نمـــاذج في الفتل والنقض

[محمد الذيابـــي]

السلام عليكم ورحمته الله وبركاته
أن من أهم الركائز التي يعتمد عليها شعر القلطه هو "النقض والفتل" لذلك فأن المحاورات لا تخلو من هذا الفن ولكن وجدنا في الوقت الحالي الكثير من المحاورات سواء في الساحات الشعرية أو في المنتديات تكاد تخلو من النقض والفتل وتحولت من شعر القلطة إلى شعر المجاراه وهذا المنتدى من أهم المنتديات التي تخدم الشعر والشعرا ويضم العدد من الشعراء المبدعين الذي نستمتع بقراءة قصائدهم ومحاوراتهم ونتمنى منهم المزيد من الإبداع .
لهذا السبب أحببت أن اقدم لكم بعض نماذج النقض والفتل ليستفيد مها شعراء المنتدى ومن لديه إضافة لا يبخل بها

الفاتل

بل راسك جاك حلاق(ن) يحد أمواسه
وأن جرح راسك دخيلك تمتري بمراته

الناقض

خابر الحلاق في الغرفة قوي|(ن) باسة
قفلت الغرفة عليه وغيرت نياته

الفاتل

عزالله أني فارس(ن) قسمي من كبار القسوم
لو ان راسك مثل روس القوم والله لأقطعة
وأن صارت الحسنة خصوص وصارت السيه عموم
أن ما ذبحت الذيب يا صياف والله لأفجعة

الناقض

قبل أمس ما شفنا شعاع الشمس من كثر الغيوم
والسن الأبيض لو دخله السوس والله لأقلعة
انته وانا كنا جماعة والصداقة ما تدوم
والهوش لا طول يبا واحد حكيم(ن) يفرعة

الفاتل

لا تشيل العفش في موترك حنا ما وصلنا
دونكم حرة عتيبه والجبال النايفاتي
لا تخامسني يأبو عرام بالكف المحنا
خامس الي ما يعرفون الصيام ولا الصلاتي

الناقض

الثبيتي قطع سلوك الروادي يوم غنا
شاعرأً يكتب ويقرا والعلو مصلحاتي
ما نخامس واحد (ن) لا شافنا قام يتمنا
وأن دخل في صف أهل ضلع الهدا راحو شتاتي

الفاتل

الي بيرق عالي وطول الدهر منصور
وانا ماشريت البندق إلا على شانه

الناقض

انا عارف أنك تحمل البندق المعمور
ولكن ليا هالحين يطلبك ديانه


الفاتل

امس يبنى عشته في الضلع واليوم يهدمها
والهبايب ما تهبه والطراقي ما يجونه

الناقض

لو تشوف العشه الي صاحب الخبرة حزمها
فوق ضلع(ن) كل ما طاح المطر تثمر غصونه

الفاتل

البعير الي يشيل الحمل عود يرضع أمه
بعد قالو شامخ النيبان مردوم السنامي

الناقض

الجمل يمشي على الدرب وكلامك ما يهمه
من هديرة قمت من نومك وحرمت المنامي

الفاتل

إلا ياحرب باللي كل ليله تقنصون الحوت
لقيتو حوته ما كل قناص يحرفها

الناقض

قنصنا في الليالي المستطيره وأنت مالك صوت
وصرفنا جموع الترك وانته ماتصرفها

الفاتل

ليا عفت الحياه وذقت يا صياف طعم الموت
تشوف أمك من الرحمة تغطيك بشراشفها
بعد صخن ترمبيلك تريح واقشع الكبوت
زيوته زايده لو كان بالغراف تغرفها

الناقض

ليا قامت وشبت نارنا حنا كبار بخوت
ولا يغلب على المجنونه ألا من يكتفها
وترمبيلي نجح وانته توزع للوزير كروت
تبا حارة ثبيت بطايرات الميج تقصفها

الفاتل

اسهيل والسبع نجوم فوق راسك مرقبات
واهل الزنود من الضرم تقدح عليك ازنودها
اليا اجتمعتو نصف ساعة رايكم يغدي شتات
ياهل جبال(ن) يوحي الطرقي صياح اقرودها

الناقض

ترى القمر ضوء غطاء ضوء النجوم الطالعات
وانته وراك اتورد الدعوى بغير أشهودها
اليا اجتمنا نصف ساعة جالنا علم ثبات
وأجبالنا ما أنته بعارف نقصها من زودها

الفاتل

انا اشوف الحريبي كل ماغنى يصر العين
امرار يلدها يم اليمن ومرار للشامي

الناقض
انا اشوف الثبيتي كل ليله يطلع السكين
ويخفيها ليا مني قعت افتش احزامي

الفاتل

طبخة عفنا مرقها يوم زود في بصلها
عقب قلطها العزب ضيفة الخطار نية

الناقض

طبخة(ن) جاتك تحلوها لسانك ما تفلها
وش يفيدكم لو تعزربها ومصرانك مليه

الفاتل

ابفزع واطب المعركة عقب قر الهوش
وابضرب بسيفي فارس القوم صيافي
وابا اخذ حصانة ثم أقفل عليه الحوش
ولا عاد نسمع في البلد صوته الخافي

الناقض

يا طيبك ليا حولت في المنزل المفروش
وعند العلوم الثانية كيف تنشافي
تعين لواحد تقدره ثم حوشه حوش
وكسر حسابك ثم يطلع لك الصافي

الفاتل

انا اشوف الثبيتي قام يطلع لي مخاليبه
احط اله الحدود المستقيمة ويتعداها

الناقض

تبى تعلج وتعرش والسنون البيض تركيبه
تغداك الذياب الي تبى بكرة تعشاها

الفاتل

جملكم من ورى ريع الرحا معقول ومقيد
يسوقونه ثلاثة وأربعة واثنين ركابه
تذكر يوم ليلك ابيض والنهار اسود
اقولها عند وجهك ما اظلم الرجال في غيابه

