محاورة بين الشاعر حبيب العازمي والشاعر عبدالله عتقان السلمي
--------------------------------------------------------------------------------
جرت هذه المحاورة يو الثلاثاء الموافق 23/6/1425هـ بقصر الروابي بجدة
سلامي سلام مسيـرٍ يطـرق البـاب=على سايـر العربـان ماهـو بغـادي
أنـا ياكبـار سليـم للحـق طــلاب=أنادي ولا ادري من يجيـب المنـادي
هلا مرحبا ياضيـف مليـون ترحـاب=على سنـة الأسـلام والجـو هـادي
تنادي يأبو فيصل بدون أيـة أسبـاب=تراهـا مواقـف بالسيـوف الحـدادي
نعـد الليالـي مالهـا عـد وحسـاب=وبين البحـر والضلـع تسعيـن وادي
تشوف النجوم وتحسب إن القمر غاب=وأنا أعرف هبوبك حـر وألا بـرادي
ليا سلمت اللحيـه وسلمـن الأشنـاب=لا تسمع لنشـره عابـره فالـروادي
يجوز إن به ناسٍ يثيـرون الأرهـاب=يبون النصر يقضي علـى الإتحـادي
يازين المروه لو على قطـع الأرقـاب=وراع المطيـه محتفـظ بالـشـدادي
أنا مارتفع ضغطي على حرق الأعصاب=أعرف المنافـق والكـذوب الربـادي
وأنا مأعتبرت الرجل مخطي ولا صاب=ياليـت أعتقـادك يتفـق بعتـقـادي
تعجلـت يالروقـي بتاريـخ الأنسـاب=وأنا حاسب إنـك بالحيـاة أقتصـادي
مزال القلوب إنظاف والنـور جـذاب=أبمزح معك واللي حصل شـي عـادي
يقولون قلع الضرس يثر على النـاب=وأنا أقول قلع الضرس مفروض بـادي
أنا معك فالوقفـه بسيـفٍ ومشعـاب=ولا أمزح معك لو كنت غايـة مـرادي
قلعنا الضروس وهونت كـل الأحـزاب=وهالحيـن مافيهـا عنـاد وجهـادي
على طاري المشعاب والرمح وذيـاب=مشاعيبكـم كثـرت سـواة الجـرادي
إذا ماهداك الله تـرى فيـك مضـراب=وهات الفتيلـه عنـد خشـم الزنـادي
مشاعيبنا فالروس سوت لها أعجـاب=وخلتك تهرب مـن عشيـرة وغـادي
وياكم من هرجة عطـت كـل مجنـاب=ولا دنسـت قـوم الثيـاب الجـدادي
وسلامتكم