زبن القاضي وتركي 2000 طاروق رائع

[ابو فايح]

تقرير عن الحفل كاملا

http://www.otaibah.net/m/showthread.php?t=123247


وإخترت هذا الطاروق


طاروق لو لم أسمع تلك الليله إلا هو لأكتفيت شعرا


طاروق يدور معناه حول قدرة مكتب تركي 2000 وشركائه على مزاحمة مكاتب عتيبه في الطائف

طاروق كان فيه زبن القاضي في قمة حضوره
وكذلك تركي 2000 ولو أنه أكثر من الامثله و البيوت المشهوره وكرر (لكن ) اكثر من مره .

طاروق فيه الكثير من الفنيات الرائعه
( ياتركي القوه ترى ماهيب في كثر العدد )
( حزب تركي 2000 والشعراء الذين كلمهم للإنضمام للمكتب )
(احسبك حسابك في نهار السبت والا فالاحد)
(تحدي قوي أما الإستسلام والأنضمام إلينا أو العكس )
(الا الجبال النايفه صعبه عليك تهدها)
(ستأخذ نصيبك ولكن من الصعوبه التغطيه على الجبال النايفه مكاتب عتيبه )
(اهل البلد حكام وانته جيت من برى البلد)
( عتيبه مسيطرين على الوضع الشعري وحاكمين له فالمنطقه )
(اخر حياة الادامي قطعة قماش وفي لحد**لون نفس الادامي ماودها ماودها)
(بيت عن مئة بيت )
(الاوله والثانيه والثالثه واللي بعد**يبا يبين ويتضح جزر البحور ومدها)
(كأن تركي 2000 يقول الوعد قدام )

زبن القاضي

الليلة الشعار مجتمعين في قصر السعد=يالله عساها قوة ً مافيه قوه ضدها
ياتركي القوه ترى ماهيب في كثر العدد=ولايقدم للمهمه غير منهو قدها

تركي الميزاني

الليلة الشعار مجتمعين في وقت الوعد=لكن بد علومك اللي في ضميرك بدها
احسبك حسابك في نهار السبت والا فالاحد=اما تسلم خنجرك ولا تقوم تحدها

زبن القاضي

المجتهد ياخذ نصيبه وانت خلك مجتهد=الا الجبال النايفه صعبه عليك تهدها
مافيه بيت يقوم بالاطناب من غير العمد=عد البيوت العامره يابن عطالله عدها

تركي الميزاني

يازبن لاتقرب من الغابه وياكلك الاسد=دور حصاة ً من حصاء الطايف وخلك سدها
ابوي عقب له ولد وابوك عقب له ولد=لكن لاتقعد تمشط لحيتك وتكدها

زبن القاضي

اهل البلد حكام وانته جيت من برى البلد=والكلمه اللي قلتها لن طعتني ترتدها
اليا جمد دمك ترى دم العتيبي ماجمد=البدو مهما كان ماتنسى مكانة جدها

تركي الميزاني

ادور الحكام والحكام ماعينت احد=لكن عينك لاتنوشها الكحل ويسدها
,,,,,,,,,مايصحي النايم ليامنه رقد=وليا صحاء ماعنده الا دمعة ً في خدها

زبن القاضي

أخر حياة الادامي قطعة قماش وفي لحد=لون نفس الادامي ماودها ماودها
اشرد عن السيل القوي ولانته اول من شرد=وان كان عظمك مايشيلك مد كفك مدها

تركي الميزاني

الاوله والثانيه والثالثه واللي بعد=يبا يبين ويتضح جزر البحور ومدها
انته بلا حقران يالقاضي يروعك الرعد=لكن صد العين عن بعض السوالف صدها

التوقيع

عالم تويتر abofayeh@

[غالب الذيابي]

:
:
:



نزال قوي ، واجمل مافيه واقعية الترميز ، ليست الواضحة وليست المعقدة..

شكرا ابو فايح.
:
:
:
:
:

التوقيع

: : : إذا الكريمُ رأى الخمولَ نزيلـهُ=في منزل فالحـزمُ أن يترحـلا كالبدرَ لمّا أن تضاءل جدّ فـي =طلبِ الكمـال ِ فحـازهُ متنقـلا سفهاً لحلمكِ إن رضيتَ بمشربٍ =رمق ٍ ورزق الله قد ملأ المـلا لا ترضَ من دنياكَ ما يدنيكَ من =دنس ٍ وكن طيفا جلا ثم انجـلا صفحتي على التويتر

[عبدالمجيد النفيعي]

ياسلام ياسلام

المجتهد ياخذ نصيبه وانت خلك مجتهد=الا الجبال النايفه صعبه عليـك تهدهـا
مافيه بيت يقوم بالاطناب من غير العمد=عد البيوت العامره يابن عطالله عدهـا

،،

أتوقع إن مقصد تركي في الشطر الثاني إن أنا وأنت رياجيل عيال رياجيل مايحتاج تلمع لقبيلتك قدامي ، لكن أشوف إن التركيب البيت ماهو بالحيل (تمشط و تكدها) وفي صورة البيت الحقيقية لاغبار على الرجل إذا مشط لحيته لماذا تركي كأنه ينتقده بهالصورة

