أستفسارات.. ويجيب عليها الشاعر والراوي ماجد بن مغيرق العتيبي..!

[أبو مرحبا]

بسم الله الرحمن الرحيم






السلام عليكم ورحمة الله وبركاتة.. وبعد


أخواني وابناء العمومه في منتدى عتيبه الهيلا

هذه أستفسارات قدمت للشاعر والراوي ماجد بن عبود بن مغيرق العصيمي العتيبي ( أبو طلال )

عن القصيدة التي مدح فيها قبيلة العصمه وذكر فرسان العصمه اللي يقول فيها :

طلال هات الطرس واكـــــتـب بتـبـيان = رداً على الشــاعــر ونــظـمـه وقـيـله
لو كان مـالـي بـه لـزوم و لا شـــــأن = لكن أبا أنـصـح صـاحـبـي واسـتـمـيـله
نصيحة ما أبـغـا جـزاهـا بـالأثـمـــان = حشى حشا لـلـه مـا أبغـا بــديـلــــه
يا نجر ما أنـت أبـا الـجـلاد ا شـويـمـان = شاعـر عـتـيـبـه فـي زمـانـه و جـيـله
أخـفـقـت يا نـجر الـعـصـيمي وغلطـان = بأعـلانك بـقـرية عـصـيـل ومـسـيلـه
وزعـت لـك بـلـدان وحـددت بـلـــدان = كـنـك كـبـيـر الـقـوم وإلا و كـيـلــه
ترمي بها يا نـجـر مـن دون مــــيـزان = رمـيـة عـيـل وإلا خـدعـك الـدلـيـلـه
وإن كـانـهـا يـا نـجـر زلـة لـســان = عـود لـدرب الـحـق واسـلـك سـبـيـله
يـا نـجـر مـا أسـبـك ولا أذم عـيــدان = ولا لـي عـلـى ذمـك طـريـق و سـيـله
أنـتـه حـفـيـد الـلـي يـسمى شحـيـمان = ومزبوره الـشـاهـد لـجـوده وكـيـلـــه
ومـدح بـلـيـا فـعـل يـا نـجر نـقـصان = ومـن يـنـخـدع لـلـمـدح واعـزتي لــه
بـعـض الـمـدح مـثل الـمـذمه وبـهـتان = ما يـشـفـي أمـراض الـقـلـوب الـعـليله
وبالـنـسبه لـعـيدان وأمـثـال عـيـــدان = ما لـه عـلـى الـحـيـين زود و فـضـيـله
مـفـروض مـدحـك للـحـمراء و ابو حمدان = ورشـيـد وانـداده ومـن يـنـتـمـي لــه
وخـلـيـف ومـجـري ومـذكـر و رشـدان = ذوي مـطـيـر الاربـعـه عـن قـبـيـلـه
ومـضـيـف الـعـوشـز ونـزله وقـبـلان = وثـالـثهم مـسـيـميـر راع الـكـحـيـلـه
وصـطـام وعـزيـز مـذاخـيـر نـجـران = وهـزاع شـيـال الـحـمـول الـثـقـيـلـة
صحـح مـفـاهـيـمـك وروح لابن شـرفان = يـخـبـرك بـدقـاق الـخـبـر مـع جـليله
أنـشـد كـبـار الـقـوم عـن كـل مـا كان = والـشـيـخ ابـن فـاهـد حـكـيم الـقـبـيله
خـل الـمـدح يا نجر لاطـوال الايـمـــان = أهـل الـكـرم وأهـل الـمـهـار الأصـيـله
ما دمـت شـاعـر والـك بـالشـعر ديـوان = حـكـم ضـمـيـرك واتـرك الـمــستيحله
الـديـرة الـلـي بـيـن صـبـحان وعروان = دار الشـيـوخ ودار كـل الـقـبـيـلــــه
مـا هـي بـدار فـلان والا فـلـنـتـــان = دار الـرجـال اللـي خـطـاهـم طـويـلـه
ذخـر جـلـوي وفـنـيـتـخ وذخر شجعـان = الاد عـاصـم كـاسـبـيـن النـفـيـلـــه
يا نـجـر قـطمـان الـمـحازم لـهـم شـأن = أيـمـانـهـم بـالـمد مـا هـي بـخـيـلـه
ربع لـهـم صـولات وأسـنـان و عـنــان = أهـل الـوفـا وأهـل الـبـيـوت الـضـليله
حـمـو حـمـاهـا يـوم روغـات الأذهـان = بـمـشـوك رأس الـمـعـادي يـزيـلـــه
حامـيـنـها يـا نجـر مـن مـاض الأزمان = بـرمـاحـهـم والـمـرهـفـات الصقـيـلـة
زمـل الـمـنـاخ إلى غـشـا الـجـود خان = يـتـنـون مـن دون الـحـلـل والـحـلـيله
حـامـيـنـهـا من وقـت طـلـمس ومشعان = أهـل الـبـخـت وأهـل الـفـعـول الجـليله
يا نـجـر لا تـجـهـل سـلايـل سلـيـمان = هـاذي مـرابـع جـيـش طـلـمس وخـيـله
و عـبـدالـلـه ومطلـق دواهـي وشـيـخان = يـشـهـد لـهـم شـريـف مـكـة وجـيـله
وشـيـخ الـمـظـاهـيـر الـمسمى كحيلان = إلى اعــتـلا مـن فـوق بـنـت الأصيـلـه
محـيـمـيد مـروي شـذرة الـسـيف والزان = حـمـاهـم مـن كـل عـيـلـه ومـيـلــه
