مرحبا ترحيبةٍ مثل الرجا عقب القطيعة !!!

[برررق الحيا]

او الله الحظ العاثر

طاروووق بشعاره

صح السانك يالاسطورة

وصح السانك ابن سرحان
حظ اللي حاضر لكن عليه العتاب ليه يتوقف الطارووووق في ست مشاركات

طراريق شروى هالطاروووق وجمعة شعاره الياتوقف النبض يباله انعاش قلبي

لكن غن شاء الله الجايات أكثر وامتع

ولاهنتو شعاره

قوة سبك وحبك من البداية للنهاية

يسدنا البدعة والترحيب والرد عليها قمة في قمة وتدل على الشعار والطاروووق

مرحبا ترحيبـةٍ مثـل الرجـا عقـب القطيعـة
الوفاء ينساق معهـا والسعـد ينقـاد معهـا!!

البقا عد الخيال الطلق في وجه الطبيعه
للنفوس الهايمه مثل الدوى يبري وجعها!!

عاد وشلون البقية ؟؟؟؟

الله يهداك يابن سرحان سريت بدري خخخخخخخخ

صح الالسن

آخر تعديل برررق الحيا يوم 31-Jul-2011 في 05:43 AM.

[معجب العتيبي]

سلطان الجـذع

مرحبا ترحيبةٍ مثل الرجا عقب القطيعة = الوفاء ينساق معها والسعد ينقاد معها!!
يالثبيتي تمشي الدنيا وخطوتها سريعة = مير ماهي في سنعك ولا انت ماشي في سنعها!!

فايز بن سرحان الثبيتي

البقا عد الخيال الطلق في وجه الطبيعه = للنفوس الهايمه مثل الدوى يبري وجعها!!
يالجذع لا تنكب الدعوه .. وتاخذها ذريعه = خلها تنسام في سوق الغلا بعدين بعها !!

سلطان الجـذع

كل مايتعبك صيف الوقت تطمع في ربيعه = والغروس الاولة ماعاد تعطي من زرعها!!
ليت معطين الوداعة في ضحى يوم الوديعة = ماتعنوا واستهلوا قصةٍ مااحدٍ سمعها!!

فايز بن سرحان الثبيتي

من تعزوى في ذراعه ماتضيق ابه الوسيعه = لا تكاثر لقمة اخوك الشقيق اليا بلعها !!
والجزيره \ مانكذب بالخبر حتى تذيعه = تنكر افعول الرجال اهل الحميه من طمعها

سلطان الجـذع

الرجال اللي بيارقها ترفرف فالطليعة = تجتمع في خير !!والا لايهمك مجتمعها!!
والاكيد اللي حلومه فالسراب وفي لميعه = يمكن انه لو يجي هداج نفسه مانفعها!!

فايز بن سرحان الثبيتي

البخيل ايصك بيبان الكرم ويسد ريعه = والكريم اليا نوى الخطوه مشاها مارثعها
تشتري بريالك من السوق قد اللي تبيعه = والرجال تقدم دماها لخدمة مجتمعها

[معجب العتيبي]

الله الله


مبدعين



صحة الالسن

[فايز بن سرحان الثبيتي]

برق الحيا



يكفي اطلاعك ياطويل العمر والاكيد انك لو تواجدت كان الطارووووق غيييييير


تحيتي وتقديري لشخصك "

التوقيع

إذا شئت أن تحيا سليما من الأذى=وحظك موفور وعرضك صين لسانك لا تذكر به عورة امرىء=فكلك عورات وللناس السن وعينك إن أبدت إليك معايبا = فصنهاوقل يا عين للناس أعين وعاشر بمعروف وسامح من اعتدى=وفارق ولكن بالتى هى أحسن

[فايز بن سرحان الثبيتي]

ابو سلطان شاااااكر لك ياطويل العمر كريم التنسيق والاطلاع

جهد يستحق الثناء



كل عام وانت بخير "

[سـعـد الـعـصـيـمـي]

حياكم الله بعد الغيبة ولو اني شرهان عليكم بقصر الطاروق
لكنكم انعشتوا القسم يا مبدعين
صحت السنتكم

[سلطان ابن حامد]

يا سلام يا سلام

ابداع يضرب ابداع على ما قيل المبدع حبيب : )

التوقيع

توترتي هنيـّا : )

[المزيني.]

صحت الالسن