والشاعر تركي أيضاً واضح إنه من خلال هذه الأبيات مايبي الخوض في المعنى هذا والإبتعاد عنه ولكن بخصومة شاعر

يازبن لاتقرب من الغابـه وياكلـك الاسـد=دور حصاة ً من حصاء الطايف وخلك سدها

ادور الحكام والحكام ماعينـت احـد=لكن عينك لاتنوشها الكحل ويسدهـا

والجميل في الطاروق أيضاً مثل ماقال اخوي غالب رمزية وليست معقدة

التوقيع

تذكر قول الرسول صلى الله عليه وسلم :-"المسلم من سلم المسلمون من لسانه ويده" أتشرف بزيارتكم لمتصفحي في شهر رمضان : مــهــاذيــب ، على هذا الرابط أضغط هنا

[سلطان البقمي]

انته بلا حقران يالقاضي يروعك الرعـد
لكن صد العين عن بعض السوالف صدها



رد وافي وطاروق جيد جداًً



مشكور على النقل

[تركي ابن مكه]

طاروق جميل جدا
اشرد عن السيل القوي ولا انت اول من شرد
وانكان عضمك مايشيلك مد كفك مدها

بيت جميل من زبن اذا يقول يتركي انحش عن الطايف ومحاورتها اذا لك اكثر من ثلاث سنوات لم تلعب في الطائف
الا محاورتين او ثلاث
وانت لست الوحيد الذي شرد وامتنع
وقصد زبن ان الجلاوي موجود في الطائف يتركي لذلك ابتعد كما انت دائم مبتعد عن مقابلته حتى لاتجمعك به مناسبه وهذا من زبن قمة الشعر والسخريه
وافضل الشعر في المحاورة هو شعر التهكم والسخريه
والدليل ان هذا القصد شطر بيت تركي
لكن صد العين عن بعض السوالف صدها
يعني لاتدخلني في مواضيع مابي ادخلها
وسؤال اطرحه للذي ليس مقتنع لماذا تركي غير مساره الشعري بعد قدوم 0000000للمحاورة

[فايز بن سرحان الثبيتي]

كان ابو نهار في قمة حضوره


من اقوى المحاورات التي قرأتها لزبن القاضي


والميزاني لازال ند قوي "

التوقيع

إذا شئت أن تحيا سليما من الأذى=وحظك موفور وعرضك صين لسانك لا تذكر به عورة امرىء=فكلك عورات وللناس السن وعينك إن أبدت إليك معايبا = فصنهاوقل يا عين للناس أعين وعاشر بمعروف وسامح من اعتدى=وفارق ولكن بالتى هى أحسن

[فيصل بن فهد الجهني]

والله طاروق كايف .. و الاثنين ما قصروا

تركي شاعر .. بمعنى الكلمه .. و يقدر يلعب على كافة انواع فنون المحاوره .. و شهادتي فيه مجروحه

و زبن .. شاعر قوي جدا .. حكيم و هادي .. و يمتلك جزاله ماهي طبيعيه .. ما شاء الله تبارك الله .. ابشروا بعصيمي جديد يا عتيبه ..!!



ولا هنت يا ابو فايح .. انت طيب و لا تجيب الا العلوم الطيبه


,,, تحيتي

[نواف الشيباني]

شكراً يابو فايح محاوره جميله وشعراء كبار

[رائد الكيرعاني القحطاني]

المشاركة الأصلية كتبت بواسطة تركي ابن مكه

طاروق جميل جدا
اشرد عن السيل القوي ولا انت اول من شرد
وانكان عضمك مايشيلك مد كفك مدها

بيت جميل من زبن اذا يقول يتركي انحش عن الطايف ومحاورتها اذا لك اكثر من ثلاث سنوات لم تلعب في الطائف
الا محاورتين او ثلاث
وانت لست الوحيد الذي شرد وامتنع
وقصد زبن ان الجلاوي موجود في الطائف يتركي لذلك ابتعد كما انت دائم مبتعد عن مقابلته حتى لاتجمعك به مناسبه وهذا من زبن قمة الشعر والسخريه
وافضل الشعر في المحاورة هو شعر التهكم والسخريه
والدليل ان هذا القصد شطر بيت تركي
لكن صد العين عن بعض السوالف صدها
يعني لاتدخلني في مواضيع مابي ادخلها
وسؤال اطرحه للذي ليس مقتنع لماذا تركي غير مساره الشعري بعد قدوم 0000000للمحاورة

أجمل رد كعادتك يا سمي ابو رهف


لاهنت يا بو فايح

[تركي ابن مكه]

المشاركة الأصلية كتبت بواسطة رائد الكيرعاني القحطاني

أجمل رد كعادتك يا سمي ابو رهف


لاهنت يا بو فايح

يارايد حمد لله على السلامة بعد الحادث
على فكرة انا سمي ابوضيف الله الامير تركي بن حميد