من لا يخاوي في حياتـه عصيمـي

[مقعد الدغيلبي]

السلام عليكم
حبيت انقل لكم هذه القصيده للشاعر عايض العصيمي
........

يالقاف أنا فالشعر مانـي (اعليمـي=أنحت جلاميده,, واحده على أقصـاه
ياكـم قنعنـا بالنـوادر حكيمـي=وياكـم خبيـر بالجزايـل قنعـنـاه
فينـا جبلـه مـن زمـان قديمـي=ورثة أبو عن جـد,, حنـا ورثنـاه
والشعر فصدور العـوارف مقيمـي=وحنا عـن دروب المباديـل صنـاه
نصح وفخر واحيان سـم سقيمـي=واللي ينومـس فالمدايـح مدحنـاه
واليوم أبا أمدح فالعوارف حشيمـي=وش عاد حتى مكسبه.. لو مدحناه..؟!
قدره عظيم ,, وفالوصايف عظيمـي=وقافي يشيـب ولا حصرنـا مزايـاه
(شباب) راع الطيب زبـن العديمـي=كفخ الجناح اللـي قليـل حلايـاه
ذخر الصحيب.. وضد عين الخصيمي=ياكم خصيم يشتكـي حـر شلفـاه
أمـر المراجـل فـي يمينـه حتيمـي=ونفسه على كسب العوالـي مضـراه
أبـو هـلا,, راع المقـام المديمـي=طلق الحجاج,, مدلع الضيف لا جاه
فـي مجلسـه للعـز حـد صريمـي=واللي جهل ينشد هل العرف والجـاه
كريم .. مار أحيان ماهوب,, كريمـي=فوق الكـرم تلقـى محلـه وتلقـاه
ولو للوفـا والعـز رجـل يتيمـي=أنـا أشهـد انـه يالمطاليـق مربـاه
هو محزمي لا ثـار عـج وعسيمـي=وهو محزمي.. لا حان وقت المـلالاه
ورجـل تحيـزم بالحـزام القطيمـي=لا ميلت.. ماخاب من هـو تعـزواه
والله ليبطـن زاهيـات الزميـمـي=وهن ما أنجبن مثله ,,ولا قيل شـرواه
وياللي تمر ( عصيل) كانك فهيمـي=حـاذور خيـال الكحيـلا تعـداه
وان كان وانـك للمراجـل نهيمـي=أرد القراح ودلـه النفـس بـرواه
وسير على (شباب ولـد العصيمـي=عبيد). اللي ياعسـى الخلـد مثـواه
وليا حصل فالعلم سين"ن" وجيمـي=رد الخبر عنـي وهاتـه مـن أتـلاه
وقول المقاطي قـال.. والله عليمـي=قـول علـى عـز ومعـزه حملنـاه
(من لا يخاوي فـي حياتـه عصيمـي=في ذمتـي مـا ذاق طعـم المخـاواه

التوقيع

[محمد العتيبي]

الله الله

صح لسان الشاعر عايض المقاطي ..

وييستاهل شبّاب المدح ولا على اهل الطيب زود..
وتسلم يامقعد على النقل الرائع ..
...

التوقيع

للتواصل عبر twitter تويتر al_bargawy@

[صنديد العصمه]

الله لايهينك وانا اشهد انه صادق

من لا يخاوي في حياته عصيمي***في ذمتـي مـا ذاق طعـم المخـاواه

[عبد المحسن الحلحلي]

اخوي مقعد هذ القصيدة

لأخينا في المنتدى

الأخ العزيز

عايض المقاطي

أشهد بالله أنه مبدع


ونعم بالمادح والممدوح

هذا للتنويه

مودتي


الحلحلي

[عبدالله الجـــذع]

ونعم والله بربعنا ألأادعاصم يستاهلون كل خير

وصح لسان شاعرنا الرائع على هذه الجزله

مشكور يالغالي

محبك

,’

التوقيع

قال الرسول صلى الله عليه وسلم [مَنْ قَالَ أَسْتَغْفِرُ اللَّهَ الْعَظِيمَ الَّذِي لَا إِلَهَ إِلَّا هُوَ الْحَيَّ الْقَيُّومَ وَأَتُوبُ إِلَيْهِ غُفِرَ لَهُ وَإِنْ كَانَ فَرَّ مِنْ الزَّحْفِ ]( سنن الترمذي ) . . قال صلى الله عليه وسلم : ( إن الشيطان قال : وعزتك يارب ! لا أبرح اغوي عبادك ما دامت أرواحهم في أجسادهم ! فقال الرب تبارك وتعالى : ( وعزتي وجلالي , لا أزال اغفر لهم ما استغفروني ) ... ( السلسله الصحيحه ) . موقع يضم جميع القراء هنا

[Man من العتبان]

من لا يخاوي في حياتـه عصيمـي
في ذمتـي مـا ذاق طعـم المخـاواه

ونعم والله بربعنا العصمه

صح لسان شاعرهاا ولاهنت يا ناقلهاا

دمت بخير . .

[عــ الد ـــيـــ لبحي ـــد]

يستاهلون الاد عاصم قطمان المحزم وبيض الله وجهك اخوي مقعد

[/عبد العزيز الجذع/]

من لا يخاوي في حياتـه عصيمـي
في ذمتـي مـا ذاق طعـم المخـاواه

ونعم والله بربعنا العصمه



ومشكووور على النقل المميز...

[الامير حريبيش]

من الاد عاصم كل ماجت طلابه**********تذيل الحجه وتفلج طليبها
وليا ركبنا فوق بنت العبيه********نضرب بشلفاء مايداوى صويبها

كفو بالعصمه يستاهلون

[@ـايل]

الله الله

صح لسان الشاعر على القصيده الطيبه والجزله

وبيض الله وجهه وبيض الله وجهك يالدغيلبي على النقل الطيب طال عمرك

وهل الطيب يستاهلون المدح وبيض الله وجه المقاطي على سرد القصيده ونعم يابني عمنا عتيبه الهيلا

لاهنت والله يقويك يالقرم

التوقيع

شكر خآص للأخ العزيز (سمي جدي) ,,, للتواصل,,, hail-osaimi@hotmail.com الفيس بوك : هايل العصيمي انستقرام : hailosaimi تويتر : AlHooL@

آخر تعديل @ـايل يوم 06-Jun-2008 في 05:48 PM.