ومـزيـد وزيـد الـلـي يـفـكـون الأضعان = حـمـايـة السـاقـة نـهـار الـدبـيـلــه
أخوان هـيـا أخـبـارهـم عـنـد قـحـطان = مـفـرقـة حـبـل الـخـلـيـل وخـلـيـله
بالـحـرمـلـيـه فـعـل أبـو مـرحبـا بان = جـنـدل عـقـيـد الـقـوم واقـتـاد خـيـله
وفعـلـه عـلى عـرجـا وفـعل بن صدغـان = عـلى جـبـا عـرجـا وجـال الـنـمـيـله
أقـتـادوا الـعـطـفـة وهـانـوا صنـيـتان = لـلـشـيـخ بـن هـنـدي زعـيـم الــقبيله
وجـزا عـقـيـد الـقـوم بـايـام الاكـوان = لا هـوا بـسـيـفـه ما يـعـالج قـتـيـلـه
هـذال يـشـهـد لـه وخـيـل بـن سفـران = صـويـبـه إلـى طـاح مـا أحـد يـشـيـله
ابـا الـعـلا جـزا يلـقـب بـقـشعـــان = قـصـار ربـعـه بـالـوغـى تـلـتـجي له
وكـون الـرشـاويـه ذبـح فـيـه دوشــان = من سـيـف نـايـف مـاش نـايـف مـثـيله
ومن بـعـدهم تـسـلم الـرأي سـلـطــان = أسـس سـنـام ولـم شـمـل الـقـبـيـلـه
كافـح مـع بـن سـعـود ضـمـن الأخـوان = حـلـحـيـل بـأفـكـاره وعـزمـه و حـيله
يـوم تـربـه حـضـر مـعـارك رمــادان = بـجـمـع رهـيـب مـثـل نـوء الـمـخيله
وحـمـايـة الـبـيـرق عـلـى راس زبدان = وغـزولـه أجـمـوع الـعـدو تـرتـكـي له
وشـديـد الـحـثـري ظـهـر فعـله وبـان = بالـمـارتـيـن الـلي تـقـص الـحـبـيـله
أخـذ الـركـايـب والأشـده والأرســــان = والركب جدع رؤسهم بالـمـسـيـلــــــه
ومـحـسـن وحـاسـن كـل الاثـنين فرسان = يـردون يـوم أن الـمـوارد قـلـيـلــــه
دون الـمـعـقـل يـوم لـلـمـلـح دنـدان = ومن قـبـلـهـم صـايـل مـزيـف د خـيله
ومـبـارك ابـن هـريـس مـلـفـا ومزبان = لـلـي لـفـوه طـالـبـيـن الـعـديـلــه
قـدم خـيـار الـزمـل وبـيـوت الاسـكـان = وغـنـابـه الـحـافـي ويـشـكـر جمـيـله
وطـاحـوس مـع مـسـلط وعقاب بن شبـنان = نـهـار كـون الضـال يـوم الـمــهـيـلـه
حـول بـجـمـعـه وأمـتـلأ الـجـو نيران = وثـار الـدخـن بـيـن الـعـمـيـل وعمـيله
بـقـول الـحـضـور وحضرة بن ربـيـعان = تـحـدث بـقــصـيـدةً لـه طـويـلـــه
سـهـاج مـا غـيـره مـن شـهـود الاعيان = أثـنـا عــلى طـاحـوس وأطـرأ القـبـيله
ربـعـه مـدفـنـت الـركـب يـوم الأ كوان = نـطـاحـة الـبـارود تـنـتـمـي لــــه
عـشـو طـيـور الـجـو والـذيـب سرحان = بـصـاف الـحـديـد وحـامـيـات الفـتـيله
كـم شـيـخ قـوم هـازهـم وأعـلـن إعلان = وعـنـد الـمـواجـه نـار وأعـلـن رحـيله
وجـمـع هـل الـسـمراء ونـزل بـن ريمان = عـبـيـد حـامـي نـزلهـم و الـدلـيـلــه
والاد عـبـاد الـمـتـاكـيـن ضـفـــران = مـثـل الـخـيـال إلـى ارجـف ودق سـيله
والاد حـاسـن مـعـطـبـة كـل فـسـقـان = مـنـيـعـهـم فـكـوه واخـلـو سـبـيـله
وربـع الـطـويـل سـعـود مـا هـم برديان = رجـالـهـم يـنـطـح جـمـوع و قـبـيـله
بـمـسـلـبـات دون حـلـوات الألـبــان = مـثـل الـرمـاح الـغـاريـات الـطـويـله
وأمـثـال بـن سـحـاب مـع شـيـخ برزان = بـمـلـيـت نـذكـر لـه فـعـول جـلـيله
وقـف لـهـم بـالـريـع بـشـهـود الاعيان = وحـمـد صـبـي الـحـرب وأشـفـى غليله
ولـو بـاتـوسـع وأذكـر فـلان وافـــلان = عـنـدي سـوالـف كـوم مـا هـي قـلـيله
هـاذي خـواطـر الـعـصـيـمـي بتـبيان = مـن هـاجـسٍ مـا يـلـتـفـت للـهـزيـله
والـنـاس والـنـقـاد يـا نـجـر قـشـران = حـتـى الـقـبـر تـنـبـش ثـراه و نـثـيله
ولا حـدٍ بـسـالـم مـن قـلـيـلين الإحسان = شـذايـة الـعـرقـوب والـحـنـثـو يـلـه
وأخـتـامـهـا أصـلي على خـيـر من كان = عـلـى الـذي قـبـره بـطـيـبـه نـجـيله

