للعتبان نصيب الاسد في مسابقة السامر 00000

[نايف الحميدي]

السلام عليكم ورحمة الله وبركاته



اخواني اعضاء الهيلا


اعلنت مساء البارحه نتائج مسابقة خمسين عام التي اقامها سمو الامير عبدالعزيز بن سعود


وكان نصيب الاسد فيها لربعي وعزوتي عتيبه
حيث فازوا 6 عتبان
وقدحصل على المركز الاول الشاعر محمد بن خلف الرويس.
والربع شفق السريع العتيبي

والحقيقه باسمي وبسم كل اعضاء هاذا الصرح الشامخ نبارك لشعراء الهيلا الفائزين .


ونقول للي لم يفز هارد لكم فاالمسابقات القادمه.



ومن هاذا المنبر اطلب من الاخوان الشعراء في هاذا المنتدى الذين قدشاركوا فالمسابقه تنزيل قصائدهم في هاذا الموضوع.

وهاذي هي مشاركتي

عز الرياض وعز وادي حنيفه=وعز الاماره والامور العظايم
عدل الحكم سلمان بالعز ريفه= خمسين عامٍ كل ابوها غنايم
تبصر بعدله عين حيٍ كفيفه= المجد له والطيب والعز دايم
زعيم نجد الي حمى الدارسيفه=والفعل يعرف عند نطل العمايم
ياقف سوات طويق محدٍ يخيفه=لاجاء نهارٍ فيه عج وسمايم
واليا وقف سلمان نصره حليفه=دايم معادينه تذوق الهزايم
بيرق سموه مايوقف رفيفه=هبت عليه من الهبايب نسايم
سلمان سعد الي حياته كسيفه= طب الكبود الصابرات السقايم
حلال عسرات الامور الكليفه= عنده على العسرات صبر وعزايم
ابو اليتاما مايسكٌر مضيفه= في ظل بشته روح زاهد وشايم
رمز العداله والنوايا نظيفه= يوم اكثر العربان للحق ضايم
من طيب راسه نجد صارت مريفه=وانا اشهد ان الجو فيها ملايم
واكبردليل اعروقها والحتيفه= صارت بساتينٍ بها الطير حايم
نقله حضاريه وخطه شريفه= ماتنشرى في سوق بايع وسايم
قمة تطوٌر سجٌلتها الصحيفه=على خطط سلمان والعز قايم

وسلامتكم
------------------------------------------------
وهذي مشاركتنا المتواضعه

عزالرياض وعز وادي حنيفه = وعز الاماره والامور العظايم
عدل الحكم سلمان بالعز ريفه =خمسين عام وكلبوها عنايم
تبصر بعدله عين حي كفيفه = والمجد له والطيب والعز دايم
العز دايم والمبادي شريفه = ريف الضعيف اللي له الحمل ضايم
هداج تيما مانقص من غريفه = قسمه من الطالات خير القسايم
مثل الخيال اللي تزايد قنيفه =للطيب في وجهه تبين علايم
حلحيل حلال الامور الكليفه = له هيبة ٍ يثبت لها كل قايم
بالعقل والحكمه قليل ٍ وصيفه = ارس العدل واوقف جميع الظلايم
ارخا على روس المعادين سيفه = وزاح الظلام وماحصل من جرايم
مثل الاسد لهل النوايا السخيفه= اللي سعوا للتفرقه بالنمايم
سلطان نجد وقمة المجد كيفه = حقق جميع اللي رسم بالعزايم
سجل له التاريخ صفحه نظيفه = صفحة بطوله ماتعرف الهزايم
خلا صحاري نجد خضراً مريفه = وظل ٍ يظلل من شموس وسمايم
عان الرياض امست عروس ٍ عفيفه = عروس نجد وغيرها ما يلايم
فيها تساوى مع ربيعه خريفه = قمة جمال وذعذعي يانسايم

مرزوق العتيبي

غالين والطلب رخيص وهذي مشاركتي المتواضعه

عز الرياض وعز وادي حنيفه=وعز الاماره والامور العظايم
عدل الحكم سلمان بالعز ريفه=خمسين عام كل ابوها غنايم
تبصر بعدله عين حيٍ كفيفه=المجد اله والطيب والعز دايم
قدام حكمه والشريفه كسيفه=واليوم في جنة قوي العزايم
قطع ضماها واستلمها رغيفه=ثم انتشلها من جحور الظلايم
عدابها فوق الجبال المنيفه=حامت بعز وفوقها العز حايم
هذا الشريف اللي عشقله شريفه=لبو فهد تلبس جديد اللثايم
تامن تحت حكمه وتخضع لكيفه=جعله يدوم ودايم الحظ قايم
ياقوم ياباريس واخضر جنيفه=المجد والروعه رياض النعايم
سخر لها غالي ربيعه وصيفه=ويخاف تجرحها لهيب السمايم
وعينه وراها فالليال المخيفه=لانامت عيون الخدوش الهلايم
شجيع واليمنى سوات القذيفه=من ناشته يمناه ذب الخرايم
لبو فهد شامت عزيزه عفيفه=من شانها ماله ووقته خدايم
وابوه قبله محتميها بسيفه= اعداه قدمه يشترون الهزايم

