قال عيد بجاد من كثر هوجاسه

[ابو عبيــد]

قال عيد بجاد من كثر هوجاسه
من هجوسٍ غيرت بعض الاوضاعي

الهجوس انواع والنفس حساسه
وان عذلت القلب مايسمع الداعي

مايجامل ناس بالهرج هلاسه
ولايصدق كل كاذب وخداعي

الوفاء والدين شفه ونبراسه
وشهد ان الدين هو راس الاسناعي

والشجاعه والكرم ذخر وفراسه
والمراجل بين شاري وبياعي

والولد لاطاب حضه ونوماسه
مايصير مع المساكين قرقاعي

لويعيش بدار مونس ونواسه
الشرف في مهجت القرم لماعي

لاترافق يافهد بوم وبساسه
رافق اللي ذكرهم دايمً شاعي:

ويبتعد عن كل خايب ومجلاسه
لا يغرك يافهد قاصر الباعي

الزمن هذا تجاريب ودراسه:
خل نجمك فوق لاينزل القاعي

من تحيزم للهدف يافهد داسه:
ومن رضي بالهون يامسندي ضاعي

الشاعرعيد بجآد بن شده

[ابو طارق الشمري]

لاترافق يافهد بوم وبساسه=رافق اللي ذكرهم دايمً شاعي
ويبتعد عن كل خايب ومجلاسه=لا يغرك يافهد قاصر الباعي
الزمن هذا تجاريب ودراسه=خل نجمك فوق لاينزل القاعي
من تحيزم للهدف يافهد داسه=ومن رضي بالهون يامسندي ضاعي

حكيم يابوفهــــــد
صدقت وصح لســـآنك بحجم الكوووون وبيض الله وجهـــك
ياعسانا مانعدم هذه الحكمة وهذا الإبداع المتناهي
لاعـــــــدمنا وجووودك.

[ابو عبيــد]

لاهنت ياشمري لاهنت

صح بدنك يابو طارق

[بن ابنين]

ابو فهد
صح لسانك

[ابو عبيــد]

ابن ابنين المرشدي
لاهنت