الاستفسارات /


قال ابوطلال:

أنته حفيـد اللـي يسمـى شحيمـان
**************ومزبـوره الشاهـد لجـوده وكيلـه


منهو راعي مزبوره وسبب التسميه.




قال ابو طلال:

مفروض مدحك للحمر و ابو حمـدان
**************ورشيد وانـداده ومـن ينتمـي لـه


منهم حمدان ورشيد.




قال ابوطلال:

ومضيف العوشـز ونزلـه وقبـلان
**************وثالثهـم مسيمـيـر راع الكحيـلـه

منهو مضيف العوشز وسبب التسمية.




قال ابوطلال:

وجزا عقيـد القـوم بايـام الاكـوان
**************لا هـوا بسيفـه مـا يعالـج قتيلـه
هذال يشهد له وخيـل بـن سفـران
**************صويبه إلى طـاح مـا أحـدٍ يشيلـه


وشهي سالفة هذال وخيل بن سفران




قال ابوطلال:

وحماية البيـرق علـى راس زبـدان
**************وجمع اليا ثـار العـدو يرتكـي لـه

منهم حماية البيرق وهل المقصود مشاركة العصمة في معركة تربة




قال ابو طلال :

ومحسن وحاسن كل الاثنين فرسـان
**************يـردون يـوم أن المـوارد قليـلـه
دون المعقـل يـوم للملـح دنــدان
**************ومن قبلهـم صايـل مزبـن د خيلـه

منهم محسن وحاسن وصايل وش المقصود هل هم ذوي جسار وممكن ذكر مواقفهم




قال ابو طلال:

ومبارك ابن هريـس ملفـا ومزبـان
**************للـي لـفـوه طالبـيـن العديـلـه
قدم خيار الزمـل وبيـوت الاسكـان
**************وغنابـه الحافـي ويشكـر جميـلـه


وش المقصود وشه سالفة الحافي




قال ابو طلال:

ربعه مدفنت الركـب يـوم الأ كـوان
**************نطاحـة البـارود مـا تنحنـي لــه

منهم مدفنت الركب وسبب التسمية.




