بسم الله
اخواني وابنا عمومتي
مني اليكم فاقبلوها الا انها متواضعه
قالوا إن الصلاح أصله صلاح العباده = قلت جالي على بذل النصيحه مجالي
إيه ما صالح ألا من صلح بعتقاده= والعقيدة تبي قلب من الحقد خالي
وأسعد الناس من دور دروب السعاده= في رضى خالقه رب الملا ذو الجلالي
والذي في دروب الشر يقدح زناده= ودي أعطيه حامض علم من هيض بالي
قبل يشعب حصانه في دروب النقاده= حتى لو قالوا الفارس صعيب المنالي
علمو فارس الفريس يكبح جواده= لين يقرا عن التاريخ ماضي وحالي
ادري إن الردى في فارس الحقد عاده= لو تسموا بطيب الأصل يا هملالي
ما يقارن بأهل طيب الأصل والرياده= الرياده لهلها والتوالي توالي
كان عايل ما يملك حق شرنه وزاده= والفقر والله إنه ما يعيب الرجالي
كم فقير يريد وحقق الله مراده= لا يحلل حرام ولا يحرم حلالي
طيب فعله بمجهوده وطيب ألإراده= يوردنّه على الجمّة طوال الحبالي
وألا فارس بني عمه لا عادة بلاده= لا بن اعمٍ قريب ولا صديق موالي
كان لابس قناع وكان لابس قلاده= يقلب الحلو مر ويقلب المر حالي
والله اللي من جيوب الرياجيل زاده= لبسوه أطيب بشوت الحساء والعقالي
أرحصو لجله الغالي يبون السياده= ليتهم ما ارخصوا لبضاعة السوق غالي
كلبوها عواري ما كسبها جياده= لو يماري بها فيها مثل لا يزالي
انصحوه الله إنه يحفظه بالركاده= لا يمثل قبيله تستحق المعالي
ولا يعاين بعينٍ مثل عين الجراده= يستمد النصايح من عمام وخوالي
أول الصيف لو شاق المسير براده= اول الصيف برد وتالي الصيف صالي
وسيف شعري ليا هلحين داخل غماده= ليش اسله على الواطي وأنا في العلالي
السيادة لنا حنا رجال السياده = وإلا فريس عام ألفين يا هملالي
| التوقيع |
القاف لن باحت قوافيه ينهار= يشيب لاكنه معي مايشيبي
وصرفت من بالي تصاريف بيطار= ينقد مثامين الكلام ألأديبي
وبنات فكري بالمثامين تجار= وعلي مايصعب صعيب الصعيبي
ولأقول ما غيري من الناس شعار= لأكن ميزة شعري إني عتيبي
أسمٍ بنا في عالي المجد ميكار= عز الرفيق منزحين الحريبي
|
19-Jun-2010, 11:22 PM
فارس (الغفله)
العرض العادي
