لم الحزن ؟

[المعتبر]

ألا يا عيوني لا تزيدين ضيقاتي كفى ماجرى لي من عوادي ونكبات
تجرعت كاس المر والهم والعناء ولا فاد في الأيام صبري وحيلاتي
تهد العواصف كل ما أبني وأنا الذي صعيب يا أبو غزاي تحقيق غاياتي
مضى ليال جعلها ما تعود لي تبات العرب وأنا ليا الصبح ما أبات
عيوني غدت للسهر مركز ومنتجع وقلبي غدى للهم دار اجتماعات
علىالهون ياعيني عن السهر والبكاء ترىالدمع يحيي عرق الأحزان لومات
هذا الدور وأنتي كل ليلة مروحة لكن وش كسبتي غير سهري وضيقاتي
وأنا يوم أقوله ناصح لك وخايف ويكفيك للعبرة من الدرس ما فات
وأنا مقتنع والوقت هذي طبيعته ليا زان مرة ضيق الصدر مرات
أمور يقدرها الإله ونطيعه وفي طاعة الله يسهلن الصعيبات
ولو إن في صدري هموم تلوبني تعاقب على قلبي جماعات وأفوات
تثور علي أحزان ما لي بها عهد وترسم على صفحة زماني معاناتي
هموم ليا قلت استقلت وغادرت تجيني تدق طبولها بالمثارات
تكالب علي وكل باب تقفله تضيق علي فجوج الأرض الوسيعات
خدعني سراب اللال يلمع ويطرد وأنا ما حسبت حساب طول المسافات
وأنا كل ما أذكر غلطتي في البداية تفجر على صدري براكين حسراتي
بنيت المباني فوق ساس من الهوى ولا بانت إلا عقب شهرين غلطاتي
سكن ذاري النسناس لحظة وحاسني وتهاوت على الأنقاض كل البناياتي
هذا الشوط الأول والله أعلم بما بقى عسى الله يجيب الباقية بالسلامات
وأنا يعلم الله ما أتعدى ولا أعتدي ويلقى كلامي من تتبع بصماتي
وأنا عبد ما زكيت نفسي على الله وقلة خطاي من أكبر المستحيلات
وأنا أشوف كل له طريقة وسيرة وأنا سيرتي تطبيق ديني وعاداتي
وأنا ما أتعامل مع هل الغي والجهل ولا أسلك طريق ما يحقق طموحاتي
ولكن هذا شيء الله مقدره عساه يتجاوز عن ذنوبي وزلاتي
ليا صرت لا حاسد ولاني بواشي ولاني بقطاع لوصل القرابات
ولا قط غشيت العباد وظلمتهم ولا قمت بالتفريق بين الجماعات
أعاشر هل الرأي المحنك وأحبهم ولا أمشي مع اللي في طريقه شبوهات
وأصاحب هل الإخلاص والعلم والتقى نظاف القلوب أهل الوفاء والمرواتي
وأحافظ على جزل المبادي وأصونها ولا أفرح على ربعي عدوي وشماتي
ولاني بأجازي بالردى فاعل الردى ولاأسير خطوة لين أحسب حساباتي
وأسامح وأقدر وأحتمل وأتجاهل ولا أبحث عن اللي فات واللي يبى يأتي
أحدد هدف وأسلك له أفضل مسالكه ولا أركض وراء الأوهام وأضيع أوقاتي
على منهج المختار أواصل مسيرتي وعلى الطايلات أرخى الأعنة لهقواتي
وأمد النظر قدام وأفطن لما مضى ولا أخاف غير الله عليم الخفيات
سلاحي رجاي بعفو ربي ورحمته وزادي جميل الصبر عند الملمات
ولا أقول أنا الصايب وغيري على خطأ متى ما عرفت الحق أغير قناعاتي
ولاأقول أنااللي ماأخطي الدرب والهدف يا كم مرة زمن الأهداف رمياتي
ولا أرفع يديني غير للواحد الصمد هو القادر اللي عالم كل نياتي
عليه اعتمادي في مراحي وجيتي ومنه أستمد العون في سد حاجاتي
تتابع عليه كل ساعة فضايله وله الحمد مني عد ما في السماوات
عسى النيم يصحي من منامه ويعتبر ولا يبني الجايات مثل القديمات
يشيد مبانيه الجديدة على حجر ويحسب حساب الصادرة والمغبات
وأصلي وأسلم عد ما ذعذع الهوى على المصطفى بأزكى وأعز الصلوات


آمل من الأخوة الأعضاء عرض القصيدة بشكل أجمل ولهم مني الشكر

حشر بن جهجاه العتيبي

[سعد حميد الثبيتي]

صح لسانك ياالمعتبر لين ترضى على هذه المعلقه الجزله وبيض الله وجهك بياض كل يشوفه

[المعتبر]

