زبن القاضي//عيضه الثبيتي

[شاكر الثبيتي]

محاوره رائعه بين الشاعرين عيضه الثبيتي وزبن القاضي

:
:

عيضه الثبيتي

سلام ردّه والعذر منكـم علـى طـول الغيـاب=وعساني اليا غبت ما ارجع غير مرجاع المطر!!
مير أنت يالقاضي وش يكفّيك من وبل السحاب؟=الوسم دوبه ..والبروق تلوح من بعد العصـر!!

زبن القاضي

مع السلامه فالذهاب ومرحبـا بـك فالإيـاب=خلك نشوفك يالثبيتـي كنـك هـلال الشهـر
ياعيضه انت تشوفلك نو ٍ على روس الهضاب=والخير مقبل والبروق تلوح من بـر وبحـر

عيضه الثبيتي

الطيب مانستغربه منكـم ولافيـه اغتـراب=قدّم تراحيبك وخل مع السلامـه فالسفـر!!
القاضي اللّي حط فجناح الصقر ريشة غراب=مايدري إنّه ياعتيبه شوّه جنـاح الصقـر!!

زبن القاضي

ياطيبكم طيباه ياهل السيل عوجان الرقاب=اما بنيتوهـا لبـن والا بنيتوهـا حجـر
الاولات الصايبه والثانيه ماهي صـواب=والفرق واضح يالثبيتي فالشيوخ وفالجبر

عيضه الثبيتي

ترى العواجه مالها دايم على أهل السيل باب=يالقاضي اللّي عن خطأك أظن ماتلقى عذر!!
قدام تتبع جًرّة ابو زيـد والزيـر وذيـاب=أخير لك جُرّة رسول الله وابو بكر وعمر!!

زبن القاضي

أسما البدو نجر وصنت ومعيض وحويل وعقاب=تلـذذو يابـدو بانعمـه وخلـوكـم حـضـر
سنة رسول الله اعلمها الكبيـر مـع الشبـاب=وان كان الك وجهت نظر عندي بعد وجهت نظر

عيضه الثبيتي

أثرك يوم أنّك نهـار العيـد طـرّزت الثيـاب=طاري عليك أنّك تطوّر ..مير تبشـر بالفقـر!!
الله يرحـم جـدّك المرحـوم حـلاّل الصعـاب=يبيك قاضي وأنت جيت مع الأسف.. علّة نحر!!

زبن القاضي

انته ثبيتي في جبال السيل ماعندك حساب=مانت بشريكي فالحياه ولاشريكي فالقبـر
دنياك يامغرور ماتسوى جناحين الذبـاب=ان كان مانته ماقتنع ماهمني لو تنفجـر