الرئيسية التسجيل التحكم


اختيار تصميم الجوال

العودة   الهيـــــــــــــلا *** منتدى قبيلة عتيبة > المنتديات الأدبية > قصائد الأعضاء > منتدى دواووين شعراء المنتدى

« آخـــر الـــمـــشـــاركــــات »
         :: كل عضو او شاعر يسجل بيتين غزل الفهاا من قصائده .. بشرط ان تكون غزليه فقط .. (آخر رد :الريشاوي)       :: ودي ولا ودي وابيهم ولا ابيه (آخر رد :الريشاوي)       :: واكتبي هذا أنا أنا ليلى العامرية (آخر رد :الريشاوي)       :: البيت لاعْجَبني اجاريه باحساس (آخر رد :الريشاوي)       :: أنـا لا تلوموني ولو ملـت كل الميل (آخر رد :الريشاوي)       :: اوافق .. واقول النفس صعبه مطالبها (آخر رد :الريشاوي)       :: الحب اقفى في ديانا ودودي (آخر رد :الريشاوي)       :: امير قبيلة المحاقنة قبل الدولة السعودية (آخر رد :متعب الوحيدب)       :: امير قبيلة المحاقنة قبل الدولة السعودية (آخر رد :متعب الوحيدب)       :: الشيخ عبدالله ابن جزعاء العازمي جمع غير الفروسيه الحكمه والفكر السياسي وبعد النظر (آخر رد :متعب الوحيدب)      

إضافة رد
أدوات الموضوع انواع عرض الموضوع
غير مقروء 25-Jun-2011, 07:12 PM رقم المشاركة : 1
معلومات العضو
عبدالرحمن الأسعدي
عضو
إحصائية العضو





التوقيت


عبدالرحمن الأسعدي غير متواجد حالياً

Post ديوان الشاعر مرزوق بن سيف بن غافل بن دبشي الأسعدي

تعريف عن الشاعر:
هو مرزوق بن سيف بن غافل بن دبشي الأسعدي.
من قبيلة الروقة من عتيبة.
له العديد من القصائد والمشاركات.
من مواليد عام 1378هـ .
وقد عمل في القطاع الحكومي مايقارب 28سنة وقد حيل للتقاعد 1428هـ وأتجه للعمل الحر.




بعض قصائد الشاعر



(قصيدته في حفل أهالي رهاط ومدركة 1432هـ)



سـلام ياجمـع الرجـال المشاهيـر=اللي لهـم صعبـات الاريـا تهونـا
سلام(ن) احلى من حليب المصاغيـر=وضـح البكـار الغاليـات الزيـونـا
لرهاط واهل رهـاط جينـا مساييـر=جينـا نلبـي دعـوة اللـي دعونـا
لدار الجدود اهـل الـدلال المباهيـر=اللـي بطيـب افعالـهـم يذكـرونـا
جينا على عجلـه نسـوق التباشيـر=ياطير غـرّد فـوق عـال الغصونـا
حق(ن) علينا واجب(ن) دون تأخيـر=مانعتـذر لاجـا الـلـزوم وبغـونـا
اللابـه اللـي ماتحسـب المخاسيـر=علـى السلـوم الطيبـه جمعـونـا
أساعـده بالفعـل نشـدي المغاويـر=يـوم الرجـال يعـد وش يفعلـونـا
ون قيل وضّح قلت عتبـان ويصيـرليـا=مالـت الكفـه لهـا يعدلـونـا
قبيلت(ن) بالوصف ضلع(ن) كما النير=أسـاس طيـب وبالكـرم يعرفـونـا
ريف الخوي والجار له كـل تقديـر=والضيف يبشـر بالشحـم مايهونـا
ويوم الرماح وضرب حدب البواتيـر=أفعالـهـم تـعـرف ولايجهلـونـا
حامينهـا بالمرهفـات الشواطـيـر=على ظهور الخيـل حـدي يحدونـا
شجعـان وقفتهـم تهـز الطوابيـر=كم شيـخ قـوم(ن) ذوقـوه الغبونـا
وبيوتهـم يـوم السنيـن المعاسيـر=فيهـا مـلاذ(ن) للدخيـل وحصونـا
فعل(ن) مثبت فـي جميـع التقاريـر=يوم الزمـان الشيـن كايـن وكونـا
وكل القبايـل نعـم حشمـه وتوقيـر=أمجـادهـم تـعـرف ولايحقـرونـا
واليوم في حكـم الوجيـه المسافيـر=الأمن عـم وفـي الوطـن ريحونـا
الله يديـم العـز والنصـر والخيـر=في ظـل منهـم بالسـلاح احتمونـا
آل السعود حما وطنـا عـن الغيـر=حنا جنود(ن) فـي حماهـم حمونـا



