ملفي المورقي وضيف الله العضياني طاروق فايف ستااااار

[ابو فايح]

طاروق شعر من الدرجه الأولى


طاروق معنى وسبك وحبك من الطراز الفريد

طاروق من أحد طواريق الصيف في الطائف



طاروق دار معناه حول مشاركة الشاعر ضيف الله العضياني في مسابقة شاعر الملك ووصوله للمرحله النهائيه ومن هنا نتمنى له التوفيق

طاروق فيه بيت واحد يسوى محاورات وهو موجه للقائمين على البرنامج

معظم الجمهور أصبح يسمع أن الجائزه لن يأخذها شاعر عتيبي سواء يستحقها أو لا يسحقها
والحجه في ذلك حتى لا أحد يشكك في نزاهة وحيادية البرنامج

كم واحد(ن) يخطي بحجة قول ماعنده ضمير = ما يدري إن الخط من شقراء يعود لضرما

( ابو وافي يوضح أن ذلك خطأ كبير حتى لا يقال له ما عنده نزاهه وضمير ويوضح أن الشعر عند عتيبه )

ونحن كذلك نتمنى أن الجائزه لا يأخذها إلا من يستحقها سواء عتيبي أو من القبائل الأخرى وألا يظلمون شعراء عتيبه إتقاء للشبهات كما نسمع

ملفي المورقي

أشوف ضيف الله تعلق له بسلك(ن) من حرير = بين السماء والأرض وأصبح لا للأرض ولا السماء
قدمك حواجز يالحصان تغير وألا ما تغير = لكن لا ترجع ويمكن لا ويمكن ربما

ضيف الله العضياني

صاحبك ضيف الله على يمناك بالسيف الشطير = يا جعل عينك يالعتيبي ما يجي فيها العمى
أن أدري إن الوقت يجري بين شر وبين خير = وللحرب فالميدان حرابه وللعلم علما

ملفي المورقي

يا غارس أغلى غرس عندك بين نهر وبين بير = يا سرع والله ماتلوى الغرس من زود الظما
كم واحد(ن) يخطي بحجة قول ماعنده ضمير = ما يدري إن الخط من شقراء يعود لضرما

ضيف الله العضياني

اللي زرعها بر(ن) أحمر كيف يحصدها شعير = وأنا بعيد(ن) عن يدين اللي يمصون الدماء
حنا تعبنا لا نحدد لك على الدنيا مصير = أحيان في وسط الحما وأحيان فأطراف الحما

ملفي المورقي

يا مزهب البندق لرمي الطير طيرك لا يطير = لو ما رميت اذا رميت الطير مير الله رما
ودي إن ابو رأس صغير يأصل الرأس الكبير = والوقت طول والسموم تزود والقيض إحتما

ضيف الله العضياني

أنته توصيني وأنا دايم على روحي بصير = ترا المواقيف العظيمه مالها غير عظما
ما أحد(ن) بداري فالليالي وش يكون وش يصير = إما تقلص في يداهم رزقهم وألا نما

أشكر الأخ عبدالرحمن العضياني على السماح لي بإعادة صياغة الموضوع

[مهجرس]

محاورة راااااائعة و و شعراء كبار

صح لسان الشاعرين / ملفي المورقي و ضيف الله العضياني

و اشكرك على النقل

[ماجد العصيمي]

طاروق عادي من وجهة نظري

[تركي الصفياني]

ليه يابو فايح
عشاان يكثر الرد على الموضوع

شكرا لك

[حبيب العصيمي]

عتيبه لاتتقابلو يجرموون


مشكوور يابو فابح

على الذائقه الرائعه

[ابو فايح]

مهجرس
لا هنت على مرورك


ماجد العصيمي
حياك الله وجهة نظر على العين والرأس



تركي الصفياني
لا هنت على مرورك وكل ما في الأمر أني رأيت أن الطاروق يستحق أن يصاغ بشكل أفضل فكلمت كتابه فقال أتمنى أن تعيده بصياغتك أنت وهذا ما جرى
أما مسألة الردود لا أعتقد ولا أتمنى أن يكون في منتدانا من يرد بسبب كاتب الموضوع وإنما الرد يكون بسبب المحتوى

حبيب العصيمي
حياك ومرور أمثالك شرف

[طلب الشيباني]

ملفي المورقي شاعر يوم عن يوم يزداد أعجابي فيه ..



لديه قوه بتركيبة البيت لا يمتلكها سواء ملفي ..



صحت السنتهم .. مع أنني أرى أن المحاوره من طرف وآحد ..




تحياتي

[قاسي العتيبي]

صحت ألسنة الشعراء
أبو فايح لقد وفقت في الاختيار
أنا ضد الأخ اللي يقول طاروق عادي بل هذا الشعر بمعناه الحقيقي يعتمد على إبراز القوة مع عدم النزول للأمور الساقطة
ملفي المورقي مبدع كما عهدناه
ضيف الله العضياني أول مرة أسمع له لكن شاعر مجيد للمحاورة اجادة تامة أتمنى له التوفيق
كل الشكر لك أبو فايح

[عاشق الطاروق]

لاهنت على النقل ابوفايح

[الحافي 1]

والله انا اقول الان ابسط شي الشعر