انتهى وقت القناصه والمخاوى

[مجول بن جلال المقاطي]

احذف العزبه وريًح يالنداوي = خل عنك الشطه وكثر الملاوى
لاتقول اني على المقناص ناوي = انتهى وقت القناصه والمخاوى
كف مثلي لاتضيعك الهقاوي = وخلنا في جملت العلم نتساوى
مابقاء فالارض للعشقة حراوي = مابها غير الصفاري وابن ماوى
شوفها يثر على القلب الهواوي = ويعقب جروحن عطبها مايداوى
لاعبن في خدها الوقت السناوي = اشهد ان الوقت جوره مايقاوى
كل وداي مقفيٍ طلحه وذاوي = وكل ماهب الهوى قام يتهاوى
الله يعجل عليها بالمناوي = لين يضفي فوقها الخير وتشاوى

آخر تعديل مجول بن جلال المقاطي يوم 06-Dec-2012 في 03:04 PM.

[ابو ضيف الله]

صح لسانك يا بن جلال
وابشر بالخير ان شاء الله
الديار كلها ممطوره مار جهز العزبه

التوقيع

قال الشافعي رحمه الله: أركان الرجولة أربع: الديانة والأمانة والصيانة والرزانة. قال الخليل ابن أحمد: التواني إضاعة, والحزم بضاعة, والإنصاف راحة, واللجاجة وقاحة. اللهم أنصر من نصر الدين وأخذل من خذل الدين

[مجول بن جلال المقاطي]

صح بدنك

واشكرك على حسن المرور