قال ابو طلال:

وجمع هل السمراء ونزل بن ريمـان
**************عبيـد حامـي نزلـهـم و الدليـلـه

منهو عبيد المقصود وماذا يقصد ابو طلال



قال ابوطلال:

والاد نفـرا يــوم للهوش مـيـدان
**************منيعهـم فكـوه واخـلـو سبيـلـه

منهو المنيع وماهي المناسبة



قال ابو طلال:

وأمثال بن سحاب مع شيـخ بـرزان
**************بحليـت نذكـر لـه فعـولٍ جليـلـه
وقف لهم بالريـع بشهـود الاعيـان
**************وصمد صبي الحرب وأشفـى غليلـه

منهو ابن سحاب وماهي المناسبة.



قال ابوطلال:

وابو هضيد واطرافه جاء للحري رعد وارعود**ويوم بالوطاه الكـم بهـا صولـه وميـرادي

وشهو المقصود بابو هضيد

يقول مزيد بن مغيرق الله يرحمه:

يـا ربعنـا ذبـح الحيـران .... وارهوا على الخيل الحليـب

نبى نطارد خيل بن سفـران ... ونفرق حبيب عـن حبيـب

لعيون صيته بنت ابن سحمان ... ندقل علـى جمـع الحريـب

وشهي مناسبة الحداه

يقول شويمان اباالجلادا برواية ابوطلال :

الا يـاوجـودي يالـعـقـيـلي وقـبـلان **وراعـي مـرحـبـا وان جو اهل الهجن ينصونه

هذه الابيات قرأتها في احد المنتديات هكذا

الاياوجودي يالعقيلي وقبلان**اهل مرحبا وان جو اهل الهجن ينصونه

ماهو تعليقك وماهي مناسة الابيات





************************



وقد أجاب عليها وأنا أنقلها في هذا المنتدى /





منهو راعي مزبوره وسبب التسميه.

راعي مزبوره معيض بن كلاب ومزبوره حكرته ( صحنه ).






منهم حمدان ورشيد.

هم الجلامده ابناء عم محمد الحمر .





منهو مضيف العوشز وسبب التسمية.

ومضيف العوشز هو فيصل المطابق سبب التسميه( واثناء عودة هذال من المديد والخبر اللي تتليه او المجموعات وقال العصيمي راع الجلب هذا امامنا والليل سوف ناكل جلبه وفيصل كان نازل وفيه حرجة عوشزوامسى الليل وامر صبيانه بتوزيع الذبايح على المجوعات خبر المديد ويوم وصلو للعوشز قالو هذا عوشز يافيصل قال عوشز ماعوشز ودوه له الذبيحه وقال هذال اهب الله يغربلك عصيمي جينا نبى نمتحنه وامتحنا )هذه القصه.





وشهي سالفة هذال وخيل بن سفران.

لكون هذال بن فهيد رحمه الله يغزوا ببرقا والروقه في بعض الوقعات
و ابن سفران من زعماء قحطان المشهورين.
ويشهدون للفروسيته خلال مطارد الخيل والمعارك التي جرت بينهما .





منهم حماية البيرق وهل المقصود مشاركة العصمة في معركة تربة.

زبدان الغزلي ومعه ابن سيف من الغزول رحمهما الله وهما الذين يحملون البيرق
ونعم هي مشاركة جموع العصمه قي معركة تربة.
منهم محسن وحاسن وصايل وش المقصود هل هم ذوي جسار وممكن ذكر مواقفهم.
نعم هم ذوي جسار من النواشر من الحمارين ولهم فروسية ومرابط خيل
وصايل قبلهم وله عدة غارات ومعروف بأنه رجل يحمي من يلجي اليه
والنواشرغنين عن التعريف .




وش المقصود وشه سالفة الحافي.

