سلسلة قصائد معركة طلال

[مطلق الشيباني]

مشكووور وماقصرت على هالمعلومه

وسلمت ودمت يالذيب

مع اطيب التمنيات اخووووك :-

.......... مطلق الشيباني ..........

[إبن ثمر]

الأخ ليل القصيد الثانيه لم تذكرها كامله مع ملاحظة أن ترجع للقصه كامل حسبما ذكرها إبن ثمر في هذا المنتدى حيث ذكر جميع القصائد الخمس كامله دون نقص
ونآسف
ولكن للإيضاح نذكرها كاملة دون نقص أو زياده :
كون طلال

وقعت طلال ذكر فيهاخمس قصائد مشهوره وهي ثلاث لشليويح العطاوي وإثنتين لسهاج ابن غلاب ابن ربيعان .
القصيده الأولى وهي لشيليوح العطاوي والتي كان في أولها ذكر المعركة وفي أخرها ذكر إبله التي سرقت على يد جماعة من قبيلة المقطه
وهي :-
ألا يالله تغفر لي ذنوبي = = تغفر لي ذنوبي والآثام
كان إني ماتقفى الغافلين = = ولا أسب الأجاويد الكرام
هجدنا المذكر بخوق ليم = = وحنا هاجعين في المنام
والشرذان أشاروا بالرحيل = = والغفران أشاروا بالمقام
وأقمنا وطنينا البنود = = وكلاً دونها لبس الحرام
يوم سعود جانا بالدويش = = جاب مطير مع صبيان يام
وأهل سدير والسبعان معهم = = والعجمان معهم يفداهم حزام
والقصمان جونا من يمين = = يبون المباني والجهام
والدمام دقوه العبيد = = ونور الشمس غاطيها الغمام
وشافونا وجونا سارحين = = والله مانوونا بالرحام
ولدّن العذارا بالصياح = = شافن الجموع لهالدحام
ورمن البخانق والهدوم = = ولخّن بالجدود وبالأسام
وردن الدهمان السيوف = = الحشوف كاسرت العظام
ومركابٍ يسر الناظرين = = وترعابه مرودبة السنام
لاتبكن ياقوي النحور = = عان الفعل في ولد الأمام
زين البل مكرمت الضيوف = = زين الروح ضلع مايسام
والا يانديبي فوق عوف = = فوق الهجن عجلان الولام
خلّن العلا عنهن جنوب = = وهن كنهن ردّ النعام
يلقن البيوت مبنيات = = سود كأنهن روس القدام
وأول مايواليهن عقاب بن شبنان والربع الحسام
ويلقن الدلال مساطرات ويعبى كيفهن بالولام
ويلقن الصحون ممليات = = وأذناب الكبود إلها إيدام
سلمني على ولاد الكريزي = = حمول الخيل مروين الحيام
سلملي عليهم يانديبي = = وخص عقاب حماي الجهام
قل لولا الحب والرثوان فيك = = لقن عفوشكم حمر العسام
لجازي من طمع في جوزل = = بفعل يشتهر في شرق وشام
مار إن الهبوب تشوف فعلي = = وأنا لسّاع للفارس غرام

ثم قال شليويح قصيده ثانيه قال فيها :-
جانا النظير عصير مرد الفطاير = = لسرور اللي حوى الراس بقران
يقول جاكم واحدٍ مايساير = = طاغي وظالم مانوى فيكم إحسان
سعود جاء من يم الشرق ثاير = = بصبيان يام مرجحة كل ميزان
ومعهم هل العارض وسبع الجزاير = = ومعهم بارق وغيرهم جمع جوشان
وردوا الغايم مقربين البصاير = = وقلنا على الله مانبا غيرها أعوان
وسقنا لهم جمعٍ يشوق النظاير = = موحدين اللي ليا وحدا عان
وبعد صلاة الصبح والعج ثاير = = زين إتقى راس النقي عقب مابان
وخيلٍ وسط خيل وخيلٍ تخاير = = وخيلٍ مروزنها غنيم ابن شبلان
كنهن ليا عرض في وجيه القراير = = يمنع هذولا عن هذولا بقرعان
وراحوا مع دبرت الله نحاير = = عقبال نجد اللي يقدون الأضعان
جو بالقراير وأقفوا بالخساير = = خسايرٍ ماتنتعوض بالأثمان
والله مازلنا متوهين العشاير = = لكن راموهم عقيطين الأكوان
بدم ساير في وجيه الكساير = = وراحت سربهم كنها الجور غزلان
ياراكب اللي كنه الحيق ساير = = وليا عطا دوا الخلا يقرم قران
ليا جيت برقا خصهم بالبشاير = = قل إرجعوا لدياركم ذيروا الأوطان
فضحتوبنا يامذهبين الحظاير = = وحنا وراكم يوم دوغات الأذهان
راح العصيمي والخيوط يذاير = = وضعونهم وصلت لحد شقمان
وحنّا خدمنا اللي ورا العرض ناير = = بأولاد روق مطوعة كل ميدان
بدهم الفرنج الحداد الذخاير = = وحدّ السيوف اللي يقصن الأمتان
ومسلط كما حرٍ من الله طاير = = صلبه نهار الكون موردين الأيمان
عسى يمنينه ماتجيه الكداير = = من الكروي ......................
والحضر واللي ياكلون الضغاير = = غدوا شتاتٍ عقب ماهم بخلان
وفرجنا الله من أمورٍ كباير = = والله ولافزعت عقاب إبن شبنان . .