الناقض

اضن الكثر غلاب الشجاعة والصحيح يعد
قلبناكم في خامس يوم والأيام قلابه
تذكر يوم جينا وانت لا تاقف ولا تقعد
نهار انا هدمنا البيت وانته ماسك اطنابه

الفاتل

اليا نويت تحط مالك لا يروح الا في مال
كم واحد(ن) من شين حظة راح يقتل وانقتل
اللي يبا درب الجميل يكون عنده وسع بال
انكان ماصدقت علمي روح للعراف اسل

الناقض

انا سوات الصيرفي هات الهلل واخذ الريال
تحمد الله يوم تاخذلك ريال(ن) في هلل
وان دامت الدنيا طويلة شبيت في روس الرجال
كم واحد ينقز لها عشقة ويتركها ملل

الفاتل

ليه ياصياف مازرت اهل مكه في وطنها
وانت من ضاري صحيبي لين ضيقت الصحابة

الناقض

مرحبا بالشاعر اللي كل مكه ما سكنها
حفيت اقدامي وانا ادورك في ذيك الشعابه

الفاتل

انت راسك كنه الشوك ما ينكدي
ما يكده غير مشط مع الحدادي

الناقض

وانت راسك فيه الأمشاط ما تنعدي
نشتري بالسلم ونبيع بالأقصادي

الفاتل

الزعل والرضاء ما هو علينا غصيبه
والحسودس حسودي والعرب يكرهونه
في ثياب المعزه ما شكينا غليبه
مير ثوب تقوله غامضات ردونه

الناقض

لا تغني مع العشاق ياعود شيبه
ويش عذره ليا شافوه يعكز بشونه
ان بكيتوا مصيبه وان ضحكتوا مصيبه
كيف يضحك غشيمن طايحاتن سنونه

الفاتل

أنته يا (بن مستور) لو إنّك صري من بعض حال
أسمك مخيله يطرح الجدران من زلزالها
وأنا ليا صكّت عليك رجال فرّقت الرجال
لكن قول الله يخلّي للرجال رجالها

الناقض

يا (بن شريّف) لا تعرّض للبوابير الثقال
خلّك لحالك والبوابير الثقال لحالها
يا خنجر الخدّاع ياللي من يمينه فالشمال
تهفي عن المقفي وترجع في نحر نقالها

الفاتل

الزم السيف بنصابه ، لايوقّـع فيـك حـدّه
انقطع راس الخيال ان كان في فكرك خيالـي
صقرنا مخبور دايـم يخبـط الصيـده بيـدّه
كل ما اصبح صبح ياكل من عراميش الغزالي

الناقض

يالجبرتي لو يجيك بعير لو من غيـر عـدّه
كيف تقدر ترحله لن جاك في وقت الرحالـي
اندقم مخلابك اللي فـي لحـوم الصيـد ودّه
مايصيد من السمـان الا المقـادم والطحالـي

الفاتل

الـكـلام الـلـي يــزل عـــن الحقـيـقـه ماولـفـتـه
مـقـدر أزعـلـك وانـتـه رجــل تـقـرا مــا تـقـرا
أنت تعرف تاصف الموقـف ليـا منـك وصفته
مار فـي موقفـك هـذا وش تشـوف ووش تـورا

الناقض

بـعـض خـلـق الله لــو انــه جا حذفـنـي ماحـذفـتـه
لأجــل مــاودي مــع الـنــاس أتـنـقـد واتـــزرا
المـقـفـي مـــا تـبـعـتـه والـمـغـطـى ماكـشـفـتـه
اتــرك المجـنـون لــو يكـشـف ثيـابـه ويتـعـرا



وسلامتكم

التوقيع

التوقيع محمد الذيابـــي

[قاسي العتيبي]

محمد الذيابي لقد انتقيت الجواهر الثمينه سلمت ودمت

[مهجرس]

الاخ العزيز : محمد الذيابي

بيض الله وجهك على هذه المقتطفات الجميلة من نماذج الفتل و النقض

لشعراء لا عتقد ان يتكرر شعرهم

رحم الله من كان ميتاً منهم .... و اطال اله بعمر من كان حياً

[محمد الذيابـــي]

المشاركة الأصلية كتبت بواسطة قاسي العتيبي

محمد الذيابي لقد انتقيت الجواهر الثمينه سلمت ودمت

مشكوووووور ياقاسي

[محمد الذيابـــي]

المشاركة الأصلية كتبت بواسطة مهجرس

الاخ العزيز : محمد الذيابي

بيض الله وجهك على هذه المقتطفات الجميلة من نماذج الفتل و النقض

لشعراء لا عتقد ان يتكرر شعرهم

رحم الله من كان ميتاً منهم .... و اطال اله بعمر من كان حياً

مشكوووووووووور

[محمد ناصر الأكلبي]

لاهنت يالذيابي

وبيض الله وجهك على المواضيع المميزة

[بن قيس العازمي]

لاهنت يالذيابي

وبيض الله وجهك على المواضيع المميزة

[عاشق الطاروق]

طرح راقي لاهنت يامحمد تقبل مروري تحياتي

[سهيل العازمي]

بيض الله وجهك على الاختيار الرائع

[فهد الزهراني]

لاهنت يامحمد

نماذج منتقاة بعناية لشعراء كبار

رحم الله من مات منهم ومتع الحي بصحته ...

....

صورة مع التحية: لشعراء الميدان الحاليين (خاصة من يغرد بعيدا عما اسسه عتاولة هذا الفن العريق)

..

كل سنة وانت والجميع بألف خير