::::حفل معايدة قبيلة الحلاحلة السنوي للعام الحادي والعشرين::::

[عبد المحسن الحلحلي]

بسم الله الرحمن الرحيم

في ثاني أيام عيد الفطر المباركـ اجتمعت قبيلة الحلاحله من العصمة في حفلها السنوي للمعايدة المقام بمدينة الرياض
وكانت هذه السنة هي السنة الواحد والعشرين من عمر هذا الاجتماع ولله الحمد

قدم الحفل : مشعل بن عبدالله بن خلف

ابتدأ بالقران الكريم بصوت محمد بن مهدي بن شارع

بعده كلمة ترحيبه ألقاها: عبد الله بن خلف

بعدها بدأت القصائد المنبرية

بدأها الشاعر : عبدالمحسن بن محمد بن مصلط

ثم الشاعر : محمد بن ناصر بن زعير

ألقاها نيابة عنه: بسام بن رجاء بن عائض

ثم الشاعر : تركي بن عائض بن حسن

ألقاها نيابة عنه: سلمان بن سعيد بن خلف

وبعد القصائد كلمة للشيخ : عائض بن محمد بن عائض

تحدث فيها عن جوال تواصل وابرز انجازاته

من ابرزها انه تم تسجيل اكثر من 500 رقم جوال ولله الحمد

وتم ايضا ارسال 180000 رساله في سنة واحده.

وأيضا اصدار مجلة ( تواصل) خاصه بقبيلة الحلاحلة ووزعت ايضا في الحفل.

بعدها تحدث الاستاذ عائض بن حمد بن عبدالله عن احدى مفاجآت الحفل وهو اصدار ديوان صوتي لبعض

من شعراء الحلاحله وتم توزيعه في الحفل

وأيضا اصدار مجلة ( تواصل) خاصه بقبيلة الحلاحلة ووزعت ايضا في الحفل.

كان في تقديم المسابقات الثقافيه الشيخ جمعان بن حمود بن عائض

وقد تخلل الحفل جوائز وهدايا للحضور

وفي نهاية الحفل تقدم الشيخ عائض بن ناصر بن حسن لدعوة الحضور لتناول طعام العشاء

( يتقدم منظموا االحفل بالشكر والتقدير لكل من ساهم في انجاح الحفل)


