الرئيسية التسجيل التحكم


اختيار تصميم الجوال

العودة   الهيـــــــــــــلا *** منتدى قبيلة عتيبة > منتديات قبيلة عتيبة - الهيلا > شعراء قبيلة عتيبة

« آخـــر الـــمـــشـــاركــــات »
         :: البيت لاعجبني اجاريه باحساس (آخر رد :الريشاوي)       :: كل عضو او شاعر يسجل بيتين غزل الفهاا من قصائده .. بشرط ان تكون غزليه فقط .. (آخر رد :الريشاوي)       :: ودي ولا ودي وابيهم ولا ابيه (آخر رد :الريشاوي)       :: واكتبي هذا أنا أنا ليلى العامرية (آخر رد :الريشاوي)       :: البيت لاعْجَبني اجاريه باحساس (آخر رد :الريشاوي)       :: أنـا لا تلوموني ولو ملـت كل الميل (آخر رد :الريشاوي)       :: اوافق .. واقول النفس صعبه مطالبها (آخر رد :الريشاوي)       :: الحب اقفى في ديانا ودودي (آخر رد :الريشاوي)       :: امير قبيلة المحاقنة قبل الدولة السعودية (آخر رد :متعب الوحيدب)       :: امير قبيلة المحاقنة قبل الدولة السعودية (آخر رد :متعب الوحيدب)      

إضافة رد
أدوات الموضوع انواع عرض الموضوع
غير مقروء 08-Feb-2012, 09:33 AM رقم المشاركة : 1
معلومات العضو
سلمان المرشدي
عضو ماسي

الصورة الرمزية سلمان المرشدي

إحصائية العضو





التوقيت


سلمان المرشدي غير متواجد حالياً

Thumbs up راوي وباحث قبيلة عتيبه الكبير سعدون الهرس المرشدي

هذه القصيدة للشاعر الكبير وباحث وراوي قبيلة عتيبه سعدون بن فهد الهرس المرشدي موجهة للشاعر الكبير محماس بن شميسان العضياني الروقي العتيبي:


الله يامحماس من حال الاتعاس ** اطيح من جور الليالي واقومي
اللي جرالي ماجرا لابن دواس ** وعزي لمن كثرت عليه الهمومي
جربت في دنيا الورى بعض الاجناس ** ولقيت ناس ٍ ماتعرف السلومي
اخذت معهم بالتجاريب مرواس ** وميزتهم مابين ليل ٍ ويومي
ناس ٍ يحسبون المضهاه نوماس ** والكل منهم مايعرف اليمومي
مع كل وسواس ٍ ومع كل خناس ** على النفاق معقدين الكمومي
تسمع سوالفهم بها اخماس واسداس ** وينداش راسك من كبار العلومي
بالحكي واحدهم لدي ٍ لجساس ** ويضيع لاوصلت لفرك الخشومي
صديقهم منهم حري بالافلاس ** وعدوهم فيهم يبيع ويسومي
الطيب عنهم بعد نجد عن الاوراس ** والاالردى لبسوه لبس الهدومي
رجاي فيهم حال من دونه الياس ** واخترت فرقاهم بقلب ٍ عزومي
باسباهم ياماتحملت الاوناس ** وتجيك بالاخبار قومك وقومي
اقضي لوازمهم بتقدير وقياس ** ولاواحد ٍ منهم قضالي لزومي
قنعت منهم يوم الارياق يباس ** في ماقف ٍ فيه الرعيب مخدومي
الله يابو مشعل يقنعهم الباس ** لين الدهر فيهم يجيله وسومي
وعندك خبر عن سالفة طابخ الفاس ** وهذي سوات مصدقين الحلومي
وابن سند قدقال قول ٍ على ساس ** قدامي الحربي رسمله رسومي
سبيل قوله فيه قدوة ومقياس ** كنه لمخطين الدواليل يومي
قال الحضيض اللي غني ٍ عن الناس ** عن مدحة الطيب وذم الرخومي
وانا على وضح النقا مارخي الراس ** واعف عن بعض الدعاوي واشومي
وان جتني العوجا من الربع الانجاس **لي وقفة ماهيب وقفة بذومي
تلقح وتنجب غيض وتضيق الانفاس ** ماهمني فالقيض لفح السمومي
رد الجزاء مشروع والوضع حساس ** ونفسي تهقويني لحد النجومي
لومطلبي تقطعت عنه الارماس ** يوم الحقايق يبعدن الوهومي
فالدرب من دونه حوادي ولولاس ** مايا صله كود الصبورالجزومي
والشراله يابن شميسان مقباس ** والخيرفي بعض الرجال معدومي
واللي على غرات الاجواد بلاس ** وليانصحته قام قدمك يزومي
يمشي ورى المقفي ويقرع بالاجراس **هذاك من كسب الجميل محرومي
واللي على منهاج الاخيار يقتاس ** من طيبهم قسمة خيار القسومي
عجف الهزال يحطها بين الاقواس ** ويخلي الحاقد يعض البهومي
واسلم ودم واللي له الكار نبراس ** شرواك من قول الوشاه محشومي


