(((سرمديات الدروب)))

[ناصر المرشدي]

من القديم للتواصل والمعذره عن الانقطاع

خيلت تبرق وترعـد وتدفعهـا الهبـوب=قبـل لانسمـع رعدهـا تلـوح بروقهـا
مدلهمـه برقهـا فـي مقادمهـا شبـوب=يالله انـك يـم هـاك الديـار تسوقـهـا
بامـر رزاق المخاليـق غفـار الذنـوب=لاتسـاوت فوقهـا تنثـر المـاء فوقهـا
ديرتن في صوب عني وانا عنها بصـوب=والمشاعـر صادقـه مستحيـل تبوقـهـا
والله اني يـوم تطـري عليـه دوب دوب=اتحايـل فـي ظميـرن يتلـه شوقـهـا
الهوا سقـم الهـواوي وسـلال القلـوب=والهواويـه طـوال الـدروب تعوقـهـا
وكل ماذكر دونهـا سرمديـات الـدروب=قلت كيف اقوى عليهـا وكيـف اطوقهـا
بس اناحاسي لها اللي يجوب الارض جوب=لامشى من سرعته كـن الارض يحوقهـا
لعترض لك كنه الذيـب مبـري الجنـوب=صنعت الـي نصنـا ماعـرف منطوقهـا
بالطبايـع والقيـم والعوايـد والسلـوب=عالـمٍ مايتفـق ذوقنـا مــع ذوقـهـا
عالمٍ تلبست غيـر ثـوب الحـق ثـوب=جعلها فـي شعلـة النـار ليـن تذوقهـا
المهم اني من الوجـد يانجـد مغصـوب=ابدع بيـوت القصيـده علـى طاروقهـا
ترتفع شمس الضحى واتحـرى للغـروب=وكل ماغابـت عيونـي تخيـل شروقهـا
يابعد من فالشمال وبعـد مـن فالجنـوب=الكرى حـارب عيونـي وفـارق موقهـا
شاربٍ غلاك يانور عينـي كـوب كـوب=لين رويت منـه كبـدي وبـل عروقهـا
مال غيرك في سفينـة معاليقـي ركـوب=لبستـك وسامهـا مـن غـلاك وطوقهـا
نوب اخيلك قدم عيني بعيني بـس نـوب=الوسيعـه لاختفـت صورتـك ياظوقهـا
ادري ان الهجر منبوذ والوصل محبـوب=والوفاء شجـره علينـا تميـل عذوقهـا
لو ذكرى من تمنيت عـن شوفـه تنـوب=كـان ماتعبـت الاقـدام يـوم اسوقـهـا
الهواوي عـن مهاويـه مايقـدر يتـوب=لـو عبـرات الولايـف تغـص حلوقهـا
والهوى غـلاب ومولـع القلـب مغلـوب=لـو ربعـه فاللقـا ماتضيـع حقوقـهـا
والقدم تنساق لا سقتها يم الغروب=يالله انـك يـم هـاك الديـار تسوقـهـا

وسلامتكم

التوقيع

nasser1-9@hotmail.com http://www.facebook.com/profile.php?id=100002473132393 twitter@nasseralmarshde

[أخو جوزا]

المهم اني من الوجـد يانجـد مغصـوب
ابدع بيـوت القصيـده علـى طاروقهـا



صح لسانك يابوتركي ومالك لائم فى نجد

التوقيع

قال الله تعالى: ﴿وَالْعَصْرِ * إِنَّ الإِنسَانَ لَفِي خُسْرٍ * إِلاَّ الَّذِينَ آمَنُوا وَعَمِلُوا الصَّالِحَاتِ وَتَوَاصَوْا بِالْحَقِّ وَتَوَاصَوْا بِالصَّبْرِ ﴾

[وصل الشهيب]