بعد ذلك قال سهاج بن إربيعان قصيده يقول فيها :-
جانا النذير سرور وسعود جاء اليوم = = يقود الجموع الضاريات المهيله
وبقدرة الله راحوا إشتات وقصوم = = عتبان نجد أهل الفعول الجميله
بدر الدويش اللي من العام مسموم = = مبطي يحايلنا على كل حيله
ماخلقت الدنيا ولا الدين في يوم = = واللي تمنى حربنا نعتديله
يومٍ من الجمعة على هلّت السوم = = عج الرمك كنّه عجاج النخيله
سقنالهم جمعٍ من الروق مزحوم = = مثل الخيال اللي ثقيلٍ مخيله
أولاد روق اللي كما دولة الروم = = مروج حدّ السيوف الصقيله
مركابنا من عقبه الجمع مثموم = = ولبس الحداد اللي ينزل جبيله
ومن طاح لاراحم ولاهو مرحوم = = قوم الصلاة بالعروق الطويلة
والبطن ماذاقت من الزاد مطعوم = = لين إلتقتهم خيلنا فالثقيله
وياطير ياللي في السما تكثر الحوم = = عان السدارا روسهم فالمسيله
وفهد ولد سدحان في مذبح القوم = = وراع الرويضه مالقى من يشيله
الذبح تسعمائة وزود من الموم = = وعودٍ من الروسان ردينا له نزيله
.................................. = = لكن اللي جاء من الله مالي فيه حيله

وقال سهاج قصيده ثانية لايحضرني منها سوى أربعة أبيات وهي :-
هاضتني جموع المسلمين = = جونا مثل عمدان القرادي
جونا من يسار ومن يمنين = = والدمام من صبحه ينادي
يالله ياشفيع المؤمنين = = روس الحضر نطلٍ فالمنادي
خلا العرق درعات الحمين = = ترعى من طلال ويالتنادي

وجميع هذه القصايد لم ترضي مسلط إبن ربيعان وطلب من شليويح وجميع شعراء الروقة قصيده أفضل .
فقال شليوح العطاوي قصيده أرضت مسلط وأرضت جميع الشعراء وهي :-
أول سلامي طلبت ذكر الله = = ماني عن الرب الكريم غناوي
أغفر ذنوبي يامحل ذنوبي = = إن كان في بدع كلامي غاوي
ماني بمن يمدح بقول لسانه = = ولاني على عشق البنات هواوي
على طلال الصبح خلت مخيله = = تاصل مناولها ليا الجرذاوي
وبروقها الهند ومصاليق العجم = = ورعودها البارود والعزاوي
وتمطر بعطشان المحبب والقنا = = كنّا بروس الخيرين تعاوي
جانا سعود مسيرِ بجنوده = = ومعه الدويش ولمّة الجداوي
ومعه جموع سباع وأهل العارض = = وصبيان يام وبارق القصماوي
ثمانية آلاف عداد جموعهم = = بلوى وربي يدفع البلاوي
وحنّا ثمانمائة عداد جموعنا = = ماش أجنبي فينا ولا برقاوي
أولاد روق اللي عديمٍ رايهم = = لاجاء من الحكام رد براوي
نبب عيلنا شيخنا إبن محمد = = ثم إنتهوا مثل العقاب الناوي
عودٍ تعصب في ظهر جلومد = = جلومدٍ مثل القضيب الهاوي
مترفعاً عنها اللحم بعلوّها = = شعلٍ شعاع شعلتٍ شعلاوي
وطحنا عليهم ثم عاونا الله = = لين إنها صارت لنا مناوي
ياكثرهم لاقرب الله دارهم = = وحنّا عليهم مثل نجمٍ هاوي
لكن شربتهم لوجهانا بهم = = شراد ريمٍ مع حمادٍ داوي
ولكن شربتنا لوجهوبنا = = ثمورٍ مخزنتٍ على الكراوي
ولك شدود الخيل قدم نحورنا = = صيد الخلا معطٍ مع الخلاوي
وطلحه نحو عنّا وبروا يسارهم = = وتعاقبوا دهم العروق هداوي
كنّ الجنايز في نحاوي طلحه = = جدع الخشب في الوادي السناوي
وحنّا تلاقينا بصلبة علوه = = وسعة طوع مطوعين الغاوي
ونخيت مزحم عز منهم ربعه = = يوم اللقاء زادوا ورى الهقاوي
ردوا يمانيهم لكل مجرب = = ياما خذوا من روح كل مساوي
نضرب بسلات الهنادى روسهم = = ونقسم مثانيهم ماهي بسطاوي
ونرخي عليهم حد كل موصلت = = وفعلها يحتار كل مداوي
ورويت جند الخلا من خيلهم = = لين إذبحو شرابت القهاوي
ومنعت سلطان البعير بينهم = = وشيوخ ماصدولهم نحاوي
يارب تنجيني وتنجي سابقي = = اللي يزبني على الأهاوي
مايلحق العنات هم وأتراكها = = ياكود يرسيها على السنداوي
حزمبرٍ كن الحزوف بطيها = = ولازيادة البز فالمطاوي
نضرب يداه في سريب الرقّه = = تأخذ من أدنى الحجم كبر الشاوي
كبن من الزادات وافٍ عدها = = بنت الأصول وركضها فجحاوي
أبرها وأم العيال تبرها = = تشرب حليب الفاطر الجنفاوي
وتطلع ٍ ....... في مركاضنا = = وصلت كسايرهم للجرذاوي
عزيلهم من أثمر في خيلهم = = يهوي علانا هواية النداوي
ولانحربوا من صد عن محرابها = = يوم إنقلاع الستر عن مضاوي
نطعن عين اللي تهل دموعها = = تبكي وفي تالي البكاء نخاوي
تقول يالظفران من عاداتكم = = ردوا عسى يبقالكم شلاوي
ونطعن عين اللي تجر حنينها = = عفرا تبى صيفية المطاوي
وفتني بالفك .................. = = دام الطعن يفك والأهاوي
ترعابنا جرد الرقاب وتنثني = = ماحدرت حسنه ليا الحدناوي
والمدح لله ثم لقصر محصن = = عسى لهم عند الإله عراوي
كم طلقوا من جادلٍ وعبوبه = = جرت على مضنونها النعاوي
وذوي ثبيت أهل المناخ شيوخنا = = هل العطف والمنزل المتساوي
سواقة المغتر على الحرابه = = يوم الحريب عن الحريب يلاوي
ياعايف الفنجان عدّه في مدوخ = = ومدًه لأبن صلال والجلاوي
وين زبون الحرد ابو ضيف الله = = لاكلّح الشارب عن الشفاوي
مايطلب الرجال عدّ أفعاله = = ولاني بجمع الهروج هقاوي
وأنا أحمد الله يوم أنا من لابه = = مهب من قصار البخوع شواوي


