يومك تقعّد لي ياساهر ماهو عيب ؟؟؟

[زياد المزرمي]

يومك تقعّد لي ياساهر ماهو عيب !! = ولا على شاني مواطن مسيكين ؟
ان كان تهدف تاخذ اللي ورا الجيب ! = قلي وانا اقسم معاشي على اثنين
لك نصه ولي نص فرصه وتجريب = واوعدك في حفظ العهد والقوانين
ماهو بتسرقني ومن منطلق طيب = وتقول انا خايف عليك ولك معين
الطيب ! ماهو تختل الناس بالغيب = وتسهر لجل منهم تدّخل ملايين
نورك شكت منه الضلوع المحاديب = وزوّد تلفّاتي من يسار ويمين
يابرق كنا لك نسوق التراحيب = واليوم شوفك ما ابهج النفس والعين
لاصار ساهر برقه يسبب الشيب = من لاح في جوّه غدا وابله دين
سيرتك صدفه مالها أي ترتيب = إلا اربع حروفٍ على حد ( قوسين )
إبدايتك في داخل الباص تركيب = وهالحين لك هيبه ومنصب وتمكين
يحق لك لا صرت تركب على جيب = ولاّ كما الصرّاف من بين هايوين
قدّام لا ناصلك نسعى مهاذيب = وليا وصلنا لك نجيلك مهدّين
لإن العلاقه بيننا مابها ريب = علاقة ضحية على حد سكين

التوقيع

عز الله اني فالوصل ماني بشي !! = ولا الحقوق .. اقولك عد واغلط !! دام المواجه حظ .. ويحالف الحـي = لابد مايحصل ( هلاوين وإقلـط ) زيـاد الـمـزرمـي ziadsm@windowslive.com

[أخو جوزا]

صح لسانك يازياد

[سيف نت]

صح لســــــــــــانك

[زياد المزرمي]

اخو جوزا

صح بدنك يالغالي

ومشكور على المرور

خالص تحياتي

[حسن إبراهيم الدجيماء]

..

قـدّام لا ناصلـك نسعـى مهاذيـب = وليا وصلنـا لـك نجيلـك مهدّيـن
لإن العلاقـه بيننـا مابهـا ريــب = علاقة ضحيـة علـى حـد سكيـن

..

تصوير مجنون يالشطيطي .. لايتقنه إلاّ الكبار !!

..

صح لسانك مليون .. وبيض الله وجهك تيليريون

..

في إنتظآآر جديدك ياذيبآآآن .. ونتطلّع للمزيد والمزيد

..

إحترامي !!

..

[بن ساعد الثبيتي]

صصصصصح لسسسسسسانك يازيآآآآآآآآد

والله يعيننا على هالساهر *_*

تقبل مروري يالقرم

[رائد الكيرعاني القحطاني]

يا سلام يا سلام يا زياد



شاااااااااااعر والشعر يتحراك



اعجابي

[زياد المزرمي]

سيف نت

صح بدنك يالغالي

مشكور على المرور

[زياد المزرمي]

حسن ابراهيم الدجيماء


صح بدنك ياسنايدي


والابدااع يكمن في مرورك وتشريفك


شهادتك وسام يالغالي

[ولد الضيغمي]

صح لسانك يا زياد

وساهر الله يستر منه ويعين الخلق على مصاريفه