حنا الحفاه أهل الوفاء سر وجهار ** ليا ضيعت شقح العشاير نماها ــ قصيدة الرقاص

[الكرمان]

بسم الله الرحمن الرحيم


قصيدة الشاعر/ تركي منير الرقاص




قيلت هذه القصيده عندما كنا جيران لمحمد بن سلطان بن همجاء الحافي وتركي بن سلطان بن همجاء وشدينا من عندهم .. وقد كانو مثل للجيره الطيبه .. رحم الله ابو ناصر محمد بن سلطان بن همجاء وأطال الله في عمر تركي بن سلطان بن همجاء


سر ياقلم وأكتب بيوت من الاشعار
مــن واحـــدً يـــازن بـيــوتٍ بـداهــا
فكـره معـه والنـاس كلـن لــه أفـكـار
يالله عسى الجيران نكسب رضاهـا
مانيـب فـي مــدح الرياجـيـل هــذار
أمــدح رجـــالٍ عـــارفٍ مسـتـواهـا
أمدح رجالٍ تكـرم الضيـف والجـار
وتحرص على جيرانها من خطاهـا
تركي وأبو ناصر ليا صار ماصـار
ربـعً تعـدي خصمـهـا عــن حمـاهـا
شديت عنهم وأصبح القلـب محتـار
والعـيـن تنـثـر دمعـهـا مــن عنـاهـا
قامـت تهـل دموعهـا مثـل الأمطـار
مـن شـدة الفرقـى وحامـي لضـاهـا
تبكي علـى عشـرة وفييـن الاشبـار
ولا لــوم عيـنـي لــو تـزايـد عنـاهـا
نـاسٍ لهـم فـي مـاكـر الـعـز ميـكـار
مـــن بـــادي الـدنـيـا لـيــا منتـهـاهـا
أحبـهـم حــبٍ عـلــى غـيــر مـعـيـار
حـــبٍ معـالـيـق الـضـمـايـر فــراهــا
حب النقى ماهي سواليـف وأعـذار
أقـسـم بــرب البـيـت رافــع سمـاهـا
قلتـه وأنـا مـن لابـتٍ تغـل الاخـيـار
ومـن صكتـه غبـر الليـالـي نصـاهـا
يـلـقـى دلالٍ كـيـفـهـا بــــن وبــهــار
وحــيــلٍ يـقـلــط للـنـشـامـا قــراهـــا
يـرقـد بـمـان الله ونكفـيـه الأشــرار
وكــم سـربـتٍ نـردهـا عــن نـحـاهـا
ليا جا نهارٍ فيـه شخـاص الأبصـار
وكـــلاً تـذكــر عـزوتــه واعـتـزاهـا
نثنـي ليـا مـن الغضـب والملـح ثـار
بـمـسـلـبــاتٍ لــلــعــداه أنـحــســاهــا
حنا الحفاه أهل الوفاء سر وجهـار
ليـا ضيعـت شـقـح العشـايـر نمـاهـا
نـردهـا لــو أشـهـب المـلـح زجـــار
ونـــذل دقـــلات الـعــدى ونـحـداهـا
عـن مابغـو نسقيهـم الـمـر بـامـرار
وتـزيـد علـتـهـم ويـصـعـب دواهـــا
وصــلاة ربـــي عـــد مـــازار زوار
للبـيـت والكعـبـه وجـــاء مستـعـاهـا
عـلـى النـبـي خـاتـم نبيـيـنٍ أخـيــار
علـى طـريـق الـحـق الامــه هـداهـا

وتقبلو خالص تحياتي

منقول

آخر تعديل الكرمان يوم 21-Oct-2012 في 06:30 AM.

[البتّار]

والله ونعم بالحفاة لاهنت الكرمان عالقصيدة

[العــــــــابر]

ونعم بالاد حافي مروية حد الرهافي

صح لسانك وسلمت يمينك

التوقيع

سبحان الله وبحمده سبحان الله العظيم سبحان والحمدلله ولااله الا الله والله اكبر ولاحول ولاقوة الا بالله

[الكرمان]

البتار


ونعم فيك واشكرك على المرور المشرف

[الكرمان]

العابر

صح بدنك واشكرك على المرور