قصيدة الشاعر عبدالمحسن بن محمد بن مصلط

ألا يا الله ياللي لك عبادك ركّع وسجود=وألسنهم بذكرك يا آله الكون صداحة
تتم فرحة الصايم بفوزه في جنان الخود=بعد درب طويل يتبع السارح بمسراحه
بذلنا والله اللي نتكل به والجنا محصود =حصايد ما زرعنا والجنا من حظ فلاحه
نبّرق فالحياة ونفعل الحسنة ونطلب زود=خواتيم العمل ريح النصر لاهبت أرياحه
إلهي يا مجيب الدعوة اللي حبلها ممدود=ولا تقطع رجا نفس بخالقها لها راحة
تقبّل يا إلهي ما عملنا والعمل محدود=نصيب ونخطي وحظ البنادم قومة وطاحة
نسالك جنة فيها الثمار اليانعات عقود=ولا يخطر على قلب البنادم مثلها واحة
بعدها يا هجوسي حضري لي يومك الموعود=هواجيسي تشوش ولأشهب البارود قداحة
على درب القدا هيدي وريضي ذعذعي يا نود=وزاج الطرس يرسم ما يبا والنفس مرتاحة
عدال ولا نبى الميلة ولا نرضى بها ونجود=بكل اللي حوينا كل طيّب سلمنا شاحه
ليا غنى على الطرق الطويل وحضرن حشود=تناثر مثل حبات الخرز لا قطع مسباحه
أصوغ المفردة بحر طميم عايمه مفقود=يروبعها الحصيف ويتعب من الجزر سباحة
يروبعها الولد دام الولد يمشي بدرب العود=وألا يا بعد مسراحه وألا يا ظفر مرواحه
تباهي عاد عيدك يا هجوسي والرجال شهود=تروس الروس لا حلت على الميدان طباحة
وألا يا ليل عيد جعل عيده للكرام يعود=على سمو القبيلة يفرح الغالين بأفراحه
وألا يا ليل عيد جعل عيده من فرح وسعود=على سمو القبيلة يلبسه من غالي وشاحه
يا آلاد الحلحلي يا عزوتي يا سيفي المجرود=ولا ينشى الرجل يا كود سيف له من سلاحه
يا آلاد الحلحلي يا عزوتي وأنا قوي عضود=ليا ثار العسام من الضحى وأوحيت صياحه
سلام الله علاكم يا عزاتي يا عيال العود=بريح المسك والعود المعتق نشنش أفياحه
سلام الله علاكم يا عزاتي محتمين القود=عدد ما هلت مزون من الربان طفاحه
وجوب الحلة اللي طيبها من عهد اباء وجدود=ونفس تاتقصر في وجوب الربع منماحة
أهني يا وطنا قبلة التوحيد منصى الجود=أهني كل شبر من الوطن عمقه وضحضاحه
ووطنا يا وطنا يا وطنا غاية المجهود=تدوم بظل ربي ثم ظل مخضب رماحه
أبو متعب زعيم والفهد يتلاه صفو فهود=ذخر عبدالعزيز مصبح العدوان بإصباحه
عسى الله يرحم الميت ويعلي دولة آل سعود=هلا العوجا جناح الحر لامن شر بإجناحه
فرحنا والوطن واحد فرح والصادرات ورود=على هداج تيما ما أنقص من الجم من ماحه
عسى عيد البلاد يعود فينا زود يتلى زود=ونور الشمس يطغى فوق من قداه مصباحه
أقول وجعل عيد جمّع أهل الطايلات يعود=يبين الطيب دام الطيب صندوقه ومفتاحه
أنا همي رضا ربعي ولا غير الرضا مقصود=مادام إن العرب ما بين ذمامة ومداحة
وصلى الله وسلم عد نو في الخيال يقود=على اللي ثبت الدين الحنيف وعزز إصلاحه
رسول الله محمد خير من والد ومن مولود=رسول حدد النهج السليم وتمم إيضاحه

قصيدة الشاعر محمد بن ناصر بن زعير

سـلام ياعزوتـي ذربيـن الايمـانـي=يـالآد شجعـان يارجـال المواجيـبـي
انتم هل الجـود والوقفـات مـن دانـي=وأهل الوفا والكـرم والمـدح والطيبـي
بيوتكـم مـدهـلاً للـجـار والعـانـي=والضيف يلقى الشحم واحلى التراحيبـي
واليا اشتبك في السما عج(ن) ودخانـي=وأهل الطمايع طمعهـم شمـخ النيبـي
كم راس شيخ(ن) عشا للذيب سرحانـي=من فعل ربعـي عطيبيـن المضاريبـي
نخوه وسطوه بحـد السيـف شامانـي=وشلف(ن) تخضب من الأخصام تخضيبي
شاعر واماري وشـوش بفعـل جدانـي=واليـا طرولـي تسابقنـي هناديـبـي
قصايـدي كلهـا لـولـو ومرجـانـي=في مدح ربعـي عطيبيـن المضاريبـي
واليوم فـي نعمـه عمـت للاوطانـي=وراحت سنين مثـل روس المشاهيبـي
الله يعـز الملـك ويـعـز سلطـانـي=ويعـز شعـب(ن) يقـدر للمعازيـبـي

الشاعر/ تركي بن عايض بن حسن . (شيله)

غنيت والحظ قام – مابين كل البريه – غنيت والحظ قام
متقلدن لي وسام – اغلا وسام ٍ عليه – دونه كربت الحزام
وافخر وأماري مادام – لي في السعودي هويه – ولي في عتيبة مقام
منا عليكم سلام – يااللابه الفيصليه – منا عليكم سلام
يا ملوكنا يالعظام – و لدار منا تحيه – والمجد والعز دام
لعيون زرقاء اليمام – لاهازو السامريه – نعرض سيوف وسهام
ومن دون حد الامام – يامرحبا بالمنيه – من دون حد الامام
يادار منا حرام – مادامت الروس حيه – ياهامتك ماتضام
حدك وحد الحسام – ولك من عتيبة حميه – في شرق ولا بشام
تاصلك ولها احترام – ترجف بنجد العذيه – خيل وسيوف وجهام
بهيباتها في الزحام – وخطواتها الصيرميه – ومن دونك لها التحام
تثني صليب العظام – لأعلامك العالميه – ومن دون بيت الحرام


يتبع

[@ـايل]

كفو بربعنا الحلاحله ..وافين ولا نستغربها منهم ..