هومبارك ابن هريس الحمراني وعندما غزاء ابن رشيد الحفاه وسلب بعضهم ( مع العلم ان
الحفاه كافحوا كفاح مستميت ) فذهب سعود اليابس شاعر الحفاه لهذال بن فهيد وطلبه وقال اريد
بعارين واريد بيت لكي اسكن عائلتي فقال هذال ليس لدي بيت ولكن خذلك بعير فالزمل
فرجع والتجأ الى الله ثم لمبارك بن هريس وطلب نفس الطلب الذي طلبه من هذال
وكان لدى مبارك ابن هريس زوجتان وامر واحده ان تخلي بيتها وتنضم الى رفيقتها
واعطى البيت لليابس واعطاه بعارين وغنى بقصيده فأول مطلعها :

ملفاكم ابن هريس زبن الحصانـي=مبارك اللـي منزلـه بالشواهيـق
يكسى من البيضاء ثيـاب متانـي=ويضفي على ابن فهيد منها شواليق

مع التنبيه بعض اخوتنا هداهم الله عكسوا البيت الاخير لحاجت في نفس يعقوب





منهم مدفنت الركب وسبب التسمية.

مدفنت الركب من القاب العصمه يوصفون في المناخات بمدفنت الركب
لانهم يحمون الجانب الذي هم فيه وهذا دليل على انهم قوة ضاربه
وفي المناخات اول ما يسأل محمد ابن هندي عن العصمه ولا قصور في قبائل عتيبه.




منهو عبيد المقصود وماذا يقصد ابو طلال.

هو عبيد ابن ريمان وهوا كبير الروامين.
وهل السمراء مواقفهم معروفه ومشرفه .





منهو المنيع وماهي المناسبة.

هذا عندما اغار العماج على الهدف من الدعاجين واخذ الابل واستنجدوا بالعصمه
فقال سلطان ابا العلا مزيد ابن مغيرق لا يذهب خوفا انه يذبح من بعد جزاء واخذ اخاه زيد فرس
مزيد التومه وقال مزيد خلني افرج للعتيبيات فاعطني الفرس واتى مشعان ابن جريبيع وقال
لن نذهب الا بمزيد فأعطى مشعان فرسه لمزيد فقام زيد وارجع التومه لمزيد ,وكدت الخيل
بقيادة مزيد ويقال ان مزيد صوب العماج وارجعوا الابل وكان معهم منعا كثير وكان زيد مصوب
والمعركه في خشم الدغيبيس وقام احد منعا مزيد وتغفله وقتله غدرا واخذ الفرس وهرب وهو عفيص من ال رشيد من الوعله من يام وقام سلطان ابا العلا وجمع المنعا كلهم واحد يقال انهم
خمسين والمرجح خمسة وعشرين واعدمهم بالبندق وقال ضعوا مزيد فوقهم وكان زيد مصوب
وعندما علم ان اخاه توفي لفظ انفاسه وتسمى بسنة ذبح المغارقه لدى عتيبه.
واما الذي فك منيعه من النفارين فلقد اختلفت الروايات فاحد يقال لافي من وغش واحد يقول محمد بن خشمان والله اعلم فأتوا العصمه يقتلون منعاهم فقال مزيد مات وما هو جايكم مزيد ثاني فافتك منعاه من القتل.




منهو ابن سحاب وماهي المناسبة.

لا يحضرني اسمه يقال ابو محمد بن سحاب من الغزول في ريع حليت فهجم ابن رشيد على تلك المناطق
فوقف ابن سحاب فالريع واعدم كثيرا من قوم ابن رشيد بالجبخان وموقفه معروف
ولكنه الجندي المجهول .




وشهو المقصود بابو هضيد

ابو هضيد وذاقان والوطاه عدة اماكن حصلت فيها معارك بين العصمه والقحاطين وغيرهم
ومن ديار العصمه ان ذاك الوقت ومن معهم من برقا.



وشهي مناسبة الحداه.

مزيد كان عند فارس ابن سحمان فخطب صيته ابنت فارس واعطاه فارس
ابنته ولكنه قتل قبل ان يأخذها
وله سوالف مع ابن سفران كثيره
وقد استأسره ابن سفران هو ومنير ابن شاهر الحسيني وسوالف اخرى كثيره.

الا ياوجـودي يالعقيلـي ويـاقـبـلان=وراعي مرحبا وان جو اهل الهجن ينصونه

هذه الصحيح ومزيد ملقب براعي مرحبا لكرمه لدى العصمه والشيابين والدعاجين وغيرهم وهذا المعروف والمتعارف عليه لدى قبايل نجد.