المشاركة الأصلية كتبت بواسطة سعد حميد الثبيتي

صح لسانك ياالمعتبر لين ترضى على هذه المعلقه الجزله وبيض الله وجهك بياض كل يشوفه

صح بدنك وبيض الله وجهك ياسعد

[محمد العتيبي]

صح لسانه


وسلمت يمينكـ على النقل

التوقيع

للتواصل عبر twitter تويتر al_bargawy@

[المعتبر]

ألا يا عيوني لا تزيدين ضيقاتي = كفى ماجرى لي من عوادي ونكبات
تجرعت كاس المر والهم والعناء= ولا فاد في الأيام صبري وحيلاتي
تهد العواصف كل ما أبني وأنا الذي= صعيب يا أبو غزاي تحقيق غاياتي
مضى ليال جعلها ما تعود لي= تبات العرب وأنا ليا الصبح ما أبات
عيوني غدت للسهر مركز ومنتجع= وقلبي غدى للهم دار اجتماعات
علىالهون ياعيني عن السهر والبكاء= ترىالدمع يحيي عرق الأحزان لومات
هذا الدور وأنتي كل ليلة مروحة= لكن وش كسبتي غير سهري وضيقاتي
وأنا يوم أقوله ناصح لك وخايف= ويكفيك للعبرة من الدرس ما فات
وأنا مقتنع والوقت هذي طبيعته =ليا زان مرة ضيق الصدر مرات
أمور يقدرها الإله ونطيعه= وفي طاعة الله يسهلن الصعيبات
ولو إن في صدري هموم تلوبني= تعاقب على قلبي جماعات وأفوات
تثور علي أحزان ما لي بها عهد= وترسم على صفحة زماني معاناتي
هموم ليا قلت استقلت وغادرت= تجيني تدق طبولها بالمثارات
تكالب علي وكل باب تقفله= تضيق علي فجوج الأرض الوسيعات
خدعني سراب اللال يلمع ويطرد= وأنا ما حسبت حساب طول المسافات
وأنا كل ما أذكر غلطتي في البداية= تفجر على صدري براكين حسراتي
بنيت المباني فوق ساس من الهوى =ولا بانت إلا عقب شهرين غلطاتي
سكن ذاري النسناس لحظة وحاسني =وتهاوت على الأنقاض كل البناياتي
هذا الشوط الأول والله أعلم بما بقى= عسى الله يجيب الباقية بالسلامات
وأنا يعلم الله ما أتعدى ولا أعتدي= ويلقى كلامي من تتبع بصماتي
وأنا عبد ما زكيت نفسي على الله= وقلة خطاي من أكبر المستحيلات
وأنا أشوف كل له طريقة وسيرة= وأنا سيرتي تطبيق ديني وعاداتي
وأنا ما أتعامل مع هل الغي والجهل= ولا أسلك طريق ما يحقق طموحاتي
ولكن هذا شيء الله مقدره= عساه يتجاوز عن ذنوبي وزلاتي
ليا صرت لا حاسد ولاني بواشي= ولاني بقطاع لوصل القرابات
ولا قط غشيت العباد وظلمتهم =ولا قمت بالتفريق بين الجماعات
أعاشر هل الرأي المحنك وأحبهم =ولا أمشي مع اللي في طريقه شبوهات
وأصاحب هل الإخلاص والعلم والتقى= نظاف القلوب أهل الوفاء والمرواتي
وأحافظ على جزل المبادي وأصونها= ولا أفرح على ربعي عدوي وشماتي
ولاني بأجازي بالردى فاعل الردى= ولاأسير خطوة لين أحسب حساباتي
وأسامح وأقدر وأحتمل وأتجاهل= ولا أبحث عن اللي فات واللي يبى يأتي
أحدد هدف وأسلك له أفضل مسالكه= ولا أركض وراء الأوهام وأضيع أوقاتي
على منهج المختار أواصل مسيرتي= وعلى الطايلات أرخى الأعنة لهقواتي
وأمد النظر قدام وأفطن لما مضى= ولا أخاف غير الله عليم الخفيات
سلاحي رجاي بعفو ربي ورحمته= وزادي جميل الصبر عند الملمات
ولا أقول أنا الصايب وغيري على خطأ= متى ما عرفت الحق أغير قناعاتي
ولاأقول أنااللي ماأخطي الدرب والهدف= يا كم مرة زمن الأهداف رمياتي
ولا أرفع يديني غير للواحد الصمد= هو القادر اللي عالم كل نياتي
عليه اعتمادي في مراحي وجيتي= ومنه أستمد العون في سد حاجاتي
تتابع عليه كل ساعة فضايله= وله الحمد مني عد ما في السماوات
عسى النيم يصحي من منامه ويعتبر =ولا يبني الجايات مثل القديمات
يشيد مبانيه الجديدة على حجر= ويحسب حساب الصادرة والمغبات
وأصلي وأسلم عد ما ذعذع الهوى= على المصطفى بأزكى وأعز الصلوات