(قصيدته في حفل أهالي بقعاء 1431هـ)

سـلام الله عـلى ربـع الوفاء والجـود والطالات=رجـالن في الـلـوازم لا بـدت تـذكر بأسامـيهـا
يـأهـل بـقعـاء لكم ذكر ينومـسـنا عـليه اثـبات=قرومن وارثـيـن الـطيــب فـأولـهـا وتـالـيـهـا
تحشمون الخـوي والجـار وتخصونـهم بالذات=كرامن تكـرم الـضـيـفـان وتــقـدر عــوانـيهـا
ولكم فـي وقتنا الماضي فعـولن ذكـرها ما فات=عـلى صـفحة كـتاب المجـد دونـتـو معـانـيهـا
وأنا لو قلت أنا شاعر وأبا أحكم جملة الأبيات=مـزايـاكم تعجز بيوت شعري ماأقدر أحصيها
يالاد سـعـود معـروفـين لا من كبرت الـقـالات=فـعـايـل طـيـبـكم ياصـعـبها مـنهـو يـجـاريهـا
وظـروف(ن) فـرقـتنا بـادها الله في زمـان مـات=سـبايـب مــن جـعـل ربـي على ذلك يجازيهـا
تـرانا صـف واحد للوطـن فـي سـاعة الشدات=ورهاط العاصمة ماأحدن من الحضار ناسيها
ويـحقلنا الفخـر في مجتمعكم وأبـرك الحـزات=مـواقـفـكـم تـشـرف كـل طـيـب يـفتخـر فـيـها
وعـلى عـودة ولي العهد سالم راعي الوقفات=نـهـني الـشـعـب يـومـنه رجـع لـلـدار غـاليـها
عـسى الله يحفظ الدين ويعز وينصر الـقـوات=على اللي طامعن في المملـكة وده بـراضـيـها
ألا يـا كبرها يا لابـس الـوزره خبـيـر الـقـات=عـمـيـل الـفـرس طـابـخهـا وبايعهـا وشاريـهـا
وطـنا محـتميـنه مايـجـيه مـن العـداء ميلات=تحـت ظل أبـو مـتـعـب قايـد الـدولة وحامـيهـا



(عـهـد عـلـيـنـا شيلة على قناة المرقاب رقم 1122)

يالله تحـفـظ الممـلـكـة و تحـمـاهـا=في ظل أبـو متعـب ملكنـا كحيـلان
عـبـدالله بحكـمـه وعـدلـه كسـاهـا=كـم عايـش بظلـه شعـوبٍ وبـلـدان
ولــي عـهـده بإهتـمـامـه رعـاهــا=واف الخصايل قايد الجيش سلطـان
والنـائـب الثـانـي سنـدهـا ذراهـــا=شعبـه ينـام ونايـف الليـل سهـران
و أميـر نجـد بفيـض حـبـه سقـاهـا=سلمان لاعدو هل الطيـب سلمـان
حكامنـا اللـي عالـي(ن) مستواهـا=للضد ضد وفـي المهمـات شجعـان
عـيـال مــن لــم الشـتـات ولاهـــا=حكمه بشرع الله وبا لسيف شامان
ليـن أصبحـت دولـه تخـوف عـداهـا=ثقل اقتصادي مع سياسي إبرهـان
وسارت علـى نهجـه وهـو مبتداهـا=ومن عقبه عياله لهـا سـور واركـان
والـرب مـن خيـره وفضـلـه عطـاهـا=أمـن ٍ وأمـان وخصهـا دون الأوطــان
يـا شـلـة الإرهــاب والـلـي وراهــا=خنتوا وطنكـم يـا ضعيفيـن الإيمـان
يــا شـلـةٍ بـتـراب بـاعــت دمـاهــا=ضـد الوطـن صـرتـو قنـابـل بـدخـان
أفكاركـم وأفعـا لـكـم فــي عمـاهـا=شروكـم العـدوان برخيـص الأثـمـان
والمملكـة مـن فضـل ربـي كفـاهـا=وأفشل خططكم ياقليلين الإحسان
يـا خـادم البيتيـن حـامـي حمـاهـا=حنـا جنـود للـوطـن طــول الأزمــان
ضــد الـعـداه وضــد منـهـو بـغـاهـا=عـهـدٍ عليـنـا عـقـب أبـانـا وجــدان
بسـلاح بـر وجــو نحـمـى سمـاهـا=بقيـادة آل سعـود ذربـيـن الأيـمـان