الاياوجـودي يالعقيلـي ويـاقبـلان=اهل مرحبا وان جو اهل الهجن ينصونه

هذه مزيفه و مزوره كلمه اهل مرحبا لا صحة لها وشويمان شاعر معروف ومحنك
فهل يعقل ان يضع اهل مرحبا جمع وينصونه مفرد ؟؟؟؟؟؟؟؟
فلا اعلم ما هدف المزورين والمحرفين ولكن قارن بين البيتين يا اخي العزيز .




*سؤال للراوي ماجد بن عبود بن مغيرق العتيبي

1- ( الف الوف وحمل سيوف وكسوة القاعدين مع الوقوف )

هذه العبارة وجدتها كثيرا" في أغلب منتديات عتيبه تتكرر ماهي قصتها


الاجابه باختصار حسب المعلومات اللتي نسمعها من افاواه العوام ان هذا الاحتجاج حصل بين الهيضل والعقيلي وان الهيضل وقف الحاج في السنه اللتي هي من نصيب العقيلي ووقف الحاج الهيضل وحصلت مشاده كلاميه على اثرها يقال الهيضل اوقف الحاج مطالبا ( بالف لوف وكسوة القعود مع الوقوف وحمل سيوف ) وعلى اثر ذالك ذبح العقيلي خاله وهاذي من مشاكل الدرمه وطالما انك طرحت هذا السؤال سوف نتحدث باختصار عن الدرمه
الدرمه للهيضل وابن ربيعان ونسمع ان الهيضل اعطى العقيلي الدرمه لمده سنه بالتناوب سنه لهذا وسنه لهذا وحصل الخلا ف بالاخير عندما اعطى حصة العقيلي لابن ربيعان وعلى اثرها تم قتل الهيضل من قبل ابن اخيه العقيلي وابن ربيعان يحتج بانها في ديارنا في( الحنو ) ونحن اولى والدرمه عباره عن مصلحه وجمرك في وقتنا المعاصر ولكن لاياخذها الا من يحماها والدرمه ليست اماره او مشيخه مثل من يدعي بعض رفاقنا بانها اماره والدرمه كانت على شرق المملكه للمغارقه لعبد الله بن مغيرق الملقب بـ ( دغم ) ونجران ابن مغيرق ولافيها بركه حيث ان هزاع بن ضفيدع بن مغيرق قتل عمه عزيز ابن مغيرق عند مشاكل الدرمه هذه باختصار الدرمه





*الطرقى فرس ابن حشيفان اخذها راعي التومه مزيد بن مغيرق قلاعه بعد قتله لابن حشيفان في الحرمليه هل هناك شواهد ابيات تذكر هالحادثه.


الطرقى مشهورة في خيول نجد وكان فارس الدويخ ابن جامع جار لابن حشيفان وذاات يوم اصبحوا والا الطرقى ليست في مربطها ماخوذة وكان ابن حشيفان يتحدث هو وابنه قال:وش رايك في جارنا هل يرد الفرس بسلوم عتيبه فقالله ابنه : اظن جارنا مايقدر يسوي شيء وكان الكلام في اذن الدويخ بدون ان يعلم ابن حشيفان وابنه تحدثوا مع جارهم وقالوا وش رايك هل تقدر ترد النا الفرس قال كبسلوم قبيلتنا نردها وذهب هو ولد ابن حشيفان وعندما وصلوا الانجل راؤو الطرقى مع ابن عرويل من الدعاجين على الماء فشهر الدويخ سيفه او حربته وقال :

ماروح والطرقى تبوج الدواوير ***والله ما اجنب عن قصيرة عيالي

والله ما اجنب عن رسنها ولاسير***الاحدينا للمقابر يشالي

ورجعوا الفرس لابن حشيفان وفي الصباح استاذن الدويخ من ابن حشيفان للرحيل من عنده بدون ان يخبرهم انه سمع كلامهما

والشواهد على ذلك
في معركة الحرمليه راجع صــــــ 11ـــــــــــ ج2 من كتاب ابن بليهد في الاخبار وما حدث عند العرب من اثار (عندما انتهى ابن حشيفان من مطارة هذال بن فهيد والشيابين واركاهم على جبل سوفه رجع وكر بهجوم معاكس على العصمه والدعاجين ونخوا مزيد وقالوا اليوم يومك وهدف عليه مزيد واخذ الطرقى قلاعه )
ابيات علي ابن نامي ابن ثعلي من قصيدته في المعركه :
وابن مغارق جندل القحطاني **يوم اجتدلاد الخيل فالميداني **مالزوم وجابتبه المنيه





ذكر في احد المنتديات ان الشيخ نجران بن مغيرق قتله الشريف هو وسبعه من العصمة هل هذه المعلومه صحيحه.