وهذا رد الشاعر الكبير محماس بن شميسان العضياني الروقي العتيبي:


يامشتكي من ظيم الاتعاس لاباس ** وراك في روس المشاريف تومي
كنك على الدنيا جديد ٍ بالاحساس ** مع علمي انك في بحرها تعومي
خابرك قار ٍ في ضياها والادماس ** بالمعرفه لك من دررها قسومي
مادمت للمرجان واللول غطاس ** فداك من خلا عليه الثلومي
والا الحكيم اللي لماعاب ماداس ** ماهوب لادنى مايعيبه زهومي
اللي يقيس لصادراته لياقاس ** مايقبل العيله وعنها يشومي
وراع الردا اللي للردا فيه مغراس ** يم الردا دايم سلاحه زمومي
اللي على العوجا يحدد للاضراس ** هذاك لوشن الهجوم مهزومي
ومن صارلاعراض المخاليق نساس ** مذنب وذنبه مايعم العمومي
وبيت ٍ حجاه عن المواجيب هساس** مادام مايذري ذراه مهدومي
ولاحد ٍ تسلحه فالقسا جذم الامواس ** واللين ماينجيك وقت الزحومي
ولاينجزي في هفوة التبع قرناس ** ولاينتقارن بالصحيح مهيومي
وانت تعرف فرق النحاس عن الالماس ** ولياجمعت رقوم يطلع رقومي
واعرف ترى من صار للكار لباس ** الموقف اللي يحتويه محسومي
وان رحت قدام المناعير عساس ** خل الكهوم وهات علم القدومي
مايختفي درب الحيا عقب نسناس ** والصيف ماينبت نبات الوسومي
من العبر ناخذ جدايد ودراس ** مايختفن عن الوجود الرسومي
وعندك خبر ماقاله العود لدباس ** يقول يوم اجحف عليه الجهومي
المدح لويشرى شريناه باكياس ** عزيز لوهو فالحقوق مهضومي
والعرق ياسعدون قد قيل دساس ** من صار بوم يدق به عرق بومي
لوهوعنز نفسه على روس الارواس ** دربه تياسرعن دروب القرومي
والحذفه اللي فالقفى تمرس امراس ** حذافها لايامن ادنى السهومي
واعرف ترى مايودع البال ينحاس ** الا الطمان وشرهته فالرجومي
مادمت تفعل طيب ويقابله ياس ** لاتلتفت لاهل الردى يالفهومي
من شانهم لاتصغي الراس لعماس ** اقطع مواصل معفنات اللحومي
لايعتريك لفقد الانذال وسواس ** اطو الرجا فيهم وقل يارحومي
البس لعيد افراقهم بيض الالباس ** مالك خروج عن الطريق العمومي
دربك جلي ماعرقله غرس غراس ** وراع الجموم يدل درب الجمومي
واصبر وصر للغيض يالهرس حباس ** ترى العواقب يفرحن الكتومي
وانا ادري انك لك فالامجاد مجلاس ** احشم جنابك عن ردي العزومي
وصلاة ربي عد ماهب نسناس ** على شفيع الخلق يوم اللمومي