( زبـــــــــــون الـــمـــواجـــيـــب )

سلام يا مطلـق عطيـب المضاريـب=مطلـق جـداء راع الفـعـول الجزيـلـه
سلام(ن) أحلى من لبن شمخ النيب=للـي بفعـل الطيـب يسـوى قبيـلـه
مطلق مع أهل العرف يدرك مطاليب=علـى الكـرم والجـود يـا قــو حيـلـه
كسـب جزيـلات المـراجـل بترتـيـب=يشفق على الطـالات راع الجميلـه
فعلت فعل الطيب يا كاسب الطيـب=وقفـت وقفـه يـا لسنـافـي مهيـلـه
ولاهـي غريبـه يـا زبـون المواجـيـب=وقفـة كريمـن مــا يجـيـب الهزيـلـه
تلقى الجزاء عند الولي عالم الغيـب=يـا صـامـل الوقـفـات زبــن الثقيـلـه
وعند الرجال أهل الوفـاء والأساليـب=مـن يفعـل المعـروف يلقـى بديـلـه
تنشـر لـك البيضـاء بعـال المراقيـب=يـا كاسـب الطالـه وهـي تستويلـه
أنا أشهد إنـه كايـد الطيـب وصعيـب=إلا عـلـى مطـلـق ومـنـهـو مثـيـلـه
يومـن بعـض النـاس شكـاك ومريـب=قصـر عـن فعـول المراجـل حصيـلـه
حتى ايش لوهو واحد مـن الأقاريـب=يـا ويـل منـهـو فالقـسـاء يلتجيـلـه
لا تلتجيـبـه يــا حـصـان الاطالـيـب=مـا يـقـدر الجـزلـه عظـامـه هزيـلـه
خله على الخيبه شويـر الخراعيـب=الـعـرف قـاصــر والـرخـامـه دلـيـلـه
إعنز على حـرن ينومسـك بالطيـب=أمثـال مطلـق كاسبـيـن الفضيـلـه
واقبـل تحياتـي وشـكـري وترحـيـب=عـداد مـاهـل المـطـر مــن مخيـلـه



(الـصـاحـب)

مانـي وانـا مــرزوق صـاحـب دنافـيـس=دايــم عـلـى العـلـيـا عـزومــي قـويــه
المـرجـلـه ورثـــن لـبـويـه وتـاسـيــس=مـن عقـب جــدي فــي زمــان العبـيـة
أرافـق أهـل الطيـب حرقـاء المحاميـس=أهــل الـكـرم وأهــل الـوفــاء والحـمـيـة
الـلـي لـيـا جـــات الـلــوازم مقـابـيـس=مـاهــو رفـيــق(ن) مايـفـيـدك بـشـيـه
واتــرك قلـيـل الـعـرف راع المـراطـيـس=الـلـي يــرز النـفـس شـيـن السجـيـة
وسط المجالس دايم(ن)ٍ له حساحيس=ولا فـيـه مــن طـيـب المناعـيـر شـيـه
عند الربايـع عايـش(ن) فـي الدعاويـس=شـايـب وخـايـب جـعــل مـالــه بـقـيـة



(مـجـلـس الـدبـشـي)

في مجلس الدبشي سلالة عتيبه=يامرحـبـا بالـلـي لـفـونـا مسـايـيـر
ربـع(ن) لهـم قـدر ومـعـزه وهيـبـه=آلاد روق مـوقـفــيــن الـطــوابــيــر
أسـاعـدة ضــد الحـريـب وحـريـبـه=تاريخهـم مـعـروف مافـيـه تقصـيـر
وقفـاتـهـم مـاهـيـب والله غـريـبــه=مسطرة في صفحة المجد تسطير
الأسـعـدي يـاعـز مـــن ينتخـيـبـه=يوم جبلة تشهـد فعـول المشاهيـر



(الـجـيـب)

الله على اللي جديد(ن) يقطع الفرجه=الجيـب يازيـن مشيـه كـل الاحـوالـي
ماهـاب لامـن نويـت الطرقـه الحـرجـه=أمشي على كيـف بالـي والله الوالـي
وخـوي جنبـي علـومـه كلـهـا زرجــه=غالي وانا عنده ايضا اغلى من الغالي
ونقضي الوقت مـزح وضحكـة وهرجـه=في روض(ن) اخضر ولاداسوه الازوالي



(الــبــر)

ياماحـلا السجـه مـع الـبـر يـانـاس=وأبعد عن خدوش الرجـال الضعيفـة
اللي مجالسهم تجيب إلك الإفلاس=مامن مكاسـب عندهـم ياحسيفـة
مغيـر قيـل وقــال ونـفـوس نـجـاس=وإلا الفـعـول الله يجـيـرك كسـيـفـة
وأخيـر للرجـال يبعـد بنـاء الـسـاس=يسكن بعالي لـو جبـال(ن) حتيفـة



