غسلت يّدّي من كل المزايين !!! - الهيـــــــــــــلا *** منتدى قبيلة عتيبة

سلطان الجـذع · 31-Jan-2009, 12:34 PM

.

تواصلاً مع هذا القسم ...إليكم هذه الابيات .. التي اتمنى
ان ترتقتي لمسامعكم

تباعد بك مشاويرك وبعدك مايسر الحال = بّعدّك الهم والغربال والضيقة عناويني !!
ثلاث سنين قلبي للجروح الداميه مدهال = غيابك ضيّق الصدر الرحيب وضيّق سنيني !!
ولازلت أتذكر يوم كحلك مع دموعك سال = وانا من ماغشاني بيّحت مكنونها عيني !!
نهار اقفى بك الحظ العنيد ومركب الترحال = وحالت عزتي وسلوم ربعي بينك وبيني !!
تعالي / مابقلبي حيل وحمول الغرام ثقال = تعبت اقول لك مافيّ من هجرك مكفيني !!
تعبت أساوم الوصل البعيد بلعبة المحتال = ولاادري بالنصيب يجيبني والا يوديني !!
تعالي / من بعدك الحزن يمي لاقيٍ مدخال = مخيّم فالحشاء ويسوق ركبه في شراييني !!
تعالي / من بعدك اقفت تباشير الفرح زرفال = حداها واحتداها عني اللي عنك حاديني !!
ليا مني بغيت النوم .. طيفك زراني يختال = وسبحت مع الخيال اللي لبيت اهلك يسريني !!
اناجي ليلي الداجي .. واغني للسهر موال = تعلمت الكتابه منك واهديتك دووايني !!!
كتبتك شعر لين اصحبت شااعر ماعليّ جدال = أهيم وغبة التسعين من يسراي ليميني !!
على رجواك ريضان الحشاء ماعلها الهمال = وعلى بلواك ليت الصبر في دربي مخاويني !!
لو أني شفت غيرك !!! قلت لك غيرك "بنات رجال "= لكن انتي بلارجعه عن الواقع خذيتيني !!
بعد حبك حرمت من المحبه لابسات الشال = وبعد زينك غسلت يدّّيّ من كل المزاييني !!
عليك الذنب يوم أني وحيد بلا مره وأطفال = وعلّي اللوم ماطعت النصوح اللي موصيني !!

وسلاااااامتكم

آخر تعديل سلطان الجـذع يوم 31-Jan-2009 في 12:42 PM.

حاكم الغنامي · 31-Jan-2009, 12:41 PM

الله الله

ابداع ابداع

طبعاا غير مستغررب

صح لساااااانكـــ يالجذع

جزل

التوقيع

سبحــــان الله وبحمدهـ

hakem81@live.com

سلطان الجـذع · 31-Jan-2009, 12:43 PM

...

حاكم الغنااااااااااامي .. صح بدنك ولاهنت على
الحضور والتنبيه

عبدالله الجـــذع · 31-Jan-2009, 01:17 PM

ابو عبدالله

الله يستر عليك , ماشاء الله تبارك الله

مبدع اينما تكون وكيفما شئت

اثرت كثيــراا كثيرا في نفس محبك

لاعدمتك ياكحيلان

والله يرزقك ماتتمنى

محبك

.,

التوقيع

قال الرسول صلى الله عليه وسلم [مَنْ قَالَ أَسْتَغْفِرُ اللَّهَ الْعَظِيمَ الَّذِي لَا إِلَهَ إِلَّا هُوَ الْحَيَّ الْقَيُّومَ وَأَتُوبُ إِلَيْهِ غُفِرَ لَهُ وَإِنْ كَانَ فَرَّ مِنْ الزَّحْفِ ]( سنن الترمذي ) .

.
قال صلى الله عليه وسلم : ( إن الشيطان قال : وعزتك يارب ! لا أبرح اغوي عبادك ما دامت أرواحهم في أجسادهم !
فقال الرب تبارك وتعالى : ( وعزتي وجلالي , لا أزال اغفر لهم ما استغفروني ) ... ( السلسله الصحيحه )
.

موقع يضم جميع القراء

هنا

السميــــــري · 31-Jan-2009, 03:11 PM

شعر راقي ..
وفكر ناضج .. صح لسانك ..
ياسلطان ..

تقبل أعدابي بنصك الفاخر ..

..

التوقيع

معجب العتيبي · 31-Jan-2009, 05:02 PM

الله الله

سلطان الابداع والتميز

اينما حللت ملئت المكان بروعه الابداع

ومالها حق

عليك الذنب يوم أنـي وحيـد بـلا مـره وأطفـال
وعلّي اللوم ماطعت النصـوح اللـي موصينـي !!

جابتلك العنوسه ههههههههههههه

التوقيع