ابن جدلان والسناني في العيد

[ذيب الخلا]

بسم الله الرحمن الرحيم
هذه محاوره من محاورات أقيمت على هامش مهرجان الخيل السنوي لقبائل أكلب في العيد الفائت اتمنا ان تحوز على رضا الجميع
السناني
سلام الله على أكلب كلهم في مهرجان الخيل *** وأخص الراعي الرسمي ومن شرف على شانه
ابن جدلان وش يحفظ من التوراه والانجيل *** انا ما ودي الا ترجح الحسنات ميزانه
بن جدلان
الا يا مرحبا ترحيبتن مثل الجدي وسهيل *** مثل هديه مثل نوره سوات اسمه وعنوانه
ابن جدلان يسبح في البحور ولا يطب السيل *** يدور له على دانه لكن اغلى من الدانه
السناني
يدوم الك البقا يانجم ياللي في ظلام الليل *** عيون الناس من شوف النجم ماهيب مليانه
ما دامك ما وصلت الما تريده سولي توكيل *** ترى ان الجار من حقه يقوم بحق جيرانه
ابن جدلان
لو انكم يا جهينه ما تصادمكم رجال هذيل *** بلشنا كلبونا في رجال هذيل وجهانه
معك حيل ومعك قوه لكن الله قوي الحيل *** مساعيكم على شان العرب والا على شانه
السناني
تعرف إنا من السابق وقفنا لابرهه والفيل *** الين انه ومرنا خالق الاكوان سبحانه
وصلكم موجز النشره ولا تنشد عن التفصيل *** بعدها موقف ن يصعب على الرجال نسيانه
ابن جدلان
الا ياهل المدينه في طرفكم مهبط التنزيل *** دحيان الكلابي ما عطاكم نص رضوانه
تعرف الشيل والا الحط والا الحط والا الشيل *** يابن متروك باسلمكم الموتر وسكانه
السناني
اخذنا صفوة السنه ودرسنا شباب الجيل *** دحيان الكلابي تبقى اساميكم بديوانه
ابن جدلان عنده موترن معروض للتقبيل *** نبي نكشف على نوره ولوحاته وبيبانه
ابن جدلان
ياحي العالم اللي ماتحب الكذب والتضليل *** وانا اظن السناني فطرته من فطرة اخوانه
تراكم كلكم ذرية ابراهيم واسماعيل *** لكن الكيف الاشقر كيف تهمل ذوق فنجانه
السناني
ياحي العالم اللي تعرف التحريم والتحليل*** ابن جدلان ما يثر على مدشوش دخانه
اذا جد العرب وابو النبوه بابها تأويل *** ياليت الله كتب لك شي من روحه وريحانه

[محمد ناصر الأكلبي]

هنا الجزالة والكلام الرفيع

لا سب قبايل ولا نزول في المعاني


لا هنت ياذيب الخلا على النقل لهذه المحاورة بين العلمين المعروفين

....

[وليف الطير]

محااااااااااااااورة جزله لا تستغرب من الشاعرين

لاهنت يا ذيب الخلا

[محمد الذيابـــي]

طاروق رااااائع من فطاحله في شعر الرد


لاهنت يالغالي

التوقيع

التوقيع محمد الذيابـــي

[خوي الرجال]

أتمنى من الاستاذ أبو فايح التعليق على هذه المحاوره


لإعطاءها رونقا خاصا يزيد من جماليتها

[قاسي العتيبي]

طاروق في قمة الإبداع
كل الشكر لك ذيب الخلا

[الشوردي]

الشاعر الكبير سعد بن جدلان لايقارن مستواه في النظم بمستواه في المحاورة

[فهد الظاهري]

المشاركة الأصلية كتبت بواسطة الشوردي

الشاعر الكبير سعد بن جدلان لايقارن مستواه في النظم بمستواه في المحاورة

محاااوره قووويه وجزله ولو ان السناني ما يخلي حركاااته مثل قوووله. الررراعي . وايضا . عون الناس منه ماهي مليانه .

[فهد الظاهري]

تمنيت ان خصم السناني حبيب ... لان الترحيبه مشكوك فيها والله اعلم ... سلام الله ع اكلب في مهرجان الخيل.. يعني فيها شكه

[عاشق الطاروق]

طاروق رائع ويستحق المتابعة وشعراء كبار يحسبون للكلمة الف حساب

لاهنت على النقل ياذيب