هذا ما نود إيضاحه بشأن كون طلال وأرجوا أن نكون أوصلنا الحقيقه حسب ماوصلتنا .
وأخيراً تقبلوا تحيات أخوكم ( إبن ثمر الثعلي ) .

[مشقاص]

اخواني الاعزاء المتعارف عليه لدى الغالبية العضمى من الناس أن مضاوي بنت ابن ربيعان والصحيح ان مضاوي هي بنت الدويش وامها شعيع بنت سلطان ابن ربيعان . يعني الرباعين خوالها وآخر من اكد لي المعلومه هو نايف بن عمر بن ربيعان وكيل الفوج في منطقة القصيم|165|

[سيحان]

الاخ ليل احب اصلح بعض الاخطاء التي وقعت فيها


اولا : كمنّي ما اتقفا الغافلين وليس كان اني



ثانيا : نور الشمس غاطيه العسام (غبار البارود والغبار الذي تثيره حوافر الخيل )



ثالثا : ذكرت (مرودنت السنام ) والاخ هنيس (مروجنت السنام ) وليس لهذه الكلمات معنى



الصحيح (مرودمة السنام ) اي الشحم متراكم عليه


رابعا : جانا النذير عصير مرذي الفطاير



خامسا : (خيل وسط خيل ) الصحيح (خيل نصت خيل)


سادسا : اللي تمنى حربنا نعتديله الصحيح (نعتبيله)


سابعا: لين انكفتهم خيلنا ( اقتفتهم خيلنا)


ثامنا : تاصل مناينها الى المطاوي الصحيح (الجرداوي)


تاسعا : الد روق اللي عريب جدهم ( عديم رايهم)


عاشرا: ندب (نبب)


الحادي عشر : تعطف (تعصب)


الثاني عشر : جلومز (جلومد)


الثاني عشر: جدع الخشب (طرح الخشب) جدع مهيب من لهجتنا


الثالث عشر : ياما خذوا من روح كل مساوي (انساوي يعني انسي مقتضيات الوزن) مساوي وش

معناها؟


اذكر بيت في مزحم يقول


تهللت دموعهم من روسهم ..................................... وسيوفهم قطاعتن ماتاوي




الرابع عشر : ابشري بالفك ياحم الذرى ( ابشرن ) جمع مع جمع



الخانس عشر : يامسوي الفنجال سقه لمدوخ


السادس عشر: لا كلّح الشارب عن الشفاوي


الاخ بن ثمر الثعلي الاخطاء عندك اكبر من انها تعدل



بيت شليويح واضح :: الشردان اشاروا بالرحيل ............ والظفران اشاروا بالمقام



اي انه فيه من اشار بالمواجه وفيه من اشار بغير ذلك

[يوسف السيحاني]

مشكور اللي كتب الموضوع الرائع فعلا

لكن يا ابن ثمر البيوت مو موزون يمكن موزونه لكن لم ترتبها


ولا القصيده معروفه




ولا هـــنـــت

[الفارس 2007]

مشكور على كتابه هذا الموضوع الرائع