*تحـليـل محاورة (حبيب وتركي) اللي في كشب بيت بيت (وشوفو اللغم اللي كله تركي )

[نـايف العصيمي]

القرم لاهنت وتحليلك في محله مضبوط 100على 100
ماهي غريبة على ابوفيصل الله يطول بعمرة بارع بالمحاورة والنظم....
تقبل مروري ..

[بندر المرشدي]

المشاركة الأصلية كتبت بواسطة الـــقـــرم

مــسّــاكـم الله بـالخيــر ..

الـتحليـل مـن الأخ ../ شـقـصـان

وهو يـحـاج الـمطـران فـي منتداهـم وعرفو اللغم وسكّتـو كلهم وعرفو الحقيقـه

بسم الله نبدا ..

وهذي بعض البيوت وليس كلّهـــا
............................

يقول ابو فيصل بعد الموال :

الا يا ليل وين الشاعر اللي ضيع المليون = ومهما ضيع المليون فالألفين مضمونه

وهنا مطب مشّـاه على شاعر الوطن :

حبيب خاطب الفين بالمؤنث ( مضمونة )ومشاها علاه. بمعنى انه لو ضاع المليون فان الالفين عادت لنا !


البيت الثاني لحبيب كان لتلطيف الجو وتهدية الجمهور يقول :

( انا ما قلت لكم ما ثقّل علاه )


رد تركي 2000 بالموال الخاطئ والخارج عن نسق المحاورة ثم البيت :

الا يالعازمي لا صرت محتاج وعلاك ديون = ليا قدمت معروضك سواتك نقضي ديونه

وهو رد على ظاهر البيت الاول لحبيب دون فهم المعنى والمطب السابق فقد ظن ان حبيب يعاتبه انه ما جاب المليون ورد انه بخير وعند فلوس ههههههه
والبيت الثاني تكرار لمفهوم الاول مع اللمز بالعتيبي انه ما حصل شي من شاعر المليون


فجاء موال ابو فيصل الثاني منتقداً لموقف تركي الذي بدا مهزوزاً ومرتبكاً امامه ثم البيت الذي يحمل القنبلة حيث قال :

انا معطيني الله و العرب من بعضهم يُعطون = وانا ماني بتكسي عند خلق الله يكدونه

الشطر الاول رد على كلام تركي يوم يبا يتبرع لحبيب

اما الشطر الثاني فقد شبه تركي التكسي حيث كدّه الشيخ محمد بن زاايد ثلاثة شهور و طلع من ظهره ميتين و ثمانين مليون اعطاه منها نص مليون ( حق الزيت و البنزين)ههههه

ثم عاد ابو فيصل ليرد على اللمز الذي اورده تركي فالبيت السابق :

اقول ان اصدقانا يوم راحو كلهم يكفون = احد جانا معه مشلح واحد جانا بكرتونه

تظهر السخرية في الشطر الاول و التوضيح في الشطر الثاني فيبين ان يوسف العتيبي عاد من شاعر المليون لابس المشلح ليقابل الملك عبدالله حفظه الله الذي استدعاه شخصياً ومن بعده ولي العهد وهذا المكسب الحقيقي ليوسف من البرنامج.

بعد ان تم التآمر لاسقاطه في المنافسة. ثم يقول : واحد جانا بكرتونه وهو تركي اللي جا معود مثل ما راح ما فاد شي..


وكـان فيه تـكمالـه ابشرو بجيبهـا لكم ..

بس اللي جـعلنـي انقل التحليل هـو بيت حبيب يوم يقول

( ومهما ضيع المليون فالألفين مضمونـه )

انا اشهـــد انك شاعر يبو فـيصـــل ههههههههههههههههههه


مودتـــي ..,

انت قرم على اسمك لكن ياطويل العمر شوقتنا بالعنوان تحليل بيت بيت ولا حللت الا 50% ودي انك حللت تحليل كامل خصوصا انك تبدو ماشاء عليك تقرأ ماخلف الكلمة لكن هناك ابعاد لبعض ابيات الشاعر ابو فيصل لم تتطرق لها هذا شئ والشئ الثاني إذا كنت ناقد يجب ان تنقد بموضوعية فلو الشاعر تركي 2000 مشت عليه مقالب حبيب كما تقول وهذا صحيح وانا اوافقك الرأي في هذه النقطة لأن حبيب شاعر ليس من اسهل على حتى الشعراء العمالقة فهم كثير من معانية إلا ان هذا يأخي القرم لا يجعلك تسخر من تركي 2000 احتراما لمشاعر جمهوره.وهم في النهاية اخوان لنا.

