يامنيف معك العود في كل ميدان

[ابو عبيــد]

يامنيف معك العود في كل ميدان
يلعب على طرق النبط والهجيني

حطه على يمناك لاثار دخان
وقت القشر والخصم يرطن رطيني

عودٍ يعرف علوم شمر وقحطان
وعتيبه اللي يلطمون الفطيني

له بندقٍ تطرح هدفها اليا بان
بمشوكٍ يقطع عروق الوتيني

لابان له شخصٍ من الغي ديقان
يسوقه الشيطان والحاسديني

يعطيه عن بعض المواضيع نيشان
من بعدها الطربان يمسي حزيني

ياخذ على الغلطان بالصدق برهان
بشعرٍ مع اهل الصنف وزنه ثميني

ينحت صخر يقطف زهر كل بستان
لاقام بعض الناس يقرن قريني

يقرن على عمياه والعلم نيشان
ويرجع على عجفاه بعد السميني

خله يروح بزلته طير برمان
من عصبته يامسندي مستحيني

لاناطحن كرمه ولاقاضين شان
يحكي مع القتات بالغافليني

عيد بجاد بن شده

[راشد النفيعي]

صح لساااااانك

[بن ابنين]

ابو فهد
صح لساانك

[ابو عبيــد]

صحت ابدانكم جميعٍ

[ابو طارق الشمري]

يامنيف معك العود في كل ميدان=يلعب على طرق النبط والهجيني
حطه على يمناك لاثار دخان=وقت القشر والخصم يرطن رطيني
عودٍ يعرف علوم شمر وقحطان=وعتيبه اللي يلطمون الفطيني
له بندقٍ تطرح هدفها اليا بان=بمشوكٍ يقطع عروق الوتيني
لابان له شخصٍ من الغي ديقان=يسوقه الشيطان والحاسديني
يعطيه عن بعض المواضيع نيشان=من بعدها الطربان يمسي حزيني

كفو يابوفهــــــد قول وفعل وعزالله اللي يتعرض لك ماهوبخير

صح لسآنك ملااااييييين ولاعـــــــــدمنا وجووودك.

[ابو عبيــد]

لاهنت يابو طارق الشمري

وصح بدنك

[بن ابنين]

صح لسانك
ولاهنت

[ابو عبيــد]

الاخ بن ابنين صح بدنك