قصيدة خلف ابن هذال عن سيول جدة 2011 ؟!!!هل القصيده لشاعر الوطن؟

[بـن عـــاصم]

بسم الله الرحمن الرحيم

قصيدة خلف بن هذال عن سيول جده 2011

رائعه من روائع خلف بن هذال
قصيدة الشاعر خلف بن هذال العتيبي عن سيول جده 2011

شفت جدّه يَابو مِتْعب وش بَلاها
شِفت البِيووت اللّي تِساوَت بالثَرا

شِفت العَجُوز اللّي تَغطّت عَبَاها
شِفت العذَارى كِيف نَاموا بَالعرَا

شِفت جِده كِيف تَرووي ضِماهَا
شِفْت الضْعيّف كِيفْ لِيلَه سَـرَا

شِفْت البنيّه يُومْ يِتْكَشَفْ غَطَاهَا
شِفْت دَمْعَة طِفلْ مِنْ هُولَة الّلي رَأَى

شِفْت مِنْ يَطْلَبْ الفَزْعَه وَلا يدّن لِقاهَا
شِفْت مِنْ يَسْحَبَه سِيلِـنْ وَسْطْ جِدّه جَرا

شِفْت العَرُوسْ الّلي بِكَتْ لِيلَة رْضَاهَا
شِفْت اليِتَامَى وَ الارَامِل والفَقَارَى بالقُرَى

شِفْت الصْغِيرَه ذِيــكْـ مَحْـدَ(ن) مَعَاهَا
شِفْت الطِرِيحْ اللّي تِمدّد عَلى ظَهْره وَرَا
شِفْت المَواتِر رَاحَت وَ رَبّكـ خَذَاهـا
شِفْت صَرْح العلْم وَشْ الّلي بَه جَرَا
شِفْت جَامْعَة عَبْدَالعَزِيزْ امْسَا ضحَاهَا
شِفْت سَقْف المَعْرفه طَاحْ فُوقَ اللّي قَرا
شِفْت الجُسُورْ اللّي تِدمّرْ حَصَاهَا
شِفْت الشَوَارِع حَالْهَا كِيف اهْتَرَا
شِفْت الامَانَه / خَانْها مِنْهُو خَذَاهَا
شِفْت كِيفَ المُواطِن يبَِاع و يُشْترا
شِفْت ليِش احْسَن شُعُوب احْنا وَرَاهَا
شِفْت لِـيه الدُوُلْ بِالثريّا وْ حنّا بِالثَرا
شِفْت جِدَه يَابُو مِتْعِب وشْ بـَلاهَـا
يَاخُووفِي انْ ابُو مِتْعِب بَالحَقِيقَه مَادَرَا
ــــــــــــــــــــــــــــــــــــــــــــــــــ ــــــــــــــــــ,,,,

اخواني الاعضاء وصلتني هذه القصيدة عبر الايميل منسوبه لشاعرنا المحبوب شاعر الوطن خلف بن هذال واتمنى ان تثروا الموضوع بأرائكم حول القصيدة :

-

-هل هذا الاسلوب الشعري في تلك القصيدة هو اسلوب خلف فعلاً (كسر - ركاكة الفاظ - عسف - عدم تقيد بالوزن)؟
-هل من الممكن ان يتناول خلف كارثة جدة بهذا الاسلوب خصوصا البيتين الاخيره؟
-هل هذه القصيدة مكذوبه عن شاعرنا ابو هذال؟!!!

اسمع ارائكم ولي عوده..

آخر تعديل بـن عـــاصم يوم 31-Jan-2011 في 04:45 PM.

[فهد علي العازمي]

القصيدة ينقصها الوزن

ومن المستحيل أن تكون لخلف

أو لأي شاعر بمعنى شاعر

والف شكر

[محمد مذكر المغيبي]

اخوي ابن عاصم

الله لايهينك على الطرح

امابخصوص القصيدة ليست لشاعر الوطن

خلف ابن هذال العتيبي

لان قصائد خلف لهاطابعها ولاتشبه لااحد

والحقيقة انا اعتبر هذة القصيدة عادية وينقصها الكثير

عكس قصائد شاعرنا العلم خلف ابن هذال

اللي تهز الارض قبل ان تهز القلوب والمشاعر

تقبل تحيات اخوك

[أخو جوزا]

اشك ان هذه القصيدة لخلف هذال

[مرزوق حمدان العتيبي]

..


قصيده مكذوبه ومنسوبه لخلف
..
اي واحد يفهم الشعر راح يقول انها ماهيب لخلف
ولكن نحن في زمن العجايب

لاهنت

....

التوقيع

فدوة ٍ للمصطفى روحي وماتملك يميني = كيف (لا) واللي خلقني حط حبه في كياني حط حبه في كياني ماتغيّره السنيني = وانثني من دون عرضه بالذراع وباللساني @Marzouq_MHD

[أبو مرحبا]

لا ازيد على ماقاله الاخوان بأنها ليست لشاعر الوطن خلف بن هذال


ابن عاصم

لاهنت على النقل

التوقيع

إن قلَّـت الوزنـه وربعـي مشافيـح ** أخلـي الوزنـه لربعـي واشـومـي

[ابو فايح]

من يعرف شعر خلف هذال


يجزم أنه لم يكتب منها بيت واحد



قصيده ربما نشرها صاحبها بإسم خلف لنوايا سيئه


ولكن خلف هذال معروف ومعروفه قصائده


لاهنت يابن عاصم

التوقيع

عالم تويتر abofayeh@

[شعيل الزلامي]

ابو عاصم

الله يعافيك

ولكن خلف

اكبر من ذلك

[راع العبيه]

انا ظم صوتي لصوت الشباب اللي قيقولون ماهي لخلف وربع واضح مايبالها فهلوه بيوت مكسره
يمكن يقول انها خاطرة واحد يحب الشعر

[حاكم الغنامي]

بعد الثرى عن الثريا

مستوى هالقصيدة عن قصايد خلف

التوقيع

سبحــــان الله وبحمدهـ hakem81@live.com