الحمد لله لو ماجتني بكيفي

[خلف بن قعيد الضويحي]

الحظ يلعب مع البشر لعب حرّيف=ولاّ معي من لاعبين الرديفي
أحدٍ رقى من لعبة الحظ ومنيف=وأحدٍ نزل في قاعٍ أجرد نظيفي
ماهي بحرب ولا شطارة عواريف=أرزاق من ربي وربي نصيفي
كل شي على الله رغم جو العواصيف=ما هزني بفضله عجاج المصيفي
ثابت جبل لو ناسي راحوا مناكيف=عنهم بذكره جو صيفي لطيفي
ربي عطاني تجربه بالصواديف=وأعرف عدوّي وأدري منهو وليفي
آخذ من الفرصه بحجم المغاريف=وما فاتني ما قلت لاواحسيفي
ماهمني هرج الضعوف الملاقيف=ولاني ليا طالت كتوم وضعيفي
أعطي ولا أحسبها لصديقي تكاليف=والخصم له لا جات حد الرهيفي
دربي مع الطيّب جميل ومعاريف=ولاّ الردي بالدرب ما هو حليفي
وحظوظي لو ماجات يمي على الكيف=الحمد لله لو ماجتني بكيفي

[محمد العتيبي]

الله الله الله


صح الله لسااانك يالغااالي على هذه الرائعه ..



استمتعت بقرائتها ..



تحيتي لك
..

التوقيع

للتواصل عبر twitter تويتر al_bargawy@

[خلف بن قعيد الضويحي]

صح بدنك أخوي / محمد العتيبي

وتشرفت بمرورك

[ابن عقاب الشمري]

وحظوظي لو ماجات يمي على الكيف
الـحـمــد لله لــــو مـاجـتـنـي بـكـيـفـي


صح لسانك يا خلف ..


مبدع ..

[مرزوق سيف غافل بن دبشي]

صح لسانك وتقبل تحياتي

[خلف بن قعيد الضويحي]

تشرفت بمرورك يا الشمري

وصح الله بدنك

[بدر بن ثعلي]

جزل وقصيدة جزلة ...

صح لسانك على الرااااااااااااااائعه

[خلف بن قعيد الضويحي]

أخي / مرزوق سيف

صح بدنك

وتشرفت بمرورك

[خلف بن قعيد الضويحي]

زبون المخاسير

ماعليك زود

وصح الله بدنك