وفقهم الله لكل خير وجعل تجمعهم خالصا لوجه

وكل عام والجميع بخير..

....

[عبد المحسن الحلحلي]

يتبع

[عبد المحسن الحلحلي]

يتبع أيضاً

[أبو مرحبا]

ماشاء الله تبارك الله

الله يجمعنا واياكم على طاعته

لاهنت يالحلحلي

التوقيع

إن قلَّـت الوزنـه وربعـي مشافيـح ** أخلـي الوزنـه لربعـي واشـومـي

[عبد المحسن الحلحلي]

يتبع

[عبد المحسن الحلحلي]

وقد أقام أبناء عمومتنا الحلاحله في تربه احتفال بهيجا بهذه المناسبه

وقد بدأ الحفل من بعد صلاة المغرب بالعرضة الشعبية شارك فيها الشعراء

محمد بن فنيس

مطلق بن حنش

فواز بن عبد الله

محمد بن زعير

وبعد صلاة العشاء بدأ الحفل الرسمي بأياة من الذكر الحكيم تلاها الإبن سعد بن ناصر بن حميد

ثم كلمة للإستاذ فواز بن عبد الله شكر فيها اللجنة المنظمة للحفل واستعرض في كلمته ما تنعم به بلادنا

في هذا العهد الزاهر عهد خادم الحرمين الشريفين الملك عبد الله بن عبد العزيز من رغد في العيش

وامن في الوطن مذكراً بمناسبة ذكرى توحيد المملكة التي توافق الرابع من شوال لهذا العام وواجب كل

مواطن تجاه وطنه

بعد ذلك كلمة للشيخ مطلق بن فهيد وكانت كلمة وافية شاملة بمناسبة العيد وبمناسبة هذا الاجتماع

بعد ذلك قدم الشاعر / محمد بن فنيس قصيدتين بالمناسبة

يليها قصيده للشاعر/ محمد بن ناصر بن زعير

ثم شارك الشاعر/ نواف بن عبيد بقصيدة في المناسبة

أيضا وقدم الشاعر / نشمي بن عبيد قصيدة اجتماعية

ثم الشاعر عيد بن ناصر بقصيدة خاصة بالمناسبة

ثم الشاعر/ راجح بن عايد بقصيدة في الدفاع عن الرسول صلى الله عليه وسلم ثم قدم شبل الهيلا

قصيدة معايدة

ثم بدأ العرض المرئي والبرنامج الثقافي الذي قام بإعداده وتقديمه كل من الشيخ مطلق بن فهيد

والاستاذ علي بن حسين والاستاذ محمد بن مطلق بن فهيد والذي نال على استحسان الجميع من خلال

فقراته الشيقة والممتعة والمفيدة تخلله بعض القصايد والفقرات الشيقة وتوزيع العديد من الجوائز القيمة

على المشاركين .

ثم لقاء مع الشيخ حمود بن رجاء قدم خلال هذا اللقاء قصيدة للشيخ الراحل قبلان العطر رحمه الله والتي

يقول فيها

تعال يا هـزاع عنـدي بوصيـك=ماقلتلك يا نـون عينـي وداعـه
ضم المراجل فنهـا اللـي تغليـك=وتقلطك في الظل عنـد الجماعـه
وان جاك عانلك من البعد ناصيك=لزم عليك انـك توقـف شراعـه
واليا عطاك الله ترى الموت قافيك=والشح لا يغدي لقلبـك مراعـه
وصندوق قلبك لا يجي غلق يذيك=ويبغضك في دنوتـك والرباعـه
واضحك لمن هو بالسريره معاديك=واليا استوى لك فاطعمه سم ساعه

وفي ختام البرنامج كان للشيخ عبيد الله بن رجاء كلمه بهذه المناسبة وقد تم ختم هذه الحفل في تمام الساعة الحادية عشر مساءً وبعد ذلك تناول الجميع طعام العشاء