رد مع اقتباس
غير مقروء 08-Feb-2012, 10:03 AM رقم المشاركة : 2
معلومات العضو
الغضنفر
عضو ماسي

الصورة الرمزية الغضنفر

إحصائية العضو






التوقيت


الغضنفر غير متواجد حالياً

افتراضي

الله يبيض وجهك ياالمرشدى ع ا لنقل وصح لسسسسان المرشدي ولعضياني ع القصايد الجزله















رد مع اقتباس
غير مقروء 08-Feb-2012, 10:47 AM رقم المشاركة : 3
معلومات العضو
محمد الذيابـــي

مشرف منتدى قصائد الاعضاء


الصورة الرمزية محمد الذيابـــي

إحصائية العضو






التوقيت


محمد الذيابـــي غير متواجد حالياً

افتراضي

..


صحة الالسن جميع..


....















التوقيع
التوقيع

محمد الذيابـــي
رد مع اقتباس
غير مقروء 08-Feb-2012, 10:59 AM رقم المشاركة : 4
معلومات العضو
فهد العازمي العتيبي

مشرف ديار واخبار القبيله


الصورة الرمزية فهد العازمي العتيبي

إحصائية العضو






التوقيت


فهد العازمي العتيبي غير متواجد حالياً

افتراضي

َ


صح لسان ابوفهد

ولاهان ابن شميسان

كلهم شعراء كبار ورواة معروفين .















التوقيع
للتواصل على تويتر

https://twitter.com/falotaibi5115


،،
رد مع اقتباس
غير مقروء 08-Feb-2012, 11:28 AM رقم المشاركة : 5
معلومات العضو
عايض جزاء العصيمي

رابطة محبي الهيلا

إحصائية العضو






التوقيت


عايض جزاء العصيمي غير متواجد حالياً

افتراضي

صح لساني الشاعرين

والله يعطيك العافيه على النقل الطيب

لاهنت

تحياتي لك















رد مع اقتباس
غير مقروء 08-Feb-2012, 06:35 PM رقم المشاركة : 6
معلومات العضو
سلمان المرشدي
عضو ماسي

الصورة الرمزية سلمان المرشدي

إحصائية العضو





التوقيت


سلمان المرشدي غير متواجد حالياً

افتراضي

اقتباس:
المشاركة الأصلية كتبت بواسطة الغضنفر مشاهدة المشاركة
الله يبيض وجهك ياالمرشدى ع ا لنقل وصح لسسسسان المرشدي ولعضياني ع القصايد الجزله

وجهك ابيض والله يسلمك طال عمرك















رد مع اقتباس
غير مقروء 10-Feb-2012, 06:59 AM رقم المشاركة : 7
معلومات العضو
فيصل مطر
شــــاعــر

الصورة الرمزية فيصل مطر

وسام نخبة الشعراء 
إحصائية العضو






التوقيت


فيصل مطر غير متواجد حالياً

افتراضي

صح لسان ابوفهد وابن شميسان
وشكرا على النقل الطيب
تقبل
مروري















التوقيع
صاحبي عوده ليان أليا ثنيته=مودمين كنه الداب يتلوى
مودمين طول عمري ما لقيته=مالقيته في عيال آدم وحوى
والجديل الي عليه الياء رميته=قام يسترسل طويله ويتطوى
(فيصل مطر)
رد مع اقتباس
إضافة رد

العلامات المرجعية


يتصفح الموضوع حالياً : 1 (0 عضو و 1 ضيف)
 

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا يمكنك اضافة مرفقات
لا يمكنك تعديل مشاركاتك

BB code is متاحة
كود [IMG] متاحة
كود HTML معطلة



الساعة الآن »02:38 AM.


 Arabization iraq chooses life
Powered by vBulletin® Version 3.8.2
.Copyright ©2000 - 2024, Jelsoft Enterprises Ltd
اتصل بنا تسجيل خروج   تصميم: حمد المقاطي