ابن رشيد وخمسه من الفلته - الهيـــــــــــــلا *** منتدى قبيلة عتيبة

ابن جدعــان · 13-Apr-2003, 07:30 AM

[poet font="Simplified Arabic,5,white,normal,normal" bkcolor="transparent" bkimage="" border="none,4,gray" type=2 line=200% align=center use=ex length=0 char="" num="0,black" filter=""]
أتى محمد العبدالله ابن رشيد بخيله ورجاله وقواته إلى نجد
وبالتحديد غرب البجادية وبالقرب من جبل النير المعروف
وضع رحله، و أرسل [السباره] للاستطلاع وأخباره عن
موقع الإبل، فتسلق أحدهم جبل النضادية فأذا بالإبل،
وكانت للفلته من النفعه . ورجع [السباره] مبشرين ،
فأمر ابن رشيد بصب الغارة عليها، [وصاح الصايح]،
وكان الطراد من جبل أبو نخلة إلى وادي بحار
واستطاع خمسة رجال من الفلته أن يردو الحلال
من ابن رشيد وقومه.

قال الشاعر: راشد بن فليان الفليت

يالله يالمطلوب ياقايد الرجا= ياقايد[ن] حبل الرجا الممدود
البارحه ليلي طويل[ن]عليه=ما امرحت يوم أن العباد ارقود
هيض عليه منزلي قاعة الحجا=المال روح والوهد مرجود
غاروا علينا القوم واخذوا حلالنا=وزادوا على نار الوقود وقود
خمسة ترنا ما نسيت احسابنا=وهمه كما نفر الدبا والدود
جونا كما نو[ن] تقوده مخيله=يبرق وفي تالي سناه ارعود
والضلع جونا من وراه ودونه=وردو علينا الناير الشرود
أنا ذبحت أثنين وسط الحله=عليهم الله والخيار اشهود
غير الصويب الي تحمل صوابه=وايضا فعول[ن]ما لها عادود
وسفر يقول انه ذبح له واحد=اموكدينه ربعنا بوكود
وعجار قالو لي ذبح له سبعه= بالبندق الي ضربها يْـزود
ياسعد والله من نشد عن فعلنا=اما العدو نكويه كي وزود

والقصيده اطول من ذلك...،،،

[/poet]

ابن مشيب · 14-Apr-2003, 02:21 PM

مشكور ياخوي ابن جدعــان , على هذة القصة الرائعة.

تحياتي.

ابن جدعــان · 15-Apr-2003, 12:02 AM

العفو على كل حال ياخوي ابو مشيب

ولا ابرك من الي يعجبك

geath · 25-Apr-2003, 05:48 PM

مشكور على الجهد

ابن جدعــان · 25-Apr-2003, 11:48 PM

geath

اشكر مرورك

فكّاك النشب · 27-Apr-2003, 02:07 PM

لافض فوك يبن جدعان

ياليت آلاد فليت في جال واديك ......... عز الرفيق مزبنة كل مضهود.!!

شكرا يبن جدعان على نقل القصه والقصيده , والقصيده أطول من هذي للعلم فقط.

أقبل تحياتي وتقديري