انا ضد هذا الشئ يجب ان نرتقي بمفاهيمنا الى ابعد من ذلك. قد يقول قائل البادي اظلم فاقول له عاقبوا بمثل ما عوقبتوا به ولكن في حدود والسفهاء لايرد عليهم.

تقبل تحياتي.......

آخر تعديل بندر المرشدي يوم 07-Aug-2007 في 11:57 PM.

[ولد عساف الجذع]

بيض الله وجهك ولا هنت
لكن من ناحيتي صبت في بعض المعاني واخطيت في البعض
ويعطيك العافيه ولاهنت

[أبو عمر الصعيبي]

هذا التحليل
حبيب/

الاياللي وين الشاعر الي ضيع المليون=ومهما ضيع المليون اكيد الفين مضمونه

يقصد حبيب والمعنى واضح انه يعاتب تركي وهو نوع من السخرية..الشطر الثاني يقصد حبيب انه انت ياتركي ضيعت المليون وستبقى كما انت الالفين..ومن يقول ان تركي اكل مطب من حبيب بان مضمونه سخرية لتركي بتأنيثه؟؟فهذا بعيد كل البعد لانه لو قلنا يقصد تأنيث تركي لخرب التدرج الشعري!!

وانا ماقول تركي يوم سافر ماحصله لون=ولكن العلم مابغى هل الدوحه يشيلونه

فهنا يزيد حبيب ويقول انه لم يكسب ولاشي بل انه كسب بعض الشي(نص مليون)الشطر الثاني حبيب لايمدح تركي عبث لكن لايريد بن فطيس يشيل البيرق بحكم انه صديقه ورفيق دربه

تركي/

ولايالعازمي لاصرت محتاج وعلاك ديون=ليا قدمت معروضك سواتك نخلص ديونه

فهنا تركي يستهجن الامر فيستغرب من حبيب سؤاله اول شي عن المليون؟؟فقصد مازحاُ اذا كنت تريد شي فابشر

أخذنا اللي كتبه الله وبعض الناس جا مغبون=يسمونه ياقوم وانا مدري وش يسمونه

فينقض تركي نقض ممتاز من الدرجه الاولى والمقصود هو يوسف العصيمي صاحب المركز الاخير فيقول انا افضل من غيري..

انا معطني الله والعرب من بعضهم يعطون=وانا ماني بتكسي عندخلق الله يكدونه

ويقصد حبيب اني ولله الحمد مرزقني الله ولاريد منك شي..الشطر الثاني يقول حبيب اني ماني بشاعر ارضخ لمطالب الجمهور.

نقول اصداقانا يوم راحوا كلهم يكفون=واحد جانا معه مشلح واحد جانا بكرتونه

يقول حبيب انا الي راحو فيهم الخير والبركه..الشطر الثاني يقول واحد جانا معه مشلح يقصد يوسف العتيبي لانه اخذ الجنسيه ..واحد جانا بكرتونه انت ياتركي ذهبت واتيت كما نت لم تتغير-->على حسب رايه؟؟؟

تركي/

حبيب ياحبيب لاتنوشك جمرة الغليون=ترى صاحبك لامنه مشى يمشي على هونه

يقصد تركي دع الاوضاع مستورة قدام لانخربها..الشطر الثاني يقول تركي اي اننا في بداية المحاورة فلاتفسدها..

لو اقوللك في فلوس جيت مصفر الطبلون=والظاهر الموتر اللي معك ماتقضب دركسونه

المعنى انه انت ياحبيب طماع وتحب الفلوس <--لاني حسب ماسمعت ان حبيب اول مادخل الماده فالمحاورة..

حبيب/

......................... ......................

ماجي للمجلس اللي يجمع الصاحي مع المجنون=ولكن الصراحة نه في مزيونه

اي اني مادخلت مسرح شاعر المليون...الشطر الثاني مازحاً يقولانه فيه روضة بنت حافظ وهو يتحسف سخرية

تركي/

ولايالعازمي لاتمشي بدريك بدون عيون=ترى الرجال مايمشي يدربه غير بعيونه

اي ياحبيب لايزوغ نظرك يمين ويسار..هذا تفسير البيت..مع اني سمعت تركي يقول(علي الحرام ماهوب هو)فماادري انكان تفسيري للبيت هذا صحيح

تباهم يقبلونك لاكن سنك جاوز القانون=ونفسك تحت حكم الوقت والايام مرهونه

اي يقول تركي انك فالحقيقه متحسف على المليون..ولكن هذا حظك ونصيبك.

