم جهجاه نختار = در مــن الياقــوت وأغلى أحــجاره
أهلا هــلا بفيـصـل مــرار وتكـــرار = أبـن الاميــر أحمـد حفـيـد الامــاره
في حلــة العتبــان وافيــن الأشبــار = نثنــي له الترحيـب في وسـط داره
ويامرحبا باللي حضر سـر واجهـار = فالمهـرجـان اللي ثبت عن جـداره
وقبل ثـلاث شهـور شفتــو بالانظار = تلاحــم الهـيــلا بعـــز وجســــاره
بــرقا وروق بـمــجــدهم دوم تحتار = هيــلا مهيــله مجـدهم فــي مـداره
يفـــرح به الطيب مثل وبـل الامطار = واللي بقـلبـه ( غـل ) زاده مـراره
مانـلـتـفـت لإقـلام حــاقـد ومحـتــار = مــدام مـــوقفـنــا يــزيــده حقــاره
لا صــارت الافعــال تحكـم بالاشوار = والديـــن نبـراس وعالي شعـــاره
ماينثــنـي رجــل عـشـق شبـة النار = ورجــل بليــا ديـن ينـقــص وقاره
قالـه ولد صنهات في جزل الاشعار = واصبــح مثــل ينقـال في كل حاره
( آخيـر منــهـا ركعـتيـن بالأسحــار = لاطـــاب نــوم الله حيـاته خساره)
عـز وشموخ ودين وتموت الاشرار = في ملتـقـى الهيلا إبفصيح العباره
أفــكــار تـنـبـذ كــل هابــي وغـــدار = وتبــني تـلاحـم شعـب حدد مساره
آسمـا ولاء لأغــلى مــلك والـد بـار = وأغلى ولاء لآسما وطن عز جاره
في ظــل من فضله شمل كل الاقطار= وخـدمـة بيــوت الله تزيـد أفتخاره
نــادر حــرار فـٌذ وإخـوانـه أحـــرار = آل السعــود ومعتـليــن الصـــداره
وولـي عهــده كاسب فضـل الأبـرار = عطـاء يميـنــه مادرتــبـه يـســاره
في حفل عروى جهزن خيل وامهار = قـدره وتحـمـل للخيـول ومهـاره
منقوش اسم سلطان بالطيب والكار = كاس البطــوله بأسـم سطان شاره
ونايـف وزيــر الأمن لـيـث ومغـوار =واحمد عضيده كل ما أصدر قراره
وأميـــر نجد أبو الوفاء طير غيمـار =سلمان سقــم اللـي بـراسـه نعـاره
وختامها صلـو على خـيـر من سـار = المصطـفى اللـي بعثـتــه بالبشـاره
قصيده بعنوان ( شلّت يدين العابثين ) ..
شـلــّت يـديـن العـابثـيـن المـصـاغـيـر = وتـبـّت يـديـن الليّ غـزونـا بالإرهـاب
راس الـرذيـلـه فـعـلـهـم يالـمـنـاعـيــر= وعـقـولهـم مسـلـوبة يآهــل الألـبـاب
أهـبُـو هـبـيـتـُو يالـوجـيـه المحـاقــيــر = يالـزمـره الـيّ فعـلـكـم مالـه آسبـــاب
ياللي مشـيـتـّو فـي دروب المخاسـيــر= درب الهلاك ودرب ماضيت الأ نشاب
جـيـتـو بفـكـر اللـي نشـى بالمـحـاديــر= لا ديــن لا مـلّـه ولا نســل وأنســاب
جـيـتـو هـل التـوحـيـد وأهـل البواتـيـر = بالحـقـد والتـكفـيـر من عنـد الأحـزاب
جـيـتـو لـدار العـز مـثـل الـنــواطـيــــر= مامـنكـم اللي يـمسـك الحـق بنصـاب
وصرتـو بـدار الـعـز مثـل المـغــاتـيــر = كـلـن يـميّـــل شـيـلـتـه ذل وحـجـــاب
لــو أعـتـذرتـو ماتـفـيــد المعــاذيــــــر = الـكّـل يـلـعـنـكـم شـبــاب وشــيـّـــــاب
بعـد اقـتـرفـتـو ذنـبـكـم بالـتـفـاجــيـــر = وإيـتـمـتـم الاطـفـال والليّ من الإصـلاب
غرر بكـم صـهـيـّون وأقـران شـامـيــر = وأنـتـم كما الليّ ينقـل إل صاحبه داب
وحـنـّا لكـم بالضــّد مثـل الشواطيــــــر = ضـّد لكـم وقـت الرخـاء وأم غـصــاب
نفـزع ولا نـطـلـب حـسـاب وفـواتـيـــر = أبـن الوطــن اليــوم للـــروح جـــلاب
دون الوطن ترخص نفوس المشاهيــر = رجل الامــن يرخص لنفسـه ولاهـاب
مــا دام قايــدنــا يهــــزّ الطــوابـيــــــر = سـلايـــل مـعــزيّ سـنـد كـل مرتــاب
الليــث ابو متعـب بــوجهــه تباشيـــــر = خــادم بيــوت الله سـنــد كل منصـاب
