مكالمة جوال

[ابو براك الرياض]

أعجبتني هذه القصيدة , فأحببت ان انقلها لكم , انشالله تنال اعجابكم




كلّ البـشـر في الاتـصـالات يـخـطـون
يخطون واخطي.. عذرنا هاتف فـلان؟؟

ومن عـادتـي ماهـتـمّ بالـلـي يقـولـون
من غلط فـي رقمـي .لقـى الـردّ غلطـان

الـيـن جااء في يوم ..دق ّ التلـفـون
شفـت الـرقـم.. لقيـتـه اشـكـال والوان

فتـحـت جـوّالـي ابـعرف من يـكون
سـمـعـت صوتٍ فـيه بـحّه وفـتّان

قالت لي: انت سعود؟ قلت: ايه بالعون.
لعيونك.. اسمي سعود لـو كـان ضيـدان

قالت :اتظنّي مخطئـه. قلـت :وشلـون؟؟
قلـبـي تـوقّـف مـانـبـض فـيه شـريان

بـالـهـون يـابـنـت الاجـاويد بـالـهون
من عادة الانـسـان يـرتاح لانـسان

تسـمّـعـي يـابـنت وابـلـيس مـلـعون
اخـذي كلام ٍ مـصـدره صدق وجدان

مانـي بقايـل لـك: انا انـسـان مـزيـون
اطـرق ولالـه شبـه فـي الانـس والجـان

انا محـمّـد.. وافي الـهرج موزون
اوزن كـلامـي.. قـبل اقـوله بـمـيـزان

وانا الّذي لاحبّ ..لايـمـكـن يـخون
مخلـص مدامـه حـيّ .ويـمـوت مـاخـان

وانا اذا حـبّـيت.. حـبّـيت بـجـنون
حـبّي يـفـجـر داخـلي الف بركان

وانا الّذي مـاطـرد ورى من يقـفّـون
مـن صـدّ عنّـي عمـد.. بجـزيـه حـقـران

هـذي وصوفـي .واكثرالـنّـاس يـشـرون
وانـتـي علـيـك الـيـوم تقـديـر الاثـمان

قـالـت :اشـوفـك قـمـت يامحـمـد تـمـون
تـضـحـك وضحكـتـهـا تقـاسـيـم فنّان

قلـت :الميانـه.. ماهـي بضحكـة سنـون
احـيان ماتلقـيـنـهـاا بين الاخـوان

تـرى الميانـه شـيّ واضح ومضـمـون
اذا اجتمع شخصيـن.. فـي قلـب ولسـان

قـالـت :كـلامـك وافي ٍ يـابـن خـلدون
احيـان احـسّ ان جلستـك بـيـن شيـبـان

يامحمـد .اسمـع كلمـة البـنـت ميـسـون
اسلوبك ووقتـك.. مضـت دونهـا ازمـان

هذا زمن قـدواته افلام كرتون
وهذا زمان ارجـالـه اجـسـاد وابدان

قالـت.. وغنّـت لـي علـى وقتـي لـحـون
قلت: اسكتـي مـن بعـد ماخاطـري شـان

انا ادري ان الوقت.. مـن دون فـي دون
لـكـن فـمـان الله وانس ِ الـلذي كان

قلتـه وانـا صامـل.. وهـي عندهـا آذون
لـكـنّها ماصدّقت سمع الاذاان

ضـاقـت ...وخـلـق الله دايم يضيـقـون
وانا قـفـلـت الخـطّ..ضـايـق وزعلان

ونسيت.. والاجواد فـي الوقـت ينسـون
ماسمّي الانسان الاّ بـنسيان

المشـكـلـه..بـنـات حوّا مـايـسـلون
دقّت عـلـي وانا لـهـا شـبـه شـفـقـان

قبـل آآتكلّـم.. قـالـت: اسـمـع ولاتـهـون
اسمي مهو ميسون.. حان الصدق حان

الاسـم عمـشـاء وآخر الـجـدّ مصـيـون
مـهره ولا طـوّعت بـلـجـام وعنان

قلـت: ارحبـي مليـون تـضـرب بملـيـون
اقـولـهـا مـلـيـون من قـلب ولـسان

قلت: ارحبي في العين ..ولحافك جفـون
وظلالـك مـن الشمـس باهـداب الاعيـان

يـاعـين حـر ٍ بالمـطـالـيـع مـفـتون
حر ٍ شراه مـولّع الـصـيـد طـربان

[فهد النفيعي]

لاهنت على القصيده الرائعه والتي تحكي واقعنا مع الجوال