العازمي والذويبي صوت وصدى بالشيخ بدر بن مناحي بن جدي بن زريبه

[ولدعساف]

بسم الله الرحمن الرحيم


اللهم صل على محمد وعلى آله وصحبه أجمعين


السلام عليكم ورحمة الله وبركاته


تعرض الشيخ بدر بن مناحي بن جدي بن زريبه لوعكه صحيه

وحاول بندر الذويبي الاتصال به وكان الجوال مغلق واتصل على تركي بن مطلق العازمي للسوال عن الشيخ بدر وابلغه بالوعكه الصحيه ثم اعاد المحاوله على الشيخ بدر ورد الجوال وتطمن على حالته الصحيه وهو بخير والف صحه وعارض وزال واسال الله لايري الشيخ بدر وجميع المسلمين مكروه

وارسل له الشاعر/تركي بن مطلق العازمي هذه الابيات بعد سواله عن الشيخ بدر ..

يالله يامنزل من المزن همال=ياخالق الانسان عالم مصيره
اتزيل باسه ياعليم(ن) بالاحوال=وتجير عبدك من سهومك تجيره
يابدر زال الباس يانسل الابطال=وهذا الزمن مخلوط شره وخيره
يابندر ابشرك يااعز رجال=ماقدمه الا العافيه والستيره
كساه ثوب العافيه والخطر زال=زال الخطر والباس والله يجيره

فرد عليه بهذه الابيات

حي الكلام اللي قريته على الحال=من قول تركي نظمته وتعبيره
يحمل خبر عاجل عن الغير مختال=يفرق بمضمونه على قول غيره
يقول في ابن زريبه طيب الفال=والوعكه اللي جات ماهي خطيره
قام وتعافى والتعب فيه ماطال=ونقول ماصابه من الامر خيره
عساه يبطي حي ماذاق غربال=نسل الرجال اهل السيوف الشطيره
اللي لهم في عالية نجد منزال=ولهم علينا حق رفقه وجيره
جذعان يوم القوم ماشي وخيال=افعالهم ماتنحصي بالجزيره
وبدر مايمشي على درب الانذال=فعله نزيه ومعتلي في مطيره
شيخ معرب جد ومعرب الخال=واسمه شهر وسط الاسام الشهيره
الله واسأله يكفي الشيخ الاهوال=ويرد كيد اهل الشرور المغيره
ومشكور ياتركي على كل الاحوال=وختام قافي نسجته من عبيره
وصلاه ربي عد ماينشي خيال=على الرسول وسيرته خير سيره

صح لسان الشاعرين تركي العازمي وبندر الذويبي والحمدلله على سلامة الشيخ بدر بن مناحي بن جدي بن زريبه ..

التوقيع

قال أبوبكر الصديق - رضي الله عنه - ( الموت أهون مما بعده، و أشدّ مما قبله ) حسبي الله ونعم الوكيل كتبت وقد أيقنت يوم كتابتي .. بأن يدي تفنى ويبقى كتابها فإن كتبت خيراً ستجزى بمثله .. وإن كتبت شرا عليها حسابها

[الامير حريبيش]

ونعم في الجذعان وفي شيوخهم المشاهير والحمد لله علي سلامة الشيخ لاهنت ياولد عساف علي الموضوع

[سفير الجذعان]

صح لسان الشاعرين تركي العازمي وبندر الذويبي والحمدلله على سلامة الشيخ بدر بن مناحي بن جدي بن زريبه


لاهنت ياولد عساف

[يوسف العازمي]

صح لسان الشاعرين

والحمدلله على سلامة الشيخ بدر بن مناحي بن جدي بن زريبه


ولاهنت

[سفير الجذعان]

مجاراة الشاعر/ غالب بن محمد الصعيبي المطيري للعازمي والذويبي

صوت وصدى وهضاب وسهول وجبال=ولا هي غريبة والمعاني وفيرة
رد الذويبي واجتهد طيب الفال=ولرخص كلام اللي بدا بالمسيرة
لو ان مالي شف في بدع الامثال=ولي مدة عنها ولا هي قصيرة
لكن لاشفت الضوامي على الجال=وكل على ماقيل يشعب بعيرة
استوطن الهاجس على راس ماطال=ولا يندب إلا كل جزلة نديرة
وصف الدرر واختار مايشرح البال=وعل الكبود الهافيات الحقيرة
إبذكر منهو للصعيبات حلال=نسل الرجال اللي عثت بالمغيرة
بدر سليل المجد لطام من عال=وياسعد منهو بن مناحي شويره
رأي(ن) سديد وحمكت(ن)مابها جدال=يوم إن عوده راسم(ن)له مسيره
ويالله يامنزل تبارك والانفال=انك تمد بعمر من له ذخيرة
مناحي اللي لابرك للحمل شال=ولاكبرت القاله افعينه صغيرة
وتضفي على بدر الوفا نسل الابطال=العافية ومن كل شر تجيرة
واختامها بعداد ماسيق فنجال=صلوا على المبعوث رحمة ونيرة

[ناصرالجذع]

صح السان الشاعر/تركي بن مطلق العازمي

وصح السان الشاعر الشيخ/ بندر بن عبدالرحمن الذويبي

وصح السان الشاعر/غالب بن محمد المطيري


والحمد لله على سلامة ابومناحي ومشكورين الشعار على مشاعرهم الطيبه

ويستاهل الشيخ بدر بن مناحي بن جدي بن زريبه المدح ونعم والله فيه بناخي الشغار

ومشكور يابن عساف