ثم الختام من حبيب ولاتحتاج لتفسير

هذا وصلى الله وسلم على نبينا محمد

وياخوان لاتكبرون الموضوع اكبر من حجمه ترى الدعوه محاورة ولاتحتاج هذه الضجه الكبيرة

للعلم اخذت التفسير من بعض الشعارالذين يقولون الحق حتى ولو على انفسهم...وسلامتكم

أبوعمر الصعيبي المطيري

[فهـد الجـذع]

لاهنــت يالقـــرم وبيــض الله وجهـــك


أخوك فهـد الجذع

[نفيع العتيبي]

(نرجوا اختيار الالفاظ الغير جارحه
0000000000000000000000000
عدل الرد عمر الروقي)


مشكووووووووور يلقرم وبيض الله وجهك

[الـــقـــرم]

نادر1414 ..

المحاوره كامله نزلوهـا الأخــوان بالمنتـدى ..

:

ذيـب الشمري ..

لاشكر على واجب

:

مـشاري الحبردي ..

ومـن يقول ما يهون يالسنافـي ،،،، أمّـا المطران حايسين ام الدنيا في منتداهم

ولاهنت على مرورك العطـــر

:

الصعيبي ..

عطنـــا تحليلــك يـالناقــــــــــــــــــــــــــد

:

خالد الروقي ..

ووجهك ابيض يالغالي ولاهنت على مرورك

:

محمـــد الـزايـدي ..

ووجهك ابيض بعد والأروع مرورك يـالذيـب

:

ابو بجـاد ..

شرفـت الـموضـوع ونــوّرتـه يالسنافـي ولاهنت على مرورك العطر

والله يبيض وجهك ..

:

راعي البلها ..

ووجهك ابيض وعلى ما قلت تروووك مهوب متعود على المقالب لعبه سطحي ومكشوووف

:

فــلاح الـهـاجــري ..

لاهنت على مرورك العطر وعز الله صدقــت ، تركي ضيع مواله كم مره في موال له نسا منه شطر وما قاله ولو بتراجع المحاوره مرّه ثانيه بتدري

:

[الـــقـــرم]

نــايــف الــعـصيمــي ..

ومن يقووول ما يهووون يالسنافي ولاهنت على طلتك الكريمه يالذيب

:

الـتـحدي ..

والله انا يالطيّــب مـا غلطت ولا تمسخرت على تركي ،، لكن المحاوره تقووول كذا

وإذا منت مقتنع بكلامـي ، عايـن فالمحاوره مره ثانيه وش كم مرّه ضيّع تركي مواله وصاح عليه الجمهور )

تقبل طلتي ولا تزعـل

:

ولـد عساف الجـذع ..

ووجهك ابيض يالذيب ،، بس وش المعاني اللي اخطيت فيها

علمناهــا

:

ابو عمر الصعيبي ..

ولو ان تحليلك فيه شوي من الخطا شوي ويعتمد على المعنى السطحي

:

فـهـد الـجـذع ..

ومن يقووول ما يهووون يالغالي ،،،، ووجهك ابي

[الـــقـــرم]

نفيــع العتيبي ..

لاهنت على مرورك الرائع واللي نـوّر الموضـــوع بطلته

.............. ..






[ مـــــــــــودتــي .. وتـقديــــــــــــــــــري ../ القرم .., ]

[السويبع]

بيض الله وجهك يا القرم
على نقل التحليل من منتدى المطران مع التنويه بالاسم
وللعلم هم احذفوه البارح
اما بالنسبة للي كتبه في منتداهم فهو انا تحت معرف ( شقصان ) و المعرف مهو لي لواحد من اخوياي الجعدة وقد كتبت به لأني لا املك معرّف في منتداهم وكنت ناوي انزله هنا بس ما فتح معي المنتدىمن امس
واوعدكم اني اكمله في هذا الموضوع ان شاء الله بس اعتذر منكم الليلة مشغول
واحب انوه ان الموضوع قعد في منتدى المطران يومين وقد حاججتهم لين افحمتهم و فالاخير احذفو الموضوع .. البارح الساعة12

بيض الله وجهك يا القرم مرة ثانية .. ولا زلت عند وعدي

تحياتي
مثـــ ابن ـــبت