الحــازم الجــازم إكـعــام الجـبـابـيـــــر = مودع جموع الضد تحسب له حساب
وولـي عـهـده فـاللـيـالي المـعـاسيــــر= له صـطوة تـرعـب على البعـد غـلاب
سلطان ابو خالد حـكـيـم المـشـاويـــــر = شهـم شـجـاع ومـن تنـصـاه ما خـاب
ونايـف صليــب الراي وقت التقــاريـر = يرسـم ويفتـل خطتـه طيـب واطيــــاب
حامي عـريـن الأمـن سـتـر المعاويـــر = جـنـّد عـيونـه للسهــر دون الاحـبـاب
وابـو فهــد زيزومـهــا بالـتـدابـيـــــر = سلمـان سلمان الوغاء طـب الاطبـاب
درع الوطـن ال السعود المسـافيــر= حصن الوطـن عن كل عابـث وكــذّاب
وحـنّـا جـنـودك يـاوطـنّــا المغاويـــــر = بأمـر الإلآه نــذود عنـّـك ولا نهـــاب
وصـلاة ربي عــــدّ وبـل شـخـاتــيــــر = على شـفـيع الخـلـق من ربّ الاربــاب
(( عيد الحب ))
الفكرة اللي عاشت بفكر مشعــــوق
000في (عيد حب) العاطفــه والمشاعـر
تبــلورت مابـين ســـارق ومســـروق
000لإسماء شعور عاش في قلب طاهـر
تسلب لعــز شامــخ بالسماء فــــوق
000آسماء من اعيــاد البدع عند كــافـــر
ويالمهره اللي مشيها رفوق برفـوق
000 الله يصـونـك من جميــع المخاطــــر
مصيـونـة والستــر للبـنــت بــه ذوق
000باحســاس يتجسـد بخافـي وظاهــر
لاتغــرك البدعه وتصبح كمـا الطــوق
000وتغـــدي بك الافكار من عند فاجـــر
لو جنـدو جنـد على الطـاق مطبــوق
000ماهـزنـا جمــع الفتــن عنـد ساحـــر
ولو حققو مطـلب صغيـر ومطفـــوق
000ماهـمـنـا مـــوج البحـــر والبـواخـــر
ولو رقعو ثوب من الوقت مشقـــوق
000ولــو حاولــو يغــرونـنا بالمظــاهــــر
حـنا عـروبتـنـا لهــا شـان وحقـــوق
000حفــظ الكـرامـه للــدرر والجــواهــر
تنعـم بعــز الديـن والعمــر ملحــوق
000ونبــيع الانـفـس ماتسيل المحـاجـر
ولو كل ناصح قال له قول مـوثـــوق
000ماكان عشنا نسمع اسلوب ساخـر
لاشــك حـنا مثـل خانـق ومخـنـوق
000حتى صطـى بالقلـب مثل الخناجــر
مكارم ملك .. حاكم الحكام
سلام الله عليكم بابو متعب والسلام إسلام =تحيــة أمـــة محـمد عليه ازكــــى الصـلواتـــي
سلام الله على صقـر العروبـه حاكم الحكام =عدد ما تمطر مزون علـــى جـبــال السـرواتــي
عدلت اوفيت يالحاكم وشعبك ارجهن ونــام =عسى الله يحفظك ويمــد فـي عمرك سنواتـي
نذرت العهد على نفسك بكل الحب وحنا نيام=ببذل المستطاع ال خدمـة الاســلام مرضاتــي
بشاير خير من يومك حكمت واثمرت في عام =بنيت بعام (بـر) و(خـيـر) في كل المجـالاتــي
تشيل هموم شعبك فطرة من خالق الانـــام =تشارك شعبــك بهـمـه وطبعك بالمـواساتـــي
تجـير المستجـير اليا نصاك بحالــه المنظـــام =ويمسي ناسـي هــمــه وعايـش بالمسراتــي
حضنت الطفل والعاجــز وعـود بالي الهنــدام =حساني يابومـتعــب ما تسجــل بالسجـلاتـــي
مكارمك العظيمة يا بومتعب للشعوب عظــام =تجيـر الجار وتغــيــث الدول فـي كل نكبــاتـــي
حكيم الراي في قولك وربك ملهـمـك الهـــام =تصــرف حكـمـك بعـقل فطــيـن للسيـاسـاتــي
وابشرك ان شعبك يابومتعب محتــزم بحــزام =يكيـد الحــاسد الحــاقـد وواقــف للمهـمـــاتــي
وابو خالد عضــيدك يا بومتـعـــب للعــدا لطــام =سنــد عــز وسنــد خـيـر وعــطـوف لليتيـماتـي
عسى ربي يديم العز في دار الكــرام اعــوام =وتبــقـى شامـخ سالـم لنـا فــي كل الاوقاتــي
ولكم مني جزيل الشكر وعظيم الإمتنان ..
اخوكم / محمد العتيبي
« آخـــر الـــمـــشـــاركــــات »
21-Apr-2009, 06:34 PM
ديوان ( أمير القوافي ) الشاعر : نايف بن حليمه
العرض العادي
