لا يالعتيبي

[فهد خلف الشمري]

بسم الله الرحمن الرحيم




صحيح عضو جديد ، ولا يعرفني احدٍ هنا ، لكن تسجيلي هنا ليس لإظهار مدى قدراتي الشعريه .



والله الذي لإ إله إلا هو ، ان تسجيلي هنا حباً بقبيلة عتيبه .



والسبب الاول والاهم ، هو لنشر قصيده وصلت إلى /

جابر هايف العتيبي ، ابو صقر الشمري ، محمد عبدالله الشمراني


رثائية لصاحب موقع شبكة القصيده الادبيه


فهد العتيبي رحمه الله ، فقد اجتهد لصقل مواهب الشعر ، إلا إن وافته المنيه قبل اربعة ايام رحمة الله عليه .


فإنا من قبله لم أعرف هذه الاسماء ، ومن بعده ربطتني بهم صداقه اخويه ، تحت سقفه


بل إن ديواني الشعري الاول ، كان من فضل الله ثم فضله


بعد إغلاق الموقع إلى الابد ، لإأعلم أين أضع هذه القصيده الإ بين أبناء عمومته .




إلى روح الفقيد / فهد العتيبي

.
.
.

لا يالسمـي الله يحلـك ويرحـمّـك=ويرحم ثراء اهلـك وامـك وابـاك
والله لاقبـل راس اللـي معلـمّـك=معنى الشرف والطيب والعز مربـاك
لا ي.( العتيبـي ) ياعسـى الله راحمّـك=من نـاره اللـي ليتهـا ماتـواراك
ليتك تقوم ليتـك تجينـي واعلمّـك=ولا عسـى الجنـه مكـانٍ لملقـاك
واقول لك ياخوي عسانـي افهمّـك=انك كريم وطاري الطيـب يزهـاك
انشهد ان الطيـب ياصـاح معلمّـك=ابعتذر اسف ترى الطيـب اضنـاك
وانشهد ان الله عن الشين منجمّـك=ومعنى الشرف مابين خشمك واعناك
فطره من الله زارع الطيب مكرمّـك=لاعجعج الغبراء لك الناس تنصـاك
ولا الرداء يكرهـك ماهـو يكلمّـك=انشهد انه منحنـي تحـت ماطـاك
مهما اقول اعرف ترانـي ابظلمّـك=ادري مقصر والحكي فيـك يحـلاك
ادري مديحـي يافهـد مـا يذممّـك=ولا مايزيد المدح لو قلت مـا افـاك
اقدرك والله وانا اغليـك واحشمّـك=محبـةٍ فالله ولا اظــن تخـفـاك
والله لولا الخوف من الله لاكرمّـك=عن التراب اللـي بـه الله سـواك
شفني بعد موتك فلا زلـت اكلمّـك=( الشمري ) قافه وقـف فيـك يرثـاك
يالله خذاه الموت روحـه وسلمّـك=روحه عسى روحه تحت ظل يمنـاك
يالله ياليتـه مـن النـار يحرمّـك=ويحرم عليها اللي على الطيب رباك
يالله عسـى ربـي يبـدل وينعمّـك=في جنة الفردوس امنـاي وامنـاك
يالله انـا طالبـك بإسمـك اقدمّـك=سبحانك اللي طاري الخيـر يبداك
يالله يـارب انـا عبـدك وخادمّـك=اطلبك انا عبدك نخيتـك وابرجـاك
يالله يـارب انـا عبـدك ومسلمّـك=ترحم عريب الساس لاجاك ينخـاك
يالله يـاربـي كـريـمٍ ومانعـمّـك=تدمح له ذنوبه بخيرك ومـن مـاك
وختام قافـي ياعسـى الله يرحمّـك=ويرحم كريمٍ كان مثلـك وشـرواك

الى جنات الخُلد


.
.
.


فهد خلف الشمري

آخر تعديل فهد خلف الشمري يوم 25-Mar-2009 في 10:03 AM.

[بندر سعود الدغيلبي]

الله يرحمه ويسكنه فسيح جناته

صح لسانك يافهد

[فهد خلف الشمري]

اللهم امين ، ويرزقك من حيث لإتحتسب



صح بدنك يابندر


شاكر لك روعة مرورك الطاهر

[ابو محمد الدعجاني]

الله يرحمه ويغفرله ويقبل دعاك ويغفر لجميع المسلمين

صح السانك يا فهد ولاهي غريبه على الطنايا طيب الخوه والرفقه واشهد الله على حبكم في الله

[حاكم الغنامي]

فهد الشمري


صح لسااااااانكـــ



والوفاء للاصحاب ليس غريب على اهل الوفا شمر العزيزه


والله يحيكـ بمنتداكـ الثاني

ويرحم الفقيد رحمة وااسعه

التوقيع

سبحــــان الله وبحمدهـ hakem81@live.com

[عبدالله الجـــذع]

نسال الله لاخونا فهد الرحمه والمغفره
ونساله ان يجعل مثواه الجنه

اللهم ارحمه واغفر له وعافه واعفوا عنه
وثبته عند السؤال ياارب

اللهم اغسله بالماء والثلج والبرد
ونقه من الذنوب والخطايا كما ينقى الثوب الابيض من الدنس


اخوي فهد الشمري
اولا حياك الله بين اهلك وربعك
ويعلم الله بمانكنه لك ولـ شمر في قلوبنا

ولايستغرب الطيب من اهل الطيب ابدا

ابيض وجه ياغالي

محبك

.,

التوقيع

قال الرسول صلى الله عليه وسلم [مَنْ قَالَ أَسْتَغْفِرُ اللَّهَ الْعَظِيمَ الَّذِي لَا إِلَهَ إِلَّا هُوَ الْحَيَّ الْقَيُّومَ وَأَتُوبُ إِلَيْهِ غُفِرَ لَهُ وَإِنْ كَانَ فَرَّ مِنْ الزَّحْفِ ]( سنن الترمذي ) . . قال صلى الله عليه وسلم : ( إن الشيطان قال : وعزتك يارب ! لا أبرح اغوي عبادك ما دامت أرواحهم في أجسادهم ! فقال الرب تبارك وتعالى : ( وعزتي وجلالي , لا أزال اغفر لهم ما استغفروني ) ... ( السلسله الصحيحه ) . موقع يضم جميع القراء هنا

[ابو سعد الدلبحي]

الله يرحمه ويسكنه فسيح جناته

صح لسانك وبيض الله وجهك