مقعد الدغيلبي


صح لسان الشعراء وحظ اوفر
والجايات اكثر
وهذه مشاركتي المتواضعه

عز الرياض وعز وادي حنيفه=وعز الاماره والامور العظايم
عدل الحكم سلمان بالعز ريفه= خمسين عامٍ كلبوها غنايم
تبصر بعدله عين حيٍ كفيفه= المجد له والطيب والعز دايم
تنعم بجوده كل اسره ضعيفه= ذرى اليتاما عن هبوب السمايم
حبه تغلغل فالقلوب النظيفه= ومال القلوب بحب سلمان لايم
امير نجد اللي جهوده كثيفه = تنقاد في مدحه جداد الوسايم
يابين فعله فالليالي المخيفه= لا طاح ستر مرودعات الوشايم
حاز المراجل والمراجل كليفه= ماهيب سلعه بين بايع وسايم
وسلك طريق اهل النفوس العفيفه= وعن كل شيٍ يغضب الله شايم
ابو فهد في نجد شرع مضيفه= بحر المكارم فيه سلمان عايم
امير. لا والله نعده خليفه= خليفة معزي عدو الظلايم
مودع نفوس اعداه تنكف معيفه= وملبس عدوه ثوب عار وهزايم
خلا وحوش الارض تصبح اليفه= بالصبر والحكمه وقو العزايم
الحكم حكم الله والسيف سيفه = وحنا جنوده يوم نطل العمايم
شح الكلام ولا بقا مانضيفه = الا الشكر للي على نجد قايم

عبد العزيز بن جودان الرويس

عز الرياض وعز وادي حنيفـه=عز الاماره والامـور العظايـم
عدل الحكم سلمان بالعـز ريفـه=مسيـن عـامٍ كلبوهـا غنايـم
بصر بعدله عيـن حـيٍ كفيفـه=لمجد له والطيـب والعـز دايـم

مجــدٍ ينــــادابـه ومجـــدٍ يضيـفه=في هالسنين وفالسنين القدايم
سلمـــان ضلــع من الجـبال المنيفه=عــيال اخـــو نـــوره قوي العزايم
المجـــد يــوم أنـــّه دروبه كليـفه=لبســوه صـــنعة لبســـهم للعمايم
وسلــمــان حصــنٍ فالليال المخيفه=من يزبنه يبـــشر له بحـــظ قايم
جـــوده مثـل جود البحور المطيفه=اللي على غباتها الطيــر حــــايم
وعـــزه مثــل خالد ورمحه وسيفه=اللي فعــل بالمشركـــين الهـــزايم
وطيــبه مثــل عثـمان ذاك الخليفه=كـم واحـــداً فظـــلال سلمان نايم
وتقــواه تقــوى عَـمـَرَ وأبـو حُذيفه=تـــلقاه دايم يــوم الاثنـــين صـايم
بالدين وسلــوم الرجــال الشــريفه=رقــى رقـــى في عاليــات العدايم
أميــر نـجــد ونجـد عشـقه وكيفه=رجــلٍ مــــلايم فالمكـــان المـلايم
نجـــد بهــواه ..تهيم مثل العفيفه=سلمان برضه.. في هوى نجد هايم
إلحـــافها وقت البـــرود العنــيفه=إظـــلالها من دون لفـــح السمايم
معــه الرياض أمست ذلولاً عسيفه=قتـــادها واســـمه عليـــها وسايم
خمسيـــن عــامٍ سجّلت فالصحيفه=طـــور وخيـــر وشمـــوخ ونعــايم
وسلمان من سد الضلـوع النحيــفـه=غـالي ولالي في غــلا الشيــخ لايم

عيضه الثبيتي
---------------------------------

عز الرياض وعز وادي حنيفه=وعز الاماره والامور العظايم
عدل الحكم سلمان بالعز ريفه=خمسين عام كل ابوها غنايم
تبصر بعدله عين حي كفيفه=المجد له والطيب والعز دايم
اللي فعوله كالجبال المنيفه=والاكما غر المزون الردايم
هدا زعيم الجود والا حليفه=والجودمن سلمان راع العزايم
يانجد صرتي للثريارديفـه=شيخك شمخ بك فوق والحظ قايم
خمسين عام يالعذيه مريفه=يداعب ازهارك هفيف النسايم
يضفي عليك ردونه اللي ضفيفه= عشتي بظله عن هبوب السمايم
صعبات الاريا عندراسه عسيفه=مطوع القاسي قوي الشكايم
ياشيخنااللي يقطع الحق سيفه=عساه يبطي مايجيبه ثلايم
ويارب شمسه جعل ماهي كسيفه=تبطي لنا مادونهاالجو غايم
ويسلملناراع الخصال الشريفه= وعسى السعد طيره على العز حايم
ياخوفهد يابوفهد ريف ضيفه=ياعزمن يشكي عليك الظلايم
محبتك تملا القلوب النظيفه= ولاهي جديده ورثنامن قدايم
لوالله اللي تو ماطاب كييفه=الشاعر اللي فيك غنا على آيم

للشاعر سالم الثبيتي.