نعم قتله الشريف عند مشاكل الحاج والدرمه ولدى ابو طلال مخطوطه بأن السلطات العثمانيه
القت القبض على شيخين من عتيبه هما ( الهيضل * وابن مغيرق ) بدون ذكراسميهما
ولكن ابن مغيرق المقصود نجران اما الذي يقول ان نجران مع السبعه ونوى يرجع الى العصمه
فهذي كذب وتزوير.


منقول من ماجد بن عبود بن مغيرق العصيمي العتيبي





أخوكم أبو مرحبا

التوقيع

إن قلَّـت الوزنـه وربعـي مشافيـح ** أخلـي الوزنـه لربعـي واشـومـي

[ناصر العصيمي]

اخي الكريم ابو مرحبا


بعد التحيه

بيض الله وجهك ووجه الشاعر والراوي ابوطـــلال

وصح لسانه


تقبل مروري

[عبدالرحمن الهيلوم]

بيض الله وجهك يابن عاصم

[أبو مرحبا]

المشاركة الأصلية كتبت بواسطة ناصر العصيمي

اخي الكريم ابو مرحبا


بعد التحيه

بيض الله وجهك ووجه الشاعر والراوي ابوطـــلال

وصح لسانه


تقبل مروري

يامرحبا بك يااخ ناصر العصيمي

تشرفت بمرورك للموضوع

[أبو مرحبا]

المشاركة الأصلية كتبت بواسطة عبدالرحمن الهيلوم

بيض الله وجهك يابن عاصم

ووجهك ياابوداحم

مرورك تشريف

أشكرك

[فيصل المسعودي]

إستفسارات قيمة من شاعر وراوي كبير مثل أبو طلال

بلا شك ستكون محط الإهتمام والفائدة

والله وسبعين الف نعم في ألاد عاصم

مواقف مشرفة وألقاب جلبتها أفعالهم وأيمانهم

بيض الله وجهك ياغالي

شكراً لك على هذا النقل الطيب

تحياتي

[أبو مرحبا]

المشاركة الأصلية كتبت بواسطة فيصل المسعودي

إستفسارات قيمة من شاعر وراوي كبير مثل أبو طلال

بلا شك ستكون محط الإهتمام والفائدة

والله وسبعين الف نعم في ألاد عاصم

مواقف مشرفة وألقاب جلبتها أفعالهم وأيمانهم

بيض الله وجهك ياغالي

شكراً لك على هذا النقل الطيب

تحياتي

والنعم في ربعنا عتيبه كلها من دون تحديد

الاخ فيصل المسعودي

اشكرك على مرورك العطر لموضوعي

تقبل أحترامي

[عمر الدغيلبي]

ونعم والله فالراوي والشاعر ماجد بن مغيرق العصيمي وفيك يا أبو مرحبا

وفي ربعنا آلاد عاصم

وبيض الله وجهك على نقل هالإستفسارات المهمه

والشكر موصول إلى الراوي ماجد بن مغيرق

التوقيع

في منتدى الهيلا زحول الرياجيل = بيت القبيله و النشاما إرواقه يزينه حرصه لزين التماثيل = ويجمله نبذ العلوم الدقاقه

[جبل النور]

بيض الله وجهك يابو مرحبا

والله يطول عمر شاعرنا ماجد بن عبود بن مغيرق العصيمي ويعطيه الصحه والعافيه

والنعم في الاد عاصم قطم المحازم اهل المواقف البطوليه والمشرفه

ركنٍ من اركان القبيلة مجرب = عند اشتداد المعضلات مهيوبي

[مشعل الحمراني]

الله يعطيك العافيه
يابو مرحبا
استفسارت جدا رائعه ومهمه

استفدنا منها الكثيـــر

الله يبيض وجهك
ووجه الراويه ابو طلال

شكرا لك

[/]