(أقلامنا عنّت من هايل ماخطّت والحبر في بيض الورق ملتوي بها) هلالية ابتهالية(جديد)

[عبيد المسعودي]

السلام عليكم
أُ هدي لكم هذه القصيدة
بعدما رأت عيني ماهال في نفسي
وأضرم فؤادي
من حال للناس متردّي
وشرٍ للخير متصدّي
لكن الخير لازال موجود
والرب لازال معبود
والخير لازال محمود
والشر -بإذن الله- بابه مسدود

إليكم يالنشامى

ذا قول من ناشِه لواذع لهيبها= وألهب فواده علة(ن) مادري بْها
متثاقل(ن)بالهم والهم عافِهْ= مستغلق(ن)بدواه حاذق طبيبها
تْزين الليالي تستخيل بْتعالي= ماعمْرَها ناخت لحظّ إلتوي بْها
يالله يالمعبود ياسامع الدّعا= ياسامع النملهْ بهامس دبيبها
تغفر لعبد(ن)قد ترجّى لعفوك=وبارك قْسوم(ن)نِتَف مرتضي بْها
وسايلك يالمولى بْغيث(ن) مجلجل=تطرق به الشّعبان يثغي صبيبها
وْيشبّ وجه القاع من بعد شيبته=يضيع من وصّف يقول عهدي بْها
عهدي بها بلقع وللموت منقع=واليوم جنّات(ن) تناثر عجيبها
مايحْبَس المطر سوى بْشرّ البِشَر= لاسْتغلِثَت بالكذب وسموم عيبها
وبظلم(ن) مع الخلايق ياكل وْيشرب=لوتفصِد عروق(ن)بتشوفه سقي بْها
اطفّف المكيال وتبخس وْزونها= ودبّل الكذبه بحلف يْهوي بها
يهفّها للقاع يمنى تغمس بها = في حادر سقرها بْسوافل لهيبها
ياكم كريم(ن) من سبايب فعولهم= مْعاقب(ن) بديون بلوى دهيْ بها
تستدرِجِهْ للشّرْك تومي بْطِعْم(ن)=والعبد محتاج(ن)فْحَال(ن)شِقِي بْها
وافعولهُم لقْريب ماسرع ذبولها=وافعولهم لبْعِيد ماخْضَر عشيبْها
أقلامنا عنّت من هايل ماخطّت =والحبر في بيض الورق ملتوي بْها
والله يلا لا عجايز تهجّد= وْشيب(ن) بْجمعهْ تحرّى مغيبْها
وْميذنَةْ مسجد تعالى نديبها= وْعبد(ن) للايات بْقلبه ندي بْها*
وْطاهر(ن)في المهد مابعد أذنبّ= وْبهايم تْسبّح لَدرّت حليبْها
لكان يغشانا من الرّبّ ساعه= فيها الولايد يسرع الله مشيبْها
مير أحمِد المولى تجلّى وتقدّس=اللّي رَحَم يونس بْدَعْوى(ن) دِعِيْ بها
ياناس عقل الراس وِشْ نبتغي بِه= إلما ذِكَر محشر وْمسعر شبيبْها

* المقصودفي الشطر الأول بقول (نديبها) من النّدْب وهو الأذان،
وفي الشطر الثاني(نِدي بْها) من النَّدى وهو مايجتمع في الصباح على أوراق الأشجار من قطرات الماء.

أخوكم/ عبيد فهيد المسعودي النفيعي العتيبي

[هلال العتيبي]

صح لسانك ياعبيد
وعساك على القوة طال عمرك
مودتـــــــــــي

[عبدالله الجـــذع]

صح لسانك ودام ابداعك لنا يالغالي..

بيض الله وجهك ..

التوقيع

قال الرسول صلى الله عليه وسلم [مَنْ قَالَ أَسْتَغْفِرُ اللَّهَ الْعَظِيمَ الَّذِي لَا إِلَهَ إِلَّا هُوَ الْحَيَّ الْقَيُّومَ وَأَتُوبُ إِلَيْهِ غُفِرَ لَهُ وَإِنْ كَانَ فَرَّ مِنْ الزَّحْفِ ]( سنن الترمذي ) . . قال صلى الله عليه وسلم : ( إن الشيطان قال : وعزتك يارب ! لا أبرح اغوي عبادك ما دامت أرواحهم في أجسادهم ! فقال الرب تبارك وتعالى : ( وعزتي وجلالي , لا أزال اغفر لهم ما استغفروني ) ... ( السلسله الصحيحه ) . موقع يضم جميع القراء هنا

[أبو نجر النفيعي]

..
الله اكبر يابو فهيد ..

صح لسانك مليوون ولا تووافيك حقك ..

تبقى دائما متميز ..




أخوك

التوقيع

.....

[زبن الدخيل]

كما عهدتك متميز في طرحك
متميز في فكرك متميز في شعرك
صح لسانك ياعزيزي ولله دررك

أخوك

[عبيد المسعودي]

السلام عليكم
الأخ/هلال العتيبي
صح بدانك يالغالي
والله يقويك على الطاعة
تحياتي

الأخ/ عبدالله الجذع
صح لسانك ووجهك أبيض
ودمت للمواضيع متفاعلاً
شكراً يالغالي

الأخ/أبو نجر النفيعي
صح بدانك ملاييييييييييين يالغالي
التميز حضورك وردِّك وتفاعلك
وشكراً

الأخ/زبن الدخيل
شكراً على تفاعلك
والتميّز هو حضورك وردّك
صح بدانك واعتلى شانك

[نواف العصيمي]

صح لسانك وقصيده رائعه ولاهنت ياغالي


ولك التقدير والإحترام

التوقيع

[محب الهيلا]

صح لسانك

مشكور ماقصرت

[خلف العتيبي]

قصيده رائعه من شخص أروع..

مبدع يا عبيد وسلمت يمناك الي خطت المثايل..

لاتحرمنا من جديدك ولا تطول الغياب عن المنتدى..




بارك الله فيك..

[عبيد المسعودي]

السلام عليكم

الأخ/ نواف العصيمي
صح بدنك يالغالي
ومشكور على التفاعل والمرور
تحياتي ومودتي

الأخ/محب الهيلا
صح بدانك واعتلى شانك
مشكور يالغالي

الأخ/خلف العتيبي
تفاعل رائع من شخص رائع
سالم وغانم ياخلف
ومشكور على التفاعل والمشاركة
وابشر بالخير
والمعذرة عن تأخري عن المنتدى لظروف خارجة عن الإرادة