ميه بيت في حب سلطان

[صارم عتيبه]

ابيات الاعضاء المشاركين بعد التجميع على النحو التالي

الله يصبرنا علـى مـوت سلطـان =
ويصبر الدولـه ويحسـن عزاهـا =
ياصارم عتيبه عقب موت سلطـان =
عفت الحيـاة وعفـت لـذة مناهـا =
حي البيوت اللي لفت بإسم سلطـان=
ومن شرف الموضوع يلقى صداها =
في منتدى الهيلا قـروم ٍ وشجعـان =
وتواسي الدولـة وتحسـن عزاهـا =
ما مت باقي حـي ياطيـر حـوران =
ذكراك وسط القلب محـد ٍ نساهـا =
يا صادق النيـة ويانسـل شقـران =
تبكيك رملا ( ن ) تجتهد في دعاها =
عز الله ان المملكة تعنـي إنسـان =
سلطان يا طـب القلـوب ودواهـا =
في منتدى الهيلا زحازيـح عتبـان =
أهل الفعـول اللـي بعيـد ٍ مدآهـآ =
إنعزي آل سعود في كـل مـا كـان =
أهل الشموخ اللـي يـذرّي ذراهـا =
راح الكريم اللي به الطيب عنـوان =
وتاه الطريق بنجد وأظلـم سماهـا =
المملكة تنعـاك بـدون ٍ وحضـران =
وكل الـدول بشيوخهـا وأفقراهـا =
الموت حق وموت ذربين الايمـآن =
يهدم بيوت ٍ عامـره مـن عطاهـا =
ما هان راسك يابيض الوجه ماهان=
وعيني على عشق البكى وش حداها =
الموت مايعرفـك يـاذرب الايمـان =
ولا أخذ غيـرك وروحـك عفاهـا =
مرحوم ياسمـح المحيـا كحيـلان =
تبكي عليـك العيـن وتهـل ماهـا =
ما ألوم عين ٍ دمعها فوق الاوجـان =
هلت غزيـر الدمـع ممـا دهاهـا =
حتى الحزن خيّم على كل الاوطـآن =
غآب الامير وغاب عنهـا رضاهـا =
يحاضـن الأيتـام شبّـن وشيبـان =
في ماضي الازمآن منهـو غذاهـا =
سلطآن رجل المملكة وأخو سلمـان =
ذكراك تبقى ساطعـه فـي سماهـا =
سلطآن موتك حرك أشعوب وآوطآن =
هـز الـدول بشعوبهـا وسفراهـا =
يالله عسى الفردوس منزل ومسكان=
ينعم بهـا ويشـم نسمـة هواهـا =
مرحوم ياسلطان والـدرب سلطـان =
المملكـة تبكـي ويبكـي حصاهـا =
يا رب انا طالبـك تغفـر لسلطـان =
أعـداد دنيـا كبهـا مـا خـذاهـا =
يامنتدى الهيلا هلا العـز والشـان =
شعـر المشاعـر مالحقنـا مداهـا =
حثو بيوت الشعر في نضم الاوزان=
يمنا كريم(ن) كرمـت فـي ثراهـا =
مرحوم ياسلطان ياسيـف شامـان =
يافخرنـا اللـي دوم فيـه انتباهـا =
والله لونكتـب ثلاثـيـن ديــوان =
ماتنحصـى مفاخـرك فـي املاهـا=
الله يجازي راع االاحسان بحسـان =
أعمال كـل الخيـر يلقـى جزاهـا =
راعي يمينٍ كنهـا غـر الأمـزان =
يمدهـا مـا دور الـلـي وراهــا =
مرحوم ثم مرحوم من قلب ولسـان=
ياللي بفعل الخيـر نفسـه قضاهـا =
يا راعي الوقفات ياحقوق الأنسـان =
يابو الكرم يمناك ماحصـي عطاهـا =
يبكيك عبدالله و نايـف و سلمـان =
وتبكي عليك المملكـه يـا ذراهـا =
سلطان مشبع كل جايـع وضميـان =
ترفع له الايـدي بفاضـل دعاهـا =
سلطان اله في قمة الخير ميدان=
اللي خلق روحه ياصارم خذاها=
ماخاب من حافظ على كل الاركان=
نفسه على نهج الشريعه هداهـا=
يالله يامعبود ياعالي الشان=
ترحم زعيم المرجله ياإلاها=
ياسيدي سلطان من قلب ولسان =
سيرتك نعجب كل منهو قراها=
يا منتدى الهيلا بعد موت سلطان=
جمع مواضيعك وقفـل علاهـا =
وعلن حدادك بعد موته من الان=
اقسامك يكفيك منـا مـا جاهـا =
يالله من مزنن تسابق وهتان =
يضفي على قبره ويخضرثرها=
تابوت وسطه أغلى وأعز جثمان=
ساعة وصل للمملكة هل ماهـا =
مات الكرم من عقب مامات سلطان=
والنفس ماواحد يحصل دواها=
راح وعزانا فيه نايف وسلمان=
وآرمل الشعب يسمع بكاها=
حتى بطون الارض تبكي بكتمـان=
تبكي على اللي تحضنه في حشاها =
مرحوم ياسلطان وراع الفكره لاهان=
في مزاياك الشعـر كلـه ماوفاهـا =

نشكر جميع من شاركنا ونتطلع للمزيد

محبكــــم ،،، صــــــارم

[محمد@الجعيد]

والله يوم قريتها حسيت انها قصيدة رجالن واحد مشاء الله عليكم الله يزيدكم يطرح فيكم البركه