اخر ما كتبت للتواصل مع الاحبه "
قصيده كانت في حفل معالي الشيخ حسن بن علي ابو ظهر الثبيتي
بمناسبة زواج ابنه ماجد يوم 5\10\1433 هــ
وكل عام وانتم بخير
من بورصة شعري وبنك افكاري = ومن الرصيد اللي حسابه جاري
شريت سهم ماعليه عموله = في سلمي وسلم النشاما غاري
من دونه الشرايه البياعه = يقلط عليه المقتدر بذراعه
واللي يده في منكبه مغلوله = يرجع وهو فاقد ثلاث ارباعه
هذاك سهم العرف يانقاده = لا حصحص الماقف وثار زناده
احد يثور بندقه في حثوله = واحد عطاها حقها وزياده
عرف يقدي صاحبه ويعزه = ويجمله في كل وقت وحزه
وعرف ليا طالعت وش محصوله = عرفت وش جاب الغلا في المزه
وانا بما ربي كتبلي راضي = جنبتها زمل الخبول الفاضي
حضرت في حفلة معالي دوله = شيخ وعريف ومستشار وقاضي
ابو ظهر من روس الاد مروّح = في حلته صفر الدلال تفوح
الله مبيض وجهه من فعوله = يوم المواري فالوجيه تلوح
له وقفة منا يبا يلقاها = لانندرق عنها ولا ننساها
الوقفه اللي بالوفا مدبوله = تبقى في سد وجيهنا ولحاها
وحنا على سلم العرب مذهبنا = شعاريه ماحد جهل منسبنا
وان كان حق الرفق ذنب قفوله = حنا عنه في ذمتي ماتبنا
ماكل قصر نتكي في ظله = ولا كل شيخ نقدره ونجله
ولا حسن يوم اعتزى مرسوله = جينا نقدم واجبه ونقله
حنا حزامك يارفيع القامه = يومن كل يعتز بحزامه
واللي قعد عن ماقفه قولوله = انه عساها ماتطول ايامه
بسمي وباسم اهل الجبين الساجد= ومن راس كل مروحي متواجد
عد السحاب اللي تهل ثعوله = يامرحبا في حلة ابو ماجد
يامرحبا ترحيبة مشروعه = ترحيبة مثنيه ومربوعه
على قطاف دانيه محموله = لا هي بمقطوعه ولا ممنوعه
والصف الاد مروح يعزونه = يومن ماللراس غير متونه
روفيقهم لا وقفوا من حوله = حصن منيع زاهيته ركونه
واختامها صلوا على سيدنا = اللي على حوضه يبا يوردنا
شفاعته في امته مقبوله = يومننا عن سنته ماحدنا
| التوقيع |
إذا شئت أن تحيا سليما من الأذى=وحظك موفور وعرضك صين
لسانك لا تذكر به عورة امرىء=فكلك عورات وللناس السن
وعينك إن أبدت إليك معايبا = فصنهاوقل يا عين للناس أعين
وعاشر بمعروف وسامح من اعتدى=وفارق ولكن بالتى هى أحسن
|
02-Sep-2012, 06:21 PM
بورصة شعري !
العرض العادي
