عبدالعزيز العازمي وتركي 2000 ( غلطه كبيره من تركي 2000 )

[ابو فايح]

طاروق حضرته شخصيا فالرياض في 6/8/1432

في محاوره فيها طاروق او طاروقين جيده أما بقيتها عاديه من وجهة نظري

طاروق بغض النظر عن معناه

إلا أن فيه ملاحظه كبيره هبطت بأسهمه للصفر عندي

وهو شي لم أنتبه له إلا من هذا الطاروق وربما قد تكرر من شعراء غيرهم


قافية ( لها ) من أسهل القوافي ولكن ينبغي أن ينتبه لها الشاعر لكي لا ينزلق في تكرارها مما يهدم ركن أساسي من أساسيات المحاوره وهو ما حدث مع تركي 2000 بوضوح في هذا الطاروق



تكرار القافيه لمره أو مرتين مقبوله نوعا ما وحدثت مع كبار الشعراء ربما لها مسبباتها من نسيان او غيره

ولكن تكرارها خمس مرات هذا لا يغتفر نهائيا

وغلطه محسوبه على اي شاعر كبيرا أو صغيرا مع عدم هضم حقه في مسيرته

تركي 2000 كرر كلمة ( لها ) خمس مرات وعبدالعزيز العازمي مره واحده

اي كلمه نحذف منها ( اللام والهاء ) وتظهر لنا كلمه غير مفهومه هنا نقول أنها لا خلل فيها وتمشي مع القافيه

مثل ( خلها وحلها ) لو حذفنا اللم والهاء تصبح (خ و ح ) غير مفهومه اذا لا بد من وجود اللام والهاء

أما التي تحذف منها ( اللام والهاء ) وتظهر لنا كلمه معروفه ولا عليها غبار فهنا الخلل
مثل ( تأصلها ) لو حذفنا اللام والهاء تصبح (تأصل ) مفهومه اذا اللام والهاء زائده

عبدالعزيز العازمي

يا سلام الله سلام (ن) يمسيكم بخير = في ربوع العاصمه طول الله ظلها
يا السنين التاليه كيف نعرف وش يصير = الزمن عنده قضيه ما نعرف حلها

تركي 2000

مرحبا والله يمسيك بالخير الكثير = والعلوم الثانيه تتجيك بحلها
القضيه حلها يالعتيبي مع مطير = خلها للي يحل القضايا خلها

عبدالعزيز العازمي

الخشير اللي معك ما يغشك يا خشير = أنت غصن(ن) تمتحنك الهبايب كلها
ما نذم مطير مار الزمن وضعه خطير = لا يقول الكلمه ألا ولد كفو لها

تركي 2000

ما يبرك للحمول الثقال الا البعير = علم اللي يعترضها ولا يفطنلها
الوعد قدام وأنا على روحي بصير = ما نطقت الكلمه ألا وأنا قد(ن) لها

عبدالعزيز العازمي

النظام من الأداره يمشيه المدير = والأداره كل شهرين تخلف دلها
لو تسوق الجيش في صبح وألا في عصير = ما علينا خوف بيض السيوف نسلها

تركي 2000

ما يمشي الأنظمه غير رجال (ن) خبير = وأنت ودك بالأداره ولا تأصل لها
لو تسل السيف سيفك ترده فالجفير = تدري إن اللي غزا ديرتك محتلها

عبدالعزيز العازمي

لو شكينا من جهنم زبنا ومهرير = وأنت أظنك جنة الخلد ما تعمل لها
إن غزيت الديره إصبر على السيف الشطير = أنت لك عامين وأنت الحدود تزلها

تركي 2000

لو تشافى حظك اللي ترقد فالسرير = ما تصلي فالجماعه ولا تذن لها
ناقة عريمان جاها الجمل يهدر هدير = علم اللي جود صرارها يبهل لها

عبدالعزيز العازمي

لا تذم الحظ وأنته مع الصحراء تنير = الفروض الخمس يا ابن عطالله صلها
ناقة عريمان في مراحها والعلم غير = أنت يا تركي تراك الكبود تعلها

تركي 2000

أنت ما أنت ابن عثيمين وألا بن جبير = وص نفسك كان هاك الدروب تدلها

[برررق الحيا]

تسلم يابوفايح قلت لك ماتجيب غير السمين وأنت كفوٍ (ن) لها خخخخخخ

دائما موضوعاتك وماتطرحه يفيد الساحة وخاصة إذا خلا من النقاش المتعصب وأو الاراء المتعصبة

ومثل هذا الموضوع سنرى فيه مناقشات وحوارات نتمى أن تكون متزنة مثقفة حتى لانملها ولكي نستفيد من هذه

الملاحظات والاطروحات

شكرا لذائقتك وملاحظاتك سواء وافقناها أم لم نوافقها فهي تؤدي نحو الهدف المنشود وهوالفائدة

وخصوصا بتواجد محللين ونقاد شرواك أو شعار محاورة ونقاد إيضا وهذا المنتدى مليء بهم

وليكن شعارنا ( اختلاف الرأي لايفسد للود قضية )



تحياتي وودي وتقديري واحترامي لك وإعجابي بك

[سلطان فهد المطيري]