حشر بن جهجاه العتيبي

[المعتبر]

وهذي قصيدة اخرى لي

سلام يا غيث المواطن والأوطان=سلمان سلمان السعد والبطولة
محبوبنا الوافي سلايل كحيلان=اللي يعز الرأس فعله وقوله
راع الشكالة والبسالة والإحسان=والقول لا قاله يقول ويطوله
هو فيه أمير للعرب مثل سلمان=النادر اللي نادرات فعوله
والله يا أنا ما أشوف مثل أبو سلطان=في العالم الموجود عرضه وطوله
الله يخلي للعرب طير حوران=هو عون والله من تضده حموله
ملوكنا درع الوطن شأنهم شأن=كم واحد من كربته فرجوا له
وضع الجزيرة قبل يأتون وش كان=كان الجهل والشر له فيه صولة
فيه الظمأ والجوع الأزرق زويان=وإبليس فيه مسرجات خيوله
وفيه الفتن والخوف والناس عدوان=والخير فيه مقطعات سبوله
الطيب اللي يأخذ الطرش والظأن=ويغزي على جاره ويكسر ذلوله
لين الله أنقذهم بذربين الأيمان=اللي لهم في الوقت صولة وجولة
العادلين مناصرة خير الأديان=اللي جمايلهم على كل دولة
في ظلهم صرنا بني عم وأخوان=وساد الأمن والخير سالت سيوله
وفي ظلهم مات و خزى كل شيطان=والشر ذب الريع يسحب ذيوله
وفي ظلهم علم وحضارة وعمران=والشعب طال بظلهم كل طولة
لكن بلانا الله بناقة عريمان=إما عدت وإلا تقول معقولة
ناس عن الإسلام والحق عميان=الفكر غادي والعقول مغسولة
والعلم ما معهم منه غير عنوان=والدين ضايع والقلوب معلولة
على الفساد يدفهم كل خوان=ثم جوك كل شايل له حمولة
واشتالوا الآثام من دون حسبان=والشر والإرهاب طبوا وحوله
هدوا بمعول هدمهم كل بنيان=ما ميزوا شارون وش قدموا له
لكن يوم العرض للحق ميزان=كل يبى يلقى نتايج فعولة
الفتنة العمياء تبي علم وسنان=قدام فتق ما ترقع خلوله
شر يروج بين ناعق وفتان=لكن عند أهل الزعامة حلوله
والحل بالدعوة وبالسيف شامان=من لا تراجع عن ضلاله يزوله
ومن تاب زال العفو كسبان كسبان=كم واحد ضل ورجع واسمحوا له
الحق واضح ياحديثين الأسنان=توبوا وخافوا ربكم وارجعوا له
قدامكم نار تلظى وديان=بيوم يشيب الرأس من عظم هوله
نبينا بين لنا الحق تبيان=ولا فيه قول عقب قوله نقوله
والعلم له منهل وللسفن ربان=بر الأمان بهن سهل وصوله
مشرع للي يبى العلم بيبان=ما أحد يرد المجتهد عن دخوله
العلم يرجع به لمثل ابن فوزان=وغيره وغيره من نوادر فحوله
والمفتي آل الشيخ وابن لحيدان=اللي على هدي السلف برهنوا له
واللي يشن الحرب زورٍ وبهتان=ما همنا حربه ودقة طبوله
مخالف منهج سليمين الإيمان=والخير والإصلاح ما هوب حوله
إن قال وإن ما قال خايب وخسران=وش عاد لو حثالته روجوا له
والليبي الحشاش حقده لنا بان=ولا هي غريبة منه يرسل خبوله
في كل عام مضوي ٍ كبر نجران=كم خزوةٍ يشتالها في حثوله
وتقليعته هذي لنا خير برهان=مغرض ومعطاً له عليها عمولة
مهسترٍ قلبه من الحقد مليان=الله يشيل النذل ما حال حوله
حنا بفضل الله على الحق وأعوان=نحكم بشرع الله وسنة رسوله
في ظل قادتنا مقاديم الأكوان=أهل العدالة كاملين الرجولة
ننعم بخير منه يكفينا الأمان=ومن لا يشوف يميز الوضع حوله
الله يخليهم لنا درع وأركان=وينصر بهم دينه ومن ناصروا له
ويعينهم على غرابيل الأزمان=والحق يرزقهم بفضله قبوله
ويجعل لهم في الآخرة حور وجنان=ويكرم منازلهم بفضله وحوله

وتقبلوا تحيتي
حشر بن جهجاه العتيبي

آخر تعديل المعتبر يوم 21-Mar-2010 في 08:52 PM.