الشاعر / محمد بن فنيس

ياسلام الله سـلام نبتـدي بـه=في محل غالي بالحيـل غالـي
في محل كل بونا نعتـزي بـه=نعتزي به يا عمامي ياخوالـي
والسلام يعـم شبـان وشيبـة=عد ما هلت خماليـل الخيالـي
يا هل الوقفات ما هي بغريبـة=ياهل الوقفات مـن أول وتالـي
المواقف ما بها شـك وريبـة=طيبة نبدي بها رؤس الجبالـي
اجتماع الشمل والأرياء الصليبة=طبع فينا من قديمـات الليالـي
اجتماع بالرضاء مابه غصيبـة=في اللوازم كلنا صفـن موالـي
وكل طيب والله أنه بان طيبـه=مثل فواز احتمل كـل الثقالـي
يا عسى عمره طويل ونقتدي به=ياعسى يفداه رديـان العيالـي
جدنا شجعان وجـدوده عريبـه=والله أنه مكسب مع راس مالي
من عتيبه من عتيبه من عتيبه=القبيله عاليـه والحـظ عالـي
يا صلاة الله على محمد حبيبـه=عد ما هبت ذعاذيـع الشمالـي

واخرى للشاعر محمد بن فنيس


هـذي مواقفنـا مـا عنهـا معاذيـر
ولا ني براعـي موقـف مـا يشافـي
يا مرحبـاً حـي الوجيـه المسافيـر
فـي الحلـه اللـي مدهـا دوم وافـي
حلة خوالـي منبـع الطيـب والخيـر
ولا اقـول فيهـا الا فعـول تشـافـي
الضيـف يلقـي لـه معـزة وتقديـر
وترحيب مع ترحيب مع قلـب صافـي
تسمع تراحيـب مـن كبيـر وصغيـر
وهيـل وبـن فايـح فـي المصافـي
وسوالـف تطـرب بزيـن التعابـيـر
نظيفـة لاهـل الفـعـول النظـافـي
وحيـل مزابيـر وحـشـو مزابـيـر
والطيـب يعطيـه السنافـي سنافـي
وعند اللوازم مـا تحسـب المخاسيـر
لـو الحمـول ثقـال تصبـح خفافـي
بسير المعنى علـى الكيـف وبسيـر
ولا خير في اللي ما يحسـب القوافـي
حـق علـي امـدح عـزاة مناعيـر
في مدحهم سخـرت جـزل القوافـي
يـوم للفرسـان عــج ومعاصـيـر
من خصمهم مرويـن حـد الرهافـي
في روسهم عنـد الملاقـا صعاطيـر
يـوم البـلاوي والسنيـن العجـافـي
مركاضهم يشبع بـه الذيـب والطيـر
من الضلع للفرشـة لـرأس السنافـي
وبوارديـهـم واقـفـن للمخاطـيـر
ابنـدقـه وبمحـزمـه ومتـعـافـي
مـن زيـن رميـه حدهـم للعثاميـر
والشيخ طـاح وعنـه راحـو مقافـي
ياكثر ما فـي لابتـي مـن مشاهيـر
مير اختصر علمي ومـا بـان كافـي
وارجو السموحة وان حصل فيه تقصير
نطلب عسى المولـى يديـم العوافـي
فـي ظـل حكـام سيـوف بواتـيـر
أمـن وامـان ولا عليـنـا خـلافـي
وصـلاة ربـي عـد نبـت النواويـر
على النبـي الهاشمـي بـن منافـي