ابو فايح اشكرك على جهودك الملموسه في هذا الصرح الشامخ

ولكن ارى في بعض مواضيعك اجحاف على عدد من الشعار خارج قبيلتك وانا ان شاءالله متأكد بانها دون قصد
بخصوص ابيات تركي لا اجد فيها اي ملاحظات ولا ينقص من شاعريته ما اوردته من تكرار مدام ان القافيه سليمه ومرتبطه بسياق المعنى

واتمنى ان تراجع قرارك و ترفعه عن درجة الصفر خشيه ان يصل الى مرحلة التجمد وتاخذ ذنبه

فهو فالمقام الاول مسلم عربي سعودي شكرا لك يا ابو فايح مع معزتي وودي لشخصك الكريم

[& محمد خالد القحطاني &]

الموضوع هذا اختلفوا فيه نقاد وشعراء كثير سواء على القافية هذي او غيرها



وكثير مانسمع في المحاورات او قصائد النظم من ( يحظى بها -يسعى بها- يشقى بها - يرقى بها -


احلى لها -الا لها -اشوالها وغيرها الكثير


وكذلك قصيدة محمد بن فطيس اللي انتقده فيها بن شلحاط لان قافيتها مثل ماقلت مكررة

احكاك له - ابكاك له - وداك له -فرقاك له


لاكن لو تقيد على النهج هذا

الشاكله - ياكله - متواكله


اعتقد ماراح ينتقده فيها



ومثل ماقلت مرة مرتين كافية لاكن على طول القصيدة او الطاروق اشوفه غلط لانها ليست قوافي



لاكن في الطاروق ذا او في غيرة الاهم والاجدر هو المعنى وانا اعتقد ان تركي الميزاني ماحسب لها


في الطاروق ولايمكن نسميها غلطة كبيرة أواسقاطة له



لاهنت يابو فايح على الطرح

آخر تعديل & محمد خالد القحطاني & يوم 29-Jul-2011 في 08:07 AM.

[سلمان المرشدي]

[size=4]ابو فايح مشكور علئ الموضوع الطيب ياطيب

لكن أنا اخالفك الراي الطواريق سليمه ولا فيها من الخطاء شي
يكون خطاء اذا كرر الشاعر كلمه معينه ةالمعنئ واحد اما كذا لا ياخي
فهل كفولها تطابق ينز لها مثلا مثل تكرار كفولها او ينزلها

رشيد الزلامي يقول

انتم بدار مدلهة صدرمن ضاق = وانا اتخيل صورته مخلص له

رجالنا لوهوعلـى مكسـر السـاق = حب الكرامه والوفـاء عـادة لـه

وايضا خلف هذال يقول

يذبح ويصلخ يده حمراء ومبتله شي يخلي جبين الحر يندى له

ياناس ياويل من هذا زعيم إله الشعب في وضع يؤسف له ويرثى له

وايضا يقول خلف

و أشوف يا مكتوب فيك التعاجيب = المنشي أصبح ما قطع عبرةٍ لي

لكن يا ترحاب و أجمل تراحيب = و اللي نقص من شرحكم جايزٍ لي

لنا يا دو خالد عليكم مطاليب = أخباركم باقلامكم ونسةٍ لي

وغيرهم شعراء كثير

هذا وتقبل تحياتي[/size]

[الشوردي]

وجهة نظر يابوفايح احترمها ولكني اخالفك فيها على طول الخط

هذي مسالة ترجع لرهاوة القاف عند الشاعر وتركي القاف عنده مهوب راهي عكس عبدالعزيز اللي القاف عنده راهي

وشدني اكثر مستوى الشاعرين عبدالعزيز وتركي للاسف مستواهم في هذا الطاروق متدني مع احترامي لهم

آخر تعديل الشوردي يوم 29-Jul-2011 في 08:40 AM.

[بن عاتق]

لا والله الا غلطة كبيره منك

لكن بوجهة نظري اتجاهك ليست غريبه عليك

[بطـران العتيبي]

شي طبيعي من 2000 وش الجديد و ناقه عريمان كل حفله يقولها

تحيتي ابوفايح

[مرزوق حمدان العتيبي]

..

.
دائماً يابو فايح لك استنباطاتك واكتشافاتك المميزه
احترم وجهة نظرك واقدر اجتهادك ولكن اخالفك في ماتفضلت جمله وتفصيل
كل كلمه من الكلمات التي اضيف لها الضميره الغائب .. كلمات لها معنى ومضمون مختلف
وقد قدم الاخ ابو عدي بعضاً من النماذج لبعض الشعراء الكبار...
..

التوقيع

فدوة ٍ للمصطفى روحي وماتملك يميني = كيف (لا) واللي خلقني حط حبه في كياني حط حبه في كياني ماتغيّره السنيني = وانثني من دون عرضه بالذراع وباللساني @Marzouq_MHD

[رائد الكيرعاني القحطاني]

ذنب لا يغتفر وهبط بأسهمه عندك !!







يا ليتها جات من غيرك يابو فايح









الطارووق سليم 100 %








والقوافي ما فيها جدال







لاهنت