خيلت تبرق وترعـد وتدفعهـا الهبـوب=قبـل لانسمـع رعدهـا تلـوح بروقهـا
مدلهمـه برقهـا فـي مقادمهـا شبـوب=يالله انـك يـم هـاك الديـار تسوقـهـا
بامـر رزاق المخاليـق غفـار الذنـوب=لاتسـاوت فوقهـا تنثـر المـاء فوقهـا
ديرتن في صوب عني وانا عنها بصـوب=والمشاعـر صادقـه مستحيـل تبوقـهـا
والله اني يـوم تطـري عليـه دوب دوب=اتحايـل فـي ظميـرن يتلـه شوقـهـا
الهوا سقـم الهـواوي وسـلال القلـوب=والهواويـه طـوال الـدروب تعوقـهـا
وكل ماذكر دونهـا سرمديـات الـدروب=قلت كيف اقوى عليهـا وكيـف اطوقهـا
بس اناحاسي لها اللي يجوب الارض جوب=لامشى من سرعته كـن الارض يحوقهـا
لعترض لك كنه الذيـب مبـري الجنـوب=صنعت الـي نصنـا ماعـرف منطوقهـا
بالطبايـع والقيـم والعوايـد والسلـوب=عالـمٍ مايتفـق ذوقنـا مــع ذوقـهـا
عالمٍ تلبست غيـر ثـوب الحـق ثـوب=جعلها فـي شعلـة النـار ليـن تذوقهـا
المهم اني من الوجـد يانجـد مغصـوب=ابدع بيـوت القصيـده علـى طاروقهـا
ترتفع شمس الضحى واتحـرى للغـروب=وكل ماغابـت عيونـي تخيـل شروقهـا
يابعد من فالشمال وبعـد مـن فالجنـوب=الكرى حـارب عيونـي وفـارق موقهـا
شاربٍ غلاك يانور عينـي كـوب كـوب=لين رويت منـه كبـدي وبـل عروقهـا
مال غيرك في سفينـة معاليقـي ركـوب=لبستـك وسامهـا مـن غـلاك وطوقهـا
نوب اخيلك قدم عيني بعيني بـس نـوب=الوسيعـه لاختفـت صورتـك ياظوقهـا
ادري ان الهجر منبوذ والوصل محبـوب=والوفاء شجـره علينـا تميـل عذوقهـا
لو ذكرى من تمنيت عـن شوفـه تنـوب=كـان ماتعبـت الاقـدام يـوم اسوقـهـا
الهواوي عـن مهاويـه مايقـدر يتـوب=لـو عبـرات الولايـف تغـص حلوقهـا
والهوى غـلاب ومولـع القلـب مغلـوب=لـو ربعـه فاللقـا ماتضيـع حقوقـهـا
والقدم تنساق لا سقتها يم الغروب=يالله انـك يـم هـاك الديـار تسوقـهـا

الأخ الشاعر

ناصر المرشدي

رائعه بكل ماتعنيه الكلمه من معنى

الشوق للموطن ومن يقطنه كان جميلاً

الإحساس الصادق تجلاَ بوضوح هنا

المقدره الشعريه الفايقه

شاعر متمكن

سقى الله نجداً والمقيم بأرضها

لعنبو من لامك ياناصر في محبة نجد

قصيده راقت لي كثير

صح لسانك وسلم بنانك وجاد بيانك

تحياتي

التوقيع

ماعالج الجرح الكبير إلا صدور أمراً كبير=الأمر سامي واصبح كحيلان بولايه عهد حراً يموت وحر بالجنحان ينهض بالمطير=حمل الأمانه لو ثقيله قدها يابو فهد وصل بن وصل الله الثبيتي

[محمد العتيبي]

الله الله الله



ابطيت عنا ياناصر وحضرت لنا برائعه بل دره ..



تحيتي لك
..

التوقيع

للتواصل عبر twitter تويتر al_bargawy@

[زبــــــون الحــــرد]

الله الله


ناصر عدت وعاد الأبداع

قصيده جزله من شاعرجزل


لله دررررررررررررررررك مدد



تقديري لك

[عناد الشيباني]

لله درك
وصح الساااانك
مدد بلا عدد

وبيض الله وجهك

[أبونايف الروقي]

تسلم ياأبا تركي على الإبداع الذي تعودناه دائماً من شخصك
تقل مروري وأعجابي

[سـعـد الـعـصـيـمـي]

لو ذكرى من تمنيت عن شوفـه تنـوب
كـان ماتعبـت الاقـدام يـوم اسوقهـا
الهواوي عـن مهاويـه مايقـدر يتـوب
لـو عبـرات الولايـف تغـص حلوقهـا
والهوى غلاب ومولـع القلـب مغلـوب
لـو ربعـه فاللقـا ماتضيـع حقوقهـا
والقدم تنسـاق لا سقتهـا يـم الغـروب
يالله انـك يـم هـاك الديـار تسوقهـا


عزالله انك من الشعار اللي نشفق على قصايدهم
صح لسااااانك

[أسير القوافي]

الله الله




صح لسآنك أستاذي : ناصر ،،





سعدت بقرائتها ،، وشفوق لمثيلاتها





مروري

[فايز بن سرحان الثبيتي]

المهم اني من الوجـد يانجـد مغصـوب
ابدع بيـوت القصيـده علـى طاروقهـا


الله الله



صح فكرك وبنانك ولسانك يابو تركي "

التوقيع

إذا شئت أن تحيا سليما من الأذى=وحظك موفور وعرضك صين لسانك لا تذكر به عورة امرىء=فكلك عورات وللناس السن وعينك إن أبدت إليك معايبا = فصنهاوقل يا عين للناس أعين وعاشر بمعروف وسامح من اعتدى=وفارق ولكن بالتى هى أحسن