(ذوي سـيـف بـن دبـشـي)


حنا ذوي سيف بن دبشي ولا زلنـا=إسأل وتلقى من يوضحلـك الصـورة
يـامـا صعيـبـات شلنـاهـا وتحملـنـا=يومـن بعـض العـرب قاصـرةٍ شبـورة
نـجــزع ونـفــزع وماقـفـنـا يجمـلـنـا=وفعولـنـا ياضعـيـف الــراي مخـبـورة
وهرج الرخاء والمجالس عنه ماسلنا=وأهل الردى يالردي شـرواك مثبـورة
والطيـبـه نـحـمـد الله مـالـهـا عـنــا=وتموت بعض البشر بالغيض مقهورة




( الـمــقــنــاص )
يا فهد جهز لنا الجيب السفاري=ياعريب الساس أبو كفن نديه
خابرك في اللازمه رجل انتحاري=وافي المدات وعزومك قويه
يافهد عفنا من الجو الحضاري=مايناسبنا عسا ايامك مديه
الهدهد قرب وشفناله مواري=والولع راعيه عنده معنويه
ريفنا يابو سعد طرد الحباري=فالفياض اللي على خبرك خليه
وخوة رجالن بخوتهم نماري=من هل الطالات و نفوسن زكيه
وارثين الطيب ماهوب إختياري=وهبتن من عند خلاق البريه
ماحلا سج القدم وسط الصحاري=وسط روضن كن طلعه مزهريه
سايلها سايل وصايرتن خباري=وعشبها غطى الحزوم الجرهدية
زين شب النار في الصبح وعصاري=وفوق جمر السمر جذي الشاذليه
أشهد انه طب وعلاج استشاري=من هموم المدن والدنيا الدنيه
ما نغبط اللي ملك بنكن تجاري=أو ملك برجين مثل الفيصليه



( صــاحـبـة الــجــمــس )
الله يستر على العمه وسايقها=اللي على الدائرى صدفه لقيناها
الجمس تستاهله مركب يليقبها=الله يسهل وعين الرب ترعاها
يا ليت منهو على السكه يرافقها=وإلا على وجهت المجمول وداها
أقفت وأنا أقفيت وعيوني تراقبها=والقلب صابه سهومن صعبن دواها
ياليتني واحد من أقرب قرايبها=وإلا ولــد عـم تهـواني وأنـا أهواها
وليا إجتمع شملنا والحظ فاز إبها=ماعاد لي في البشر قاصي مع أدناها







ملاحضة/ سوف أعمل على البحث عن بقية القصائد وإضافتها إن شاء الله.















رد مع اقتباس
غير مقروء 25-Jun-2011, 07:38 PM رقم المشاركة : 2
معلومات العضو
سعد بن مطلق المقاطي
شـــاعــر

الصورة الرمزية سعد بن مطلق المقاطي

إحصائية العضو






التوقيت


سعد بن مطلق المقاطي غير متواجد حالياً

افتراضي

صــــــــــــــــــــــح لســـــــــــــــــــــان الشــــــــــــــــاعر مــــــــرزوق بـــــــــــن ســـــــــــيف




واللي اســــــــــــمع عنه انه رجل محســـــــــــوب وشـــــــــــــــكرك ياعبد الرحمن على هذا النقل















التوقيع
رد مع اقتباس
غير مقروء 25-Jun-2011, 07:53 PM رقم المشاركة : 3
معلومات العضو
محمد الذيابـــي

مشرف منتدى قصائد الاعضاء


الصورة الرمزية محمد الذيابـــي

إحصائية العضو






التوقيت


محمد الذيابـــي غير متواجد حالياً

افتراضي

صح لسان ابن دبشي



ومشكور ياعبدالرحمن على النقل















التوقيع
التوقيع

محمد الذيابـــي
رد مع اقتباس
غير مقروء 27-Jun-2011, 01:38 AM رقم المشاركة : 4
معلومات العضو
عبدالرحمن الأسعدي
عضو
إحصائية العضو





التوقيت


عبدالرحمن الأسعدي غير متواجد حالياً

افتراضي

اقتباس:
المشاركة الأصلية كتبت بواسطة سعد بن مطلق المقاطي مشاهدة المشاركة
صــــــــــــــــــــــح لســـــــــــــــــــــان الشــــــــــــــــاعر مــــــــرزوق بـــــــــــن ســـــــــــيف




واللي اســــــــــــمع عنه انه رجل محســـــــــــوب وشـــــــــــــــكرك ياعبد الرحمن على هذا النقل

أخي الشاعر سعد بن مطلق المقاطي نحن نفتخر بك وبالشاعر مرزوق بن سيف بن دبشي الأسعدي
...أشكرك على مرورك...















