الحضرميه

[ضاوي العصيمي]

مساكم الله بالخير

هذه القصيده شاركت بها هنا
استجابة لطلب من ابو نجر
امل ان تجد منكم القبول

يازماني كل ماسنيت حد الحضرميه = اعترضها عمد مسمار(ن) من الصلب وثلمها
ان هرجت قليلين المعرفه زعلوا عليّه =وان سكت اهل النوايا السود قالوا مافهمها
يامعقدة الشوش من ماش سويتوا قضيه = لمها واحد والاخر قرّب الحبل وحزمها
تصلخون وتطبخون ومنكم الذمه بريه =لامتى والغافلين انيابكم تنهش لحمها
وش خطاي الاهواء شقراً جفولٍ نرجسيه = خازرتني بالعيون اللي تمثناني سهمها
واطلبت ودي طلب بالكلمتين العاطفيه =وطرحت صف الهدب للقاع واغرتني شيمها
وانحنت لي طايعه مابين هاذيه وذيه =ورفعت شال الخجل عن وجهها وادت قسمها
ماتخون ولاتهون والاتبدلها بنيه =لو وسمها من مخاليب الليالي ماوسمها
قلت سمي ثم تبادلنا التحيه بالتحيه = وحكمت بي كل عرق ورضيت العقل وحكمها
ولالقيت ابها عيوب الا انها فعلاً وفيه = اغرقتني بالمواصل لين غطاني كرمها
كل ماهلت تلقفها الحروف الابجديه =من غلاها مابقا حرفٍ عنيد الا خدمها
وان تجلّت للنواظر مثل برج الفيصليه =معجزه في معجزه من راسها لاسفل قدمها
مايصورها الخيال والا جنون العبقريه =ابلغ التوصيف عنها صورتٍ محدن رسمها
لو عرفها قيس ماسمه غرام العامريه =ولو لمحها عنتره شقراه عن عبله شكمها
ولو يطير بشالها النسناس في سوق الحويه = صار زواره لها جمهور والباعه حشمها
الله اللي خصها بالزين والتفس الرضيه = والله اللي خصني فيها وحسادي حرمها
الحياه بدونها ياعاذلي جرم وخطيه =والسعاده في لقاها اذوقها واطعم طعمها
قربها يطرد دجا سود الليال الخرمسيه = والدفا في صدرها واليا ضميت العد فمها
طاهر(ن) يطفي ضمايه منه صبة شاذليه =رشفته تنسيني ايام العوز ويطيب المها
ذكرتني في حديث البدو عن رحلة طميه =يوم شدت وانزلت في جال ضلعٍ ماعزمها
يالعواذل مالكم عندي كثير والا شويه =ريحوني دوب حانت فرصتي وابا اغتنمها
ان زعلتوا ماعليّه وان رضيتوا ماعليّه =وش يصير اليا تغامزتوا وقلتوا مافهمها ؟

التوقيع

يسعدني زيارتكم لصفحتي على تويتر على هذا الرابط https://twitter.com/#!/dawi_1 وياهلابكم جميعا

[أبو نجر النفيعي]

.. ..

الشاعر ضاوي العصيمي



انا اشهد انك قمه بالابداع وجزل يالقرم


قصيده من اجمل القصائد اللتي قرأتها بالمنتديات كلها


وصح الساانك وعلا شاانك ...


وشاكرك جزيل الشكر على استجابة طلبي وتنزيلها للمنتدى

ولاهنت يالقرم..



.. ..


اخووووك

..

التوقيع

.....

[الأمــير]

مشكووووووووور اخوي على الابداااع الرااائع



وصصح السااانك



وابو نجر من عاداته مايطلب الا الثمين والطيب





اخــــوكـ / ذيــــــــب الحنــــابج

[السميــــــري]

..

ذكرتني في حديث البدو عـن رحلـة طمي ـهيوم شدت وانزلت في جال ضلـعٍ ماعزمهـا
يالعواذل مالكـم عنـدي كثيـر والا شويـه ريحوني دوب حانت فرصتي وابـا اغتنمهـا
ان زعلتوا ماعليّـه وان رضيتـوا ماعليّـه وش يصير اليا تغامزتوا وقلتـوا مافهمهـا


..

شاعرناا القدير العلم ..

ضاوي العصيمي ..

من اجمل الابداعات واجزلهاا ..

استفردت بالمعاني والمفردات الجزله الثقيله ..

كل الثنااء لايوفيهاا حقها ...

..
نستزيد من اجمل عيون الشعر ..

..

التوقيع

ربيت في حضن الزمانُ وتربيتْ = وأخذت لي من مرّ الأيام قرطوع ومن دون حدي ماغلطت وتعديتْ = ولا آطى الخطاء لو كان للناس مشروع وأمشي على نهج الرجال النعاتيتْ = واتعب لها لو هي كما حبةَ الكوع ولا أحب كلمة ( ليــت ) لأنها ( ليــتْ ) = ماتدرك المقصود لا صار ممنوع

[متعب العصيمي]

ضاوي العصيمي ..

من اجمل الابداعات واجزلهاا ..

استفردت بالمعاني والمفردات الجزله الثقيله

دااام عطااائك يالقرم والى الامااااام

مووودتي

[عمرالروقي]

ضاوي العصيمي ..

من اجمل الابداعات واجزلهاا ..
لاهنت
على هذه الحروف الجميل
ولا تبخل علينا بالجديد يالقرم
000000000000000000000
ونحن في انتظارك
0000000000000000000000000

[العسيلي @]

الشاعر الكبير ضاوي العصيمي



انا اشهد انك قمه بالابداع وجزل يالقرم

[أبو نجر النفيعي]

^
^
^
^
القصيد صوتيه بصوت الشاعر

على الرابط ادناه

ارعص هنا

[مرزوق حمدان العتيبي]

...
.

لافض فوك يابو زياد ..
شاعر اطرب الى قصايدك لاعدمتك يابن العم...
..

التوقيع

فدوة ٍ للمصطفى روحي وماتملك يميني = كيف (لا) واللي خلقني حط حبه في كياني حط حبه في كياني ماتغيّره السنيني = وانثني من دون عرضه بالذراع وباللساني @Marzouq_MHD

[ابن مشيب]

صح السانك على هذه الرائعة ياضاوي , جزله من جزل


تحياتي