الشاعر / عيد بن ناصر بن زعير

يامرحـبـاً عــداد مـاهــل ودان=بجميع مـن جاءنـا بيـوم العزيمـة
يامرحباً لو كـان مـا فيـه ضيفـان=لـكـن هــذي عــادة مستديـمـه
حنا هـل الحلـه وحنـا هـل الشـأن=حنـا لبعضنـا والنـوايـا سليـمـة
الله يجزاء كل مـن صـام الإحسـان=ويكتب لـه التقـوى وجنـة نعيمـه
واليوم عيد وفرحـة تجلـى الأحـزان=جمعـاً تشرفنـا وللجـمـع قيـمـة
مـن العايديـن أقولهـا والفـرح زان=بوجودكـم ياهـل العقـول الفهيمـة
ياعزوتـي يامحزمـي لاد شجـعـان=ياتـاج راسـي مـاشـيء يضيـمـه
الحلحلي معروف من مـاض الأزمـان=في صفحة الأمجاد جاء لـه وسيمـه
يوم الجهل والحرب والنـاس عـدوان=كـل علـى خصمـه يحـب الهزيمـه
واليوم في حكـم لـه العـدل عنـوان=حكم عسـى الـرب الخلايـق يديمـه
نهضة وطن ما مثلها بيـن الأوطـان=فـي الدولـه اللـي كلهـا مستقيمـه
في ظل عبد الله وفـي ظـل سلطـان=يالله لا تجـعـل عليـهـم ثلـيـمـه
عيـال عـود حـط للعـدل سيسـان=قضـى علـى الفتنـة وراع الجريمـة
واليوم أنا عنـدي نصيحـة للأخـوان=وإن قلت ما عندي خطـأ ذي ظليمـه
نصيحة تبغـا مـن النـاس الأمعـان=إليا سمعهـا القلـب تدخـل صميمـه
تعاونـوا وتكاتفـوا قـدر الأمـكـان=لا تسمعـون للـي يحـب النميـمـه
وإن جاء خطأ من بعضنا بعض الأحيان=ترى العفو طبع النفوس الكريمـة
شبابنـا يبغـى مـوجـه مــن الأن=يحـذرون مـن الخصـال الذميـمـه
توجيـه للشبـان مـن رؤس شيبـان=والمرجلـه والديـن رأس الغنيـمـه
تم الجـواب وزبـدة الهـرج نيشـان=قـاف لأبـن حثليـن كلمـه عظيمـه
والله يجيب الغيث مـن غـر الأمـزان=نـو ليـا نـشـأ تـزايـد رزيـمـه
وختامها صلوا علـى نسـل عدنـان=نبينـاً اللـي راضـع مـن حليـمـه

الشاعر / نواف بن عبيد بن نشمي

مرحبا مليـون ومـن العايديـن=والتهـانـي للقبيـلـه كلـهـا
شاقني شوف اجتمـاع الطيبيـن=الرجـال اللـي يظلـل ظلـهـا
صفنا واحد ونكحـل كـل عيـن=والسيـوف المرهفـات نسلهـا
ربعي اللي في المواقف حاضرين=والنفـوس الحاسـدات تعلـهـا
كاسبيـن الاولـة دنيـا وديـن=والوفـا والمرجلـة بسجلـهـا
كاسبين الطيب من ماضي السنين=ولا بدعت القاف غير رضا لهـا

ونعتذر عن اكمال التقرير بالصور وذلك لعدم توفرها


وفي الختام نتمنى ان نكون قد وفقنا في تغطية الحفل
ونشكر الاستاذ فواز بن عبدالله على جهوده معنا

(إن أصبنا فمن الله وإن أخطأنا فمن انفسنا والشيطان)



اخوكم: ابن عياد



بالطبع كل ما كتب أعلاه منقول من منتديات العصمة الشاملة ومن العضو ابن عياد للأمانة وللتوثيق




مع محبكم


الحلحلي

[عبد المحسن الحلحلي]

المشاركة الأصلية كتبت بواسطة هايل العتيبـــي

كفو بربعنا الحلاحله ..وافين ولا نستغربها منهم ..

وفقهم الله لكل خير وجعل تجمعهم خالصا لوجه

وكل عام والجميع بخير..

....

ارحب ارحب يا ابن العم

هايل يا هايل كعادتك نجم المنتدى وشعلته


أشكر لك ثنائك وإطرائك


لك جل المحبة والشكر


دمت بود


أخوك

الحلحلي

[عبد المحسن الحلحلي]

المشاركة الأصلية كتبت بواسطة أبو مرحبا

ماشاء الله تبارك الله

الله يجمعنا واياكم على طاعته

لاهنت يالحلحلي

يا مرحبا يا أبو مرحبا

نورت المتصفح بوجودك وإطلالتك الجميلة والمميزة


ويجمعنا في جنات النعيم

لا هنت على مرورك العطر


لك شكري


محبك


الحلحلي

[محمد العتيبي]

والله ونعم يالحلاحله

يامحزمي ودرع جنبي يامذاخير شجعان ..


الله يجمعنا وإياكم على العز والطاعه

ويجمعنا وإياكم في جنان النعيم
..

التوقيع

للتواصل عبر twitter تويتر al_bargawy@