التوقيع

[ماله امان]

هذه مشاركتي وليس كامله لحيث لم احفظ الا(8)ابياتفقط

عز الرياض وعز وادي حنيفه=وعز الاماره والامور العظايم
عدل الحكم سلمان بالعز ريفه= خمسين عامٍ كل ابوها غنايم
تبصر بعدله عين حيٍ كفيفه= المجد له والطيب والعز دايم
=============== =================
امير نجد مزين الحق سيــفه= يأ سعد منهو نصرته فالظلايــم
يفتل وينقض والفعايل كليــفه= ضد الفساد وضد كل الجرايــــم
مأ احد ٍشكاله ظلم والا مخيفه= وسلمان منصأ طايلات العلايم
كل الصعيبه في يمينه عسيــفه= تلقالها فالمجد عنده وسايـــــم
إلها سمات ٍ في جنابه نظيـــــفه= يسعد بها للخير وقت الثلايـــم
رائيه نزيه ونيته بالشريـــــــــفه= ستر العذاراء لابسات اللثايـم
هو حامي الخيفات وقت المخيـفه= لأضاعت الهقوات والجوغايم
حر ومغنه من جبال ٍ منيـــــــــــفه= ماكر حرار ومن رجال ٍصرايم

[مرزوق حمدان العتيبي]

...
.
نبارك لمن حالفه الحظ ... ونقول هارد لك للذين لم يحالفهم
... كفو والله يامحمد الرويس ....
ونبارك للاخ والزميل الشاعر شفق بن عبد الرجمن العتيبي
على الفوز بالمركز الرابع ... ولبقية عيال عمنا ....
...
صح لسانك يانايف وقصيدتك جزله ... وتستحق الفوز
ولكن مالله كتب لك نصيب فالقرعه ....
وصح لسان العضو ماله امان ....
..
في الحقيقه انا شاركت وبأّذن الله راح انزل قصيدتي
.....

التوقيع

فدوة ٍ للمصطفى روحي وماتملك يميني = كيف (لا) واللي خلقني حط حبه في كياني حط حبه في كياني ماتغيّره السنيني = وانثني من دون عرضه بالذراع وباللساني @Marzouq_MHD

[السميــــــري]

..

نبااارك للأخ محمد الرووويس ..
لحصووله على المركز الاوول .. الف الف مبروووك ..
..

والاخ شفق ..

..

قصيدة جزلة يانايف ...
وتستاااهل الفووووز بهااا ..
والله يوفق الجميع ..

التوقيع

ربيت في حضن الزمانُ وتربيتْ = وأخذت لي من مرّ الأيام قرطوع ومن دون حدي ماغلطت وتعديتْ = ولا آطى الخطاء لو كان للناس مشروع وأمشي على نهج الرجال النعاتيتْ = واتعب لها لو هي كما حبةَ الكوع ولا أحب كلمة ( ليــت ) لأنها ( ليــتْ ) = ماتدرك المقصود لا صار ممنوع

[مقعد الدغيلبي]

نايف الحميدي

صح والله لساااانك

ابدعت وقصيده جزله

وقمه
لله درك

يابن العم
وخيرها في غيرها انشالله

تقبل مروري المتواضع

التوقيع

[مقعد الدغيلبي]

مرزوق العتيبي
صح لسانك ملايين

وانت تعتبر مدرسه شعريه
يابو محمد
وقصيده قمه من شاعر متمكن

كتبت وابدعت يابو محمد

تقبل خالص الود والورد

[مقعد الدغيلبي]

ماله امان

صح لسانك ملايين
يالذيب
ابدعت

وياليتك

حفضت الباقي
ودي سمعت باقي الجزله
تقبل مروري المتواضع ولك خالص الشكر

[نواف العصيمي]

نبارك للأخ محمد وألف مبروك ..

وتحيه طيبه لجميع المشاركين .. وصح لسانهم جميعاً

وقصيده يا نايف رائعه وكذلك الاخ مرزوق والاخ ماله أمان ومقعد الدغيلبي ..

وأتمنى لكم التوفيق دوماً

ولكم التقدير والإحترام

التوقيع

[المهنّــــد]

بارك فيكم وفي جهودكم الحقيقه انكم مبدعين ولو على كيفي عطيتكم كلكم الجائزه الاولى.

[عيضه الثبيتي]

صحت السنتكم جميعاً وبيّض الله وجيهكم وفالكم التوفيق إن شاء الله

...... والقصيده اضيفة لبقية
القصائد في الاعلى ....

التوقيع

البارحه كان اللقاء مابينا كله حلو=احلا من السكر وكلّك يابعد عمري حلا!! من يوم ماقلتي ياروحي يابعد عمري:(الو)=وأنا بخير وعافيه قدام لا اقلّك :(هلا) للتواصـــ عيضه الثبيتي ــــل ezah_6@hotmail.com (ديواني) http://www.otaibah.net/m/showthread....131#post925131