رد مع اقتباس
غير مقروء 27-Jun-2011, 01:39 AM رقم المشاركة : 5
معلومات العضو
عبدالرحمن الأسعدي
عضو
إحصائية العضو





التوقيت


عبدالرحمن الأسعدي غير متواجد حالياً

افتراضي

اقتباس:
المشاركة الأصلية كتبت بواسطة محمد الذيابي مشاهدة المشاركة
صح لسان ابن دبشي



ومشكور ياعبدالرحمن على النقل

أشكرك على مرورك أخي العزيز















رد مع اقتباس
غير مقروء 30-Jul-2011, 06:41 AM رقم المشاركة : 6
معلومات العضو
الــوآفــي
عضو اداره

الصورة الرمزية الــوآفــي

إحصائية العضو





التوقيت


الــوآفــي غير متواجد حالياً

افتراضي

نرجو منك اخي الكريم ان تكمل القصائد لكي نضع رابط للموضوع في موضوع شعارء قبيلة عتيبه















التوقيع




اضغط على الصورة لرؤيتها بالحجم الطبيعي



ليا جاء طاري الهيــــــلا يفز القلب فزة شوق







ألبوم صور



مدونه مميزه



رد مع اقتباس
غير مقروء 01-Aug-2011, 08:14 PM رقم المشاركة : 7
معلومات العضو
متعب الند
عضو ماسي
إحصائية العضو






التوقيت


متعب الند غير متواجد حالياً

إرسال رسالة عبر مراسل MSN إلى متعب الند
افتراضي

صح السانه ......................شاااااااعر متمكن ...................



وشكراً على النقل















رد مع اقتباس
غير مقروء 03-Aug-2011, 07:59 PM رقم المشاركة : 8
معلومات العضو
عبدالرحمن الأسعدي
عضو
إحصائية العضو





التوقيت


عبدالرحمن الأسعدي غير متواجد حالياً

افتراضي

اقتباس:
المشاركة الأصلية كتبت بواسطة الــوآفــي مشاهدة المشاركة
نرجو منك اخي الكريم ان تكمل القصائد لكي نضع رابط للموضوع في موضوع شعارء قبيلة عتيبه

تم ارسال طلب للادارة لإضافة بقية القصائد















رد مع اقتباس
غير مقروء 03-Aug-2011, 08:01 PM رقم المشاركة : 9
معلومات العضو
عبدالرحمن الأسعدي
عضو
إحصائية العضو





التوقيت


عبدالرحمن الأسعدي غير متواجد حالياً

افتراضي

اقتباس:
المشاركة الأصلية كتبت بواسطة متعب الند مشاهدة المشاركة
صح السانه ......................شاااااااعر متمكن ...................



وشكراً على النقل


أشكرك
وتقبل تحياتي















رد مع اقتباس
غير مقروء 18-Aug-2011, 05:16 AM رقم المشاركة : 10
معلومات العضو
معلا إبراهيم الأسعدي
شــــاعر نظــم

الصورة الرمزية معلا إبراهيم الأسعدي

افضل قصيده 
إحصائية العضو





التوقيت


معلا إبراهيم الأسعدي غير متواجد حالياً

افتراضي

صح السانك شاعرنا القدير مرزوق
وبيض الله وجهك وعلومك كلها ترفع الراس ياسنايدي

اهدي لك هذه البيتين


يطري عليه راعي الطيب والجود
مرزوق راع الطيب سيف الدباشا
كريم سبلا والكرم ماله حدود
من زود جوده جود حاتم تلاشا

اخوك معلا الاسعدي















التوقيع
اضغط على الصورة لرؤيتها بالحجم الطبيعي
رد مع اقتباس
إضافة رد

العلامات المرجعية


يتصفح الموضوع حالياً : 1 (0 عضو و 1 ضيف)
 
أدوات الموضوع
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا يمكنك اضافة مرفقات
لا يمكنك تعديل مشاركاتك

BB code is متاحة
كود [IMG] متاحة
كود HTML معطلة



الساعة الآن »09:14 PM.


 Arabization iraq chooses life
Powered by vBulletin® Version 3.8.2
.Copyright ©2000 - 2024, Jelsoft Enterprises Ltd
اتصل بنا تسجيل خروج   تصميم: حمد المقاطي