نااااايف بحر

[ضاوي العصيمي]

اخواني اعضاء وزوار هذا الصرح الجميل
بكم
السلام عليكم ورحمة الله وبركاته

يسعدني ان اقدم هنا قصيدة كتبتها
في رجل يستحق المدح وهو الشيخ
نايف بن فيحان بن ربيعان
وهي رد ثناء لما اكرمني به
ومهما قلت لن اوفيه حقه

لعل برقٍ يشاعفني توهاجه=سمار في مزنتٍ بالخير مسوده
يبهج صدور الضوامي في تبلاجه=واليا تبسم تبسم بارقٍ سده
لاراج بامر العزيز وصب ثجاجه=تجرح سيوله شديد القاع وتكده
نوٍ هنيٍ هديٍ في تدرّاجه=مايسبر اقصاه والاطراف ممتده
اليا أعتلى ديرةٍ للغيث محتاجه=هجّر عليها ولا أجها غير مستده
صوت الرعد لاترزم عقب لعاجه=سبحت للي يمد الخير ويرده
وذكرت يمنا عطاها يذبح الحاجه=ترفع مقام العطا ماترخص المده
ياعنك ماهيب عن الجزله بمنعاجه=مداتها غاليه فى اللين والشده
اقلها اللي ورد من دولة انتاجه=واهل النظر صفقوا له في ميناء جده
جيبٍ يهيم المولع في تغناجه=تغنج اللي بلبس العيد معتده
اهداه شيخٍ فعوله علت ابراجه=المال ماقدسه واطن على خده
شيخٍ تموت السرج مايطفي سراجه=وتتعب عزومه قوي العزم لو وده
دايم وهو مسفهل ويضحك حجاجه=واليا زعل لو يقابل له جبل هده
واليا وقف وقفته للضيق فراجه=يفتك ربعه ليا وصل الدرك حده
ومن زاد حمله وضيع باب مخراجه=قداه نايف وعن متنه نقل شده
هذاك من تاق للمجد ولبس تاجه=وشرب دلاله وعانق مبخرة نده
سليل شيخٍ يذري شامخ سياجه=فيحان ضلعٍ ليا هب الهواء صده
عنا ونسلم من التيار وازعاجه=يسدنا فيه ابو نايف ويحتده
ديّن وصيّن ولارجله بمواجه=عن درب تركي وتركي عاد من قده
لوكان سطر به بن سرور ديباجه=ذكر من الشي شي وشي ماعده
صارع زمانه وواجه فيه ماواجه=والنعم اخذها من الاجناب والبده
اليا تحدث عن المرحوم هراجه=في نايف اشوف ماعدوه في جده
ورث صفاته وسار بنفس منهاجه=ماتاع لو قامت ظروف الزمن ضده
نايف بحر والبحر ماتردع امواجه=النفع موجود في جزره وفي مده
يمناه بالطيب كسابه وهداجه=وعن مانهى الرب ممنوعه ومرتده
ياسايق اللي بريح الهيل فواجه=بده بفنجالها قبل الملا بده
مع تحياتي الخاصة ل بو عبدالعزيز=ضاوي العصيمي

التوقيع

يسعدني زيارتكم لصفحتي على تويتر على هذا الرابط https://twitter.com/#!/dawi_1 وياهلابكم جميعا

آخر تعديل ضاوي العصيمي يوم 28-Nov-2008 في 10:19 PM.

[متعب العصيمي]

صح لسانك يابو زياد


قصيدة وافيه وبيض الله وجهك



ويستاهل الشيخ نايف بن ربيعان

[فواز علي الروقي]

الاء حنى اللي يسعدنا ياضاوي صح لسااااااانك
وشوي شوي لاتغلقها علانا ثم نقعد
شاعر مافيك كلام

[مرزوق حمدان العتيبي]

..
.

والله ومليون نعم بالشيخ نايف ابن فيحان
..
هذاك من تاق للمجد ولبـس تاجـه -وشرب دلاله وعانق مبخـرة نـده
سليل شيخٍ يذري شامـخ سياجـه---فيحان ضلعٍ ليا هب الهـواء صـده
عنا ونسلم مـن التيـار وازعاجـه---يسدنا فيـه ابـو نايـف ويحتـده
ديّـن وصيّـن ولارجلـه بمواجـه---عن درب تركي وتركي عاد من قده
لوكان سطر به بن سرور ديباجـه--ذكر من الشي شي وشـي ماعـده
صارع زمانه وواجه فيـه ماواجـه---والنعم اخذها من الاجنـاب والبـده
اليا تحدث عـن المرحـوم هراجـه---في نايف اشوف ماعدوه فـي جـده
..

ومليون صح لسانكــ يابو زياد ... ابدعت بحق....

التوقيع

فدوة ٍ للمصطفى روحي وماتملك يميني = كيف (لا) واللي خلقني حط حبه في كياني حط حبه في كياني ماتغيّره السنيني = وانثني من دون عرضه بالذراع وباللساني @Marzouq_MHD

[ماجد المحياني]

صح لسانك ياضاوي ولاهي غريبه عليك هالجزله


والشيخ نايف يستاهل المدح



أتمنى لك التوفيق

[عبدالله القثامي]

الله الله

يااااااااااااااااااااااااااااااااااااااااااااااااا ااااااااضاوي


صح لسانك يابو زياد


قصيدة وافيه وبيض الله وجهك



ويستاهل الشيخ نايف بن ربيعان

التوقيع

القاف لن باحت قوافيه ينهار= يشيب لاكنه معي مايشيبي وصرفت من بالي تصاريف بيطار= ينقد مثامين الكلام ألأديبي وبنات فكري بالمثامين تجار= وعلي مايصعب صعيب الصعيبي ولأقول ما غيري من الناس شعار= لأكن ميزة شعري إني عتيبي أسمٍ بنا في عالي المجد ميكار= عز الرفيق منزحين الحريبي

[عيضه الثبيتي]

الله الله

قصيده رائعه


صح لسانك ياضاوي العصيمي

مبدع كما عهدنك


واين رباعان كفو لما قلت فيه



إعجابي وتقديري وتثبيتي

التوقيع

البارحه كان اللقاء مابينا كله حلو=احلا من السكر وكلّك يابعد عمري حلا!! من يوم ماقلتي ياروحي يابعد عمري:(الو)=وأنا بخير وعافيه قدام لا اقلّك :(هلا) للتواصـــ عيضه الثبيتي ــــل ezah_6@hotmail.com (ديواني) http://www.otaibah.net/m/showthread....131#post925131

[الــوآفــي]

يستاهل


وصح لسانك يا ضااوي


راائع في كل حالاتك


تواجد واعجاب

التوقيع

ليا جاء طاري الهيــــــلا يفز القلب فزة شوق ألبوم صور مدونه مميزه

[محمد بن غازي]

صح لسانك يابو زياد ولاهنت على هذه الجزاله الغير مستغربه منك


ويستاهل الشيخ/ نايف بن فيحان بن ربيعان وعزالله انه كفو

.....

[بـرق الـذيب]

لاهنت يابو زياد على هالرائعه