مشكاي لك

[ضاوي العصيمي]

يالله يامعبود يارب الارباب=ياعون من دنياه جابت حفيله
مشكاي لك ياملتجى كل منصاب=يارب ضاعت حيلتي والوسيله
واخوي درع الجنب رجّال الاجناب=اقفى ضحيّ ورجعته مستحيله
جاني خبر موته وفزيت مرتاب=فزت صغير شب نار بشليله
واقلبي اللي كن يصلاه مشهاب=واكبدي اللي كنها في مليله
واعيني اللي غرقت بيض الاسلاب=ليت البكا يرجع خليل لخليله
مفرق الخلان جود بي الناب=دوبي عرفت انه بخيصٍ دليله
غزا ولانكف غير مشتالٍ الباب=باب منيعٍ مايذيّر دخيله
ملاذنا لامن وجه الدهر شاب=عقيدنا لاقبل عميل لعميله
واصبري اللي عقب حكم القدر ذاب=وانهارت اركونه وحول هليله
عليك ياحربة نحر كل حراب=ياللي يمينك بالجمايل طويله
ليت المنيه دورت عنك مجناب=ولقتلها دونك عميلٍ تشيله
واخذت بدالك جرم رجلٍ ليا غاب=مايفقده غير الولد والحليله
بين الرجال فروق من غير الانساب=احد جبل واحدٍ حجر في مسيله
رجلٍ ليا من مات تبكيه الاقراب=ورجلٍ ليا من مات تبكي قبيله
مفقود عند ادنى القرايب والاجناب=من طيب صيته والفعول الجميله
عساه للجنه مع جموع الاطياب=اهل التقى وأهل النقاء والفضيله
ولله ماياخذ ولله ماجاب=غير الرضا مافي يد العبد حيله

التوقيع

يسعدني زيارتكم لصفحتي على تويتر على هذا الرابط https://twitter.com/#!/dawi_1 وياهلابكم جميعا

آخر تعديل ضاوي العصيمي يوم 22-Apr-2009 في 10:03 AM.

[حاكم الغنامي]

عساه للجنه مع جمـوع الاطيـاب
اهل التقى وأهل النقـاء والفضيلـه
ولله مـايـاخـذ ولله مـاجــاب
غير الرضا مافي يد العبـد حيلـه



صــــــح لسانكـ ياعملاق مبدع في جميع اغراض الشعر

والله يرحم الفقيد

تقبل مروري

التوقيع

سبحــــان الله وبحمدهـ hakem81@live.com

[علي فلاح العضياني]

الشاعر الكبير ضاوي العصيمي



صح لسانك و رحم الله اخوك رحمة واسعه




و لا تحرمنا من ابداعك

التوقيع

(( رأس الحكمه مخافة الله ))

[سلطان بن دحيم]

صح لسانك والله اني صادق


والله يرحم اخوك ويسكنه فسيح جناته

[عبدالله الجـــذع]

الله يسكنه الجنه ويغفر ذنوبه


صح لسانك يابو عايض

مبدع ولله درك


ننتظر جديدك


محبك

.

التوقيع

قال الرسول صلى الله عليه وسلم [مَنْ قَالَ أَسْتَغْفِرُ اللَّهَ الْعَظِيمَ الَّذِي لَا إِلَهَ إِلَّا هُوَ الْحَيَّ الْقَيُّومَ وَأَتُوبُ إِلَيْهِ غُفِرَ لَهُ وَإِنْ كَانَ فَرَّ مِنْ الزَّحْفِ ]( سنن الترمذي ) . . قال صلى الله عليه وسلم : ( إن الشيطان قال : وعزتك يارب ! لا أبرح اغوي عبادك ما دامت أرواحهم في أجسادهم ! فقال الرب تبارك وتعالى : ( وعزتي وجلالي , لا أزال اغفر لهم ما استغفروني ) ... ( السلسله الصحيحه ) . موقع يضم جميع القراء هنا

[@ـايل]

اسال الله ان يتغمده بواسع رحمته وان يلهمكم الصبر والاحتساب ...

صح لسانك ..واعلى شانك ..يابن عاصم ....

ولاهنت ..

..........

التوقيع

شكر خآص للأخ العزيز (سمي جدي) ,,, للتواصل,,, hail-osaimi@hotmail.com الفيس بوك : هايل العصيمي انستقرام : hailosaimi تويتر : AlHooL@

[محمد العتيبي]

الله يرحمه ويغفر له ويجعل مثواه الجنه ..

نبادلكم الشعور في فقيدنا وفقيدكم

نسأل الله أن يتغمده بواسع مغفرته ..

التوقيع

للتواصل عبر twitter تويتر al_bargawy@

[أبونواف]

صح لسانك
والله يرحمه ويسكنه الجنه ..

[عمر الدغيلبي]

الله يرحمه ويغفر له

وصح لسانك ياضاوي

على هذه المرثيه الصادقه المعبره المؤثره

التوقيع

في منتدى الهيلا زحول الرياجيل = بيت القبيله و النشاما إرواقه يزينه حرصه لزين التماثيل = ويجمله نبذ العلوم الدقاقه

[بندر المرشدي]

رجلٍ ليا من مات تبكيـه الاقـراب
ورجلٍ ليا من مـات تبكـي قبيلـه



الله يرحم الفقيد ويسكنه الفردوس الاعلى



صح لساااااااانك ياضاوي

التوقيع

يامنتـدى الهيـلا علـى العـيـن والــراس=صــدري وسـيـع ومــن مـعـزتـك مـلـيـان لبـسـت مـعـروفـك مـثــل ثـوبــي لـبــاس=وزرعت لـك فـي داخـل القلـب بستـان الله يبـيـض وجــه مــن ثـبـت الـســاس=وحط الـك مـن فـوق العناويـن عنـوان اســم ومسـمـى خـتــم جـــودة ونـبــراس=يـسـمـع بـــه الاصـقــه ويـــرآه عـمـيــان مـــــا يـنـتـقـيـم بـالـجــواهــر والالـــمـــاس=ولا يـغــمــره بــحـــر الــقــوافــي والاوزان :: ديواني من إعداد الزميل/ عمر الدغيلبي ... بيض الله وجهه