عفر القوافي

[فايز بن سرحان الثبيتي]

قصيدة شاركت بها في حفل زواج ابناء الشيخ عواض بن ضيف الله بن مرحوم الثبيتي

عسى ان تحوز على الرضى وتشفع الغياب "

ياشعري اللي ماعليك خلاف وانته في ذراي= ولاتقدم في مهمه غير وانته قدها
في حفل بن مرحوم جيت وهاجسي يسبق خطاي=يوم الجمايل تعسف الرجال لين يردها
اسوق من عفر القوافي ماتهيض من حشاي= سوق الذلول اللي وسوم ثبيت تزها خدها
قامت بيوت الشعر تجري في عروقي مع دماي=مثل الحيام اللي نهار القيض تارد عدها
وان كان شعار القبيلة كلهم سووا كماي = لا بدها تفخر بفعل اعيالها لا بدها
ماني بشاعر فبركة ولا بهذا مستواي= واللحية اللي ماتجملني ماجي في سدها
شاعر وامثل لي قبيلة والقبيلة من وراي=تدحم بهمتها الجبال الصم لين تهدها
حضرت اكمل في وجوبي واعلن لربعي ولاي=اللابه اللي من عازاويها عريب جدها
عواض راع الاوله وعياله اعز خوياي= لو اعتذر عن واحده منها العذر ماسدها
هذا اللي من اجله واجل شرواه افخر بانتماي=مثل السيوف اللي ليا قالوا ينومس حدها
احزام ظهري لا دعته النايبه ولا عصاي= مواقفه تصعب عليه لو بغيت اعدها
ولا قليل العرف عيت مدته تقطع ضماي = ليته موفرها ولا كنه عليه مدها
اللي ماغير اخوته ضحك وحكي منها وجاي=لو اعتزيبه في وجيه القوم ماهو ضدها
يضحك في وجهي ويتردى ثم يهرج في قفاي= ويسوق عينه للرخيصة لين يترب خدها
ايغض طرفه عن صوابي وايتلفت في خطاي=لا بارك الله فالصداقه كان هذا حدها
هذاك تقصر شرهتي دونه ولا تقصر يداي=فالماقف الغصاب عن مزح العلوم وجدها
لاصار نجم من النجوم اللي تهاوت في سماي=ماهو بكفو النظره الي كنت فيه الدها

التوقيع

إذا شئت أن تحيا سليما من الأذى=وحظك موفور وعرضك صين لسانك لا تذكر به عورة امرىء=فكلك عورات وللناس السن وعينك إن أبدت إليك معايبا = فصنهاوقل يا عين للناس أعين وعاشر بمعروف وسامح من اعتدى=وفارق ولكن بالتى هى أحسن

[فهد الشيباني]

الله واكبر

قصيده تروي الضميان
صح السانك يافايز ونعم والله بثبيت



ابطيت وجيت باللي تسد عن غيابك
لاهنت وننتظر جديدك يالجزل "

[هجاد الثبيتي]

صح الساانك يابن سرحان راس يشرف كل محفل


تحيااتي

[غالب الذيابي]

:
:
:
:





صح لسانك يابن سرحان.. شاعر كفو لاهنت..

لاتحرمنا من جديدك.
:
:
:
:
:

التوقيع

: : : إذا الكريمُ رأى الخمولَ نزيلـهُ=في منزل فالحـزمُ أن يترحـلا كالبدرَ لمّا أن تضاءل جدّ فـي =طلبِ الكمـال ِ فحـازهُ متنقـلا سفهاً لحلمكِ إن رضيتَ بمشربٍ =رمق ٍ ورزق الله قد ملأ المـلا لا ترضَ من دنياكَ ما يدنيكَ من =دنس ٍ وكن طيفا جلا ثم انجـلا صفحتي على التويتر

[قـنـاص الـقـوافي]

بيض الله وجهك وصح لسانك
ويستاهلون القروم المدح
لاتحرمنا من ابداعك يالجزل
تحيتي

[مهنـا العتيبي]

صح لسانك

ولكن هناك خطا كبير في القصيده

انت تقول

اسوق من عفـر القوافـي ماتهيـض مـن حشـاي /سـوق الذلـول اللـي وســوم ثبـيـت تـزهـا خـدهـا!!!


ثبيت وسمهم المطرق على الفخذ

ماياسمون على الخد

وبيض الله وجهك القصيده كتبت بحرفنه متمكن

[عبدالله جبارالعتيبي]

شاعر وامثل لي قبيلـة والقبيلـة مـن وراي=تدحـم بهمتهـا الجبـال الصـم ليـن تهدهـا

كفو يبن سرحان
وصح لسانك

التوقيع

يالله يامنجي نبيك من الحوت=وعالم بكل الناس واللي وراها تغفرذنوبي كلها قبل ماموت=أنته ملاج الناس ونت الإلاها عبدالله المقاطي

[محمد الذيابـــي]

,,,


صح لساااااااانك يالغالي بن سرحان



قصيدة رائعه جداً


وننتظر جديدك


لاهنت



,,,,

التوقيع

التوقيع محمد الذيابـــي

[هجاد الثبيتي]

قناص توضيح بسيط البيت هذا رمزي ماهو وصف

[فهد الشهيب الثبيتي]

اسوق من عفر القوافي ماتهيض مـن حشـاي
سوق الذلول اللي وسوم ثبيـت تزهـا خدهـا
وان كان شعار القبيلـة كلهـم سـووا كمـاي
لا بدهـا تفخـر بفعـل اعيالـهـا لا بـدهـا
مانـي بشاعـر فبركـة ولا بهـذا مستـواي
واللحية اللـي ماتجملنـي ماجـي فـي سدهـا


الله الله الله

صح لسانك ملايين يابو ريان

شاعر بحر وقصيدك ينومس

وبالنسبة للغادي اللي يقول ثبيت ماياسمون الا فخذ المطيه

ثبيت من الحجاز الى نجد مالهم وسم عام يجمعهم اللي فالحجاز ياسمون الفخذ واللي في نجد بعضهم ياسم الفخذ وبعضهم الرقبه وبعضهم الخد

التوقيع

برقا وروق أبنا ثبيت الاصيلين=ومن ثبت اصله شرفه واعتزابه