الرئيسية التسجيل التحكم


اختيار تصميم الجوال

العودة   الهيـــــــــــــلا *** منتدى قبيلة عتيبة > المنتديات الأدبية > المحاورات المنقولة الكتابية والأراء النقدية

« آخـــر الـــمـــشـــاركــــات »
         :: كل عضو او شاعر يسجل بيتين غزل الفهاا من قصائده .. بشرط ان تكون غزليه فقط .. (آخر رد :الريشاوي)       :: ودي ولا ودي وابيهم ولا ابيه (آخر رد :الريشاوي)       :: واكتبي هذا أنا أنا ليلى العامرية (آخر رد :الريشاوي)       :: البيت لاعْجَبني اجاريه باحساس (آخر رد :الريشاوي)       :: أنـا لا تلوموني ولو ملـت كل الميل (آخر رد :الريشاوي)       :: اوافق .. واقول النفس صعبه مطالبها (آخر رد :الريشاوي)       :: الحب اقفى في ديانا ودودي (آخر رد :الريشاوي)       :: امير قبيلة المحاقنة قبل الدولة السعودية (آخر رد :متعب الوحيدب)       :: امير قبيلة المحاقنة قبل الدولة السعودية (آخر رد :متعب الوحيدب)       :: الشيخ عبدالله ابن جزعاء العازمي جمع غير الفروسيه الحكمه والفكر السياسي وبعد النظر (آخر رد :متعب الوحيدب)      

إضافة رد
أدوات الموضوع انواع عرض الموضوع
غير مقروء 12-Dec-2010, 11:42 PM رقم المشاركة : 1
معلومات العضو
فهد رشيد الزلامي
عضو ماسي
إحصائية العضو





التوقيت


فهد رشيد الزلامي غير متواجد حالياً

افتراضي الحناتيش لا غاب الزلامي رشيد ( الزلامي * السناني محمد)

السلام عليكم
أضع أمام أعينكم هذه المحاوره الممتعه بين الشاعرين رشيد الزلامي ومحمد السناني ضمن أولى الخطوات لإنشاء مكتبة محاورات للوالد في هذا المنتدى الشامخ وتحديدا في قسم المحاورات المنقوله بعد موافقة الإداره بإذن الله

وتقبلوا تحياتي .



السناني

ياسلامـي عليكـم بالنظـام الجـديـد=والريـاجـيـل مايهتـز مـقـدارهـا
الحناتيـش لاغـاب الزلامـي رشيـد=يم قبـر العطـاوي تلفـت أنظارهـا

الزلامي

مرحبا وأنت ضيفٍ جاينـا مـن بعيـد=عند ربعٍ تشـب النـار مـن نارهـا
إترك النـاس لوتـروح واحـد وحيـد=والقنـوات لاتاخـذ مـن أخبـارهـا


السناني

البقا يالزلامـي مـن هــو المستفـيـد=كان طاحت كبار القـوم وصغارهـا
وانت شيخٍ من الروقـه وباسـك شديـد=صافح شيوخ برقا طالـت اعمارهـا


الزلامي

مايضد الحديـد الصلـب غيـر الحديـد=وانـت مالـك بمدخلها ومضهـارهـا
كان ودك تمادى فـي العـذاب وتزيـد=سوقها لين تبـرك بـك علـى زارهـا


السناني

رأس ابو زيد يبكى والفقيد الفقيد=علم أصحابنا لاتخرب شعارهـا
عشت وانته وحيد وموت وانته وحيد=خطتك شيلها لاتكشف اسرارها


الزلامي

انت وشلـون جبـت السالفـه ياعنيـد=جبتهـا مـن يميـن الدار ويسـارهـا
يفعـل الله بخلقـه مايحـب ويـريـد=فالعرب شر وجهينـه مـن اشرارهـا


السناني

الكتـاب الموثـق والـكـلام الأكـيـد=قالـو البورصـه مختلـه اسعـارهـا
انت أظنك تقـول فراقهـم يـوم عيـد=الله اكبـر علـى الحفـره وحفارهـا


الزلامي

كل ماقلت شيطان العروبه يهيد=جتك بنت الحرام تدق مزمارهـا
وان رميت السهم مدري السهم وش يصيد=جعلها في بعير القوم وحمارها















رد مع اقتباس
غير مقروء 12-Dec-2010, 11:48 PM رقم المشاركة : 2
معلومات العضو
الجوراسي
عضو مميــز

الصورة الرمزية الجوراسي

التميز 
إحصائية العضو






التوقيت


الجوراسي غير متواجد حالياً

افتراضي

سلمت أناملك أخوي فهد على اتحافنا بمحاورات الوالد أطال الله في عمرة والتي تعتبر عقد فريد في عنق شعر المحاورة.

وسجلني متابع لك من الآن

تحياتي لك















رد مع اقتباس
غير مقروء 13-Dec-2010, 01:22 AM رقم المشاركة : 3
معلومات العضو
ابو فايح
مشـرف عام
إحصائية العضو






التوقيت


ابو فايح غير متواجد حالياً

إرسال رسالة عبر مراسل MSN إلى ابو فايح
افتراضي

كلااااااااام قوي ومعنى قوي الله أعلم به هل هو في حدود الشعر او أبعد من ذلك


سلمت أناملك يا فهد وننتظر محاورات لم تطرح فالنت من قبل والمنتدى منتداك ما يحتاج موافقه.















التوقيع
عالم تويتر



abofayeh@
رد مع اقتباس
غير مقروء 13-Dec-2010, 05:11 AM رقم المشاركة : 4
معلومات العضو
محمد البرازي
عضو نشيط
إحصائية العضو






التوقيت


محمد البرازي غير متواجد حالياً

افتراضي

رشيد الزلامي : امتداد المـاضي والحاضر .. رشيد والله يا فهد المعارف لا تعرف بوجود مثل هذه القامة الشعرية التي مهما سطرنا من جمال القول لا نوفيه حقه .. بظل النجوم المنيرة بسماء شعراء الهيلا ..
أجد لو كان للهيلا شاعر واحد فقط لكفاه هذا الشاعر ..
رشيد الزلامي معلم من معالم فن وسلك المحاورة ..
رشيد الزلامي مدرسة شعريه يتخرج منها من درس من هذا الأستاذ .
يعلم الله لست من هواة التطبيل والتزليف ولكن أجد بهذه الزاوية واجب علينا أن نمر ونعلق ونكتب ما يجول بخواطرنا للشاعر الكبير : رشيد .
يطول الحديث ولكن يعلم الله ما بقلبي أكبر مما تمليه لك عباراتي في ثنايا هذا الرد المختصر ..
وفق الله رشيد فوق كل أرض .. وتحت كل سماء .
أطال الله بعمره وحفظه وأحسن له الختام ..
شكرا لك لهذه المحاورة التي هي نوادر من نوادر الزلامي .
والشكر موصول لجنيه الذهب محمد السناني .
.















رد مع اقتباس
غير مقروء 13-Dec-2010, 01:12 PM رقم المشاركة : 5
معلومات العضو
سبار المعاني
عضو نشيط
إحصائية العضو





التوقيت


سبار المعاني غير متواجد حالياً

افتراضي

اقتباس:
الحناتيش لاغاب الزلامي رشيد ......يم قبر العطاوي تلفت أنظارها


اقتباس:
وانت شيخٍ من الروقه وباسك شديد.......صافح شيوخ برقا طالت اعمارهـا




اقتباس:
عشت وانته وحيد وموت وانته وحيد.........خطتك شيلهـا لاتكشـف اسرارهـا

اقتباس:
انت أظنك تقول فراقهم يوم عيد..............الله اكبر على الحفره وحفارها

شفتو؟؟؟؟؟؟؟؟؟؟؟؟؟؟؟


ياوجودي يالعقول الواعيه بس

تحريض وتفريق عيني عينك


وش الجديد عند السناني غار انه يدخل بين الرجال وولد عمه مار انه الزلامي















رد مع اقتباس
غير مقروء 13-Dec-2010, 02:27 PM رقم المشاركة : 6
معلومات العضو
سعيدان العتيبي
عضو نشيط
إحصائية العضو





التوقيت


سعيدان العتيبي غير متواجد حالياً

افتراضي

أكثر ما يعجبني في السناني انه يجيبها مزحه برزحه والفاهم بخيص وفي نفس الوقت يتسلط على معاني تقصم الظهر ويستغرب منها خصمه مثل هالقاف والدليل بيت الزلامي ( انت وشلون جبت السالفه ياعنيد = جبتها من يمين الدار ويسارهـا )

في هالقاف يظهر لي ان السناني يلمّح لأمارة الزلامي في سديرة منطقة (الوذانين) والشاهد ( انت شيخٍ من الروقه وباسك شديد = صافح شيوخ برقا طالت اعمارها )















رد مع اقتباس
غير مقروء 13-Dec-2010, 08:26 PM رقم المشاركة : 7
معلومات العضو
فيصل بن فهد الجهني
عضو ماسي

الصورة الرمزية فيصل بن فهد الجهني

إحصائية العضو






التوقيت


فيصل بن فهد الجهني غير متواجد حالياً

إرسال رسالة عبر مراسل MSN إلى فيصل بن فهد الجهني
افتراضي

الزلامي .. مدرسه شعريه عريقه .. من جيل العمالقه ... يمتلك كل مقومات شاعر المحاوره و كذلك النظم

خبرته الطويله .. جعلته من اكبر هامات ساحة المحاوره .. و الكلام لا يوفيه حقه


ومحمد السناني .. اعتبره مدرسه مستقله بذاته .. يمتلك اسلوب مغاير عن من سبقوه .. و هو شاعر محاوره من الطراز النادر .. يمتلك الطرافه و القوه في المعنى و كذلك الرمزيه الجميله التي لا تخلوا من صور جديده



سبار المعاني .. الجديد عند السناني .. تقدر تطلع عليه من خلال محاوراته .. فهو مدرسه و الكل يتعلم منها ..رجاءا لا تحرف الموضوع عن ماهو عليه .. و كذلك يجب احترام محمد السناني و صاحب الموضوع


و لك كل الشكر يا فهد على هذي المحاوره .. و بإنتظار مكتبة الوالد حفظه الله و رعاه



,,, تحيتي















رد مع اقتباس
غير مقروء 15-Dec-2010, 12:36 AM رقم المشاركة : 8
معلومات العضو
فهد رشيد الزلامي
عضو ماسي
إحصائية العضو





التوقيت


فهد رشيد الزلامي غير متواجد حالياً

افتراضي

شكرا لكم جميعا على مروركم

والقادم أجل بإذن الله.















رد مع اقتباس
إضافة رد

العلامات المرجعية


يتصفح الموضوع حالياً : 1 (0 عضو و 1 ضيف)
 
أدوات الموضوع
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا يمكنك اضافة مرفقات
لا يمكنك تعديل مشاركاتك

BB code is متاحة
كود [IMG] متاحة
كود HTML معطلة



الساعة الآن »11:56 AM.


 Arabization iraq chooses life
Powered by vBulletin® Version 3.8.2
.Copyright ©2000 - 2024, Jelsoft Enterprises Ltd
اتصل بنا تسجيل